Jasua 8:15 - DAWAN BÎLA AISKA

¹⁵ Jasua ai uplika nani ba aikuki, Ai uplika nani ra kunin munan, upla iwras tasbaya yabalka ra plapan.

Jasua 8:15 ပူးပေါင်းရင်းမြစ်များ

Jasua 15:61

Upla iwras tasbaya ra brin ba Bet-arabá tawanka, Midín, Secacá.

Jasua 16:1

Josep kiamka ra yan tasbaya nani ba, Jordan awala lalma tani ba, Jeriko wina laya aubi ba pura tani, ba wina ban upla iwras tasbaya, il untika tani, Jeriko kat auya ba ban Betel kat sin.

Jasua 18:12

Naha tasbaya piarkika ba tâ kriki kan, lalma tani ra, Jordan awalka ra, bara Jeriko yahbra kat wi kata, bara ban il unta biara bâk muna tani ra drawi, Bet-avén upla iwras tasbaya ba kat wi kata.

Jasua 8:14

Israel luhpia nani il bîla ra dîa dauki kan ba Ai kingka ba kaikan. Bara witin sin mahka buan, war aiklaklabra nani ba aikuki ridi takan Israel luhpia nani ba mapara aiklabaia waia Jordan ilka bîla ba kat. Sakuna witin nani ai dara walras kan, Israel luhpia nani dakni wala kum pat tawan ba nina tani ra yukuki bâra kan.

Wihta Nani 20:36

Baha kat Benjamín uplika nani ai dara walan, witin nani pat sip pura luras ba. Israel luhpia nani Benjamín uplika nani mawanra ai ninara kitwi auya kan tânka ba sika, ai uplika nani bâra yukuwi banhwi ba taki balbia taim Guibeá uplika nani mapara aiklabaia baha lamara wih, hilpka briaia dukiara.

Wihta Nani 20:42

Witin nani Israel luhpia nani mawanra upla iwras tasbaya kat plapan, sakuna sip plapi swakras kan, tawan bîla wina mapara bal takan nani ba mita baha nani yabalka ba praki kan.