Jasua 7:24 - DAWAN BÎLA AISKA

²⁴ Baha wina witin nani kli kwala ba, silbarka ba, gul ni daukan dusa ba sut saki brin. Bara Acán, luhpia waitna nani ba, luhpia mairin nani sut, bîpka wainhka nani, birikuka nani, sîp nani, tintka watla, dukia wala nani bri kan ba sin sut saki brin.

Jasua 7:24 ပူးပေါင်းရင်းမြစ်များ

Blasi Sturka 18:25

¡Sip apia pali, man sip baku daukma apia, pâtkas nani ba pâtkira nani ba wal aikuki baku ikaia, wâlsut ba baha saurka ba aikuki daukan kan baku prais! ¡Baku daukpara! Man sika tasba aiska wihtka tara sma, ¿wapni lâka ba man daukma apia ki?

Job 20:15

Yuyaka nani langkan ba sut aikabi sakan kabia, Gâd mita sika klungka ba wina saki ba.

Impakan Sturka 20:5

Baha nani mawanra bawpara, mayunra sin dauki yapara. Yang sika man Dawan Gâdkam, nini tâwan lalawra sni, baha nani misbara ai kaiki banhwi nani ba bîlam kaiki kamna. Walpa tara kum purara, man walpa bara prukma ba ra, luhpia nani ra, mulika nani, snawika nani kat sin klala yabisna bamna.

Sins Lâka 15:27

Upla gridikira lika, witin ai watla bilara trabil bukisa, sakuna taiban lâka mana briaia waihla ba lika, raya kabia.

Smasmalkra 5:13

Sari lâka tara pali, naha tasba ra kaikri ba sika, kukanka tara pali paski kaia; baha ba ai dawanka ra sauhki tikisa.

Aiseya 65:10

Bara Sarón ilka bîla ba sîp daknika nani klarka daukbia, Acor twaya bîla ba sin bîp nani wakabi piaika watla kabia, yang upliki nani yang ra ai pliki nani ba bribia.

Oseas 2:15

Ningkara ai wainka nasla nani ba kli yabamna, Acor ilka langnika ba witin mapara bîla kaiki kaia durka daukamna. Bahara, witin tiara kan piua ra baku ai aisabia, sim Idsip wina takata baku.

Jasua 15:7

ningkara Acor ilka biara bâk uli wata, Debir ra bara Guilgal tani bâk tawi balata Adumim mawanra, tingnika ba waupasa tani ra; baha ningkara piarkika ba En-semes ra tingni bâra bâk lui, En-roguel kat wi kata.

Jasua 22:20

Kupiam krauks, Acán Zérah luhpia ba dukiara, witin saura daukan diara holi sauhki tikaia kan ba brin ba tâwan, bara witin pâtka mita Dawan ba Israel luhpia nani sut wal ai kupia sauhkan. ¡Bara Acán baman lika pruras kan ai saurka mana!

Jasua 6:18

Man nani aman kaiks, tawan bilara diara nani ba wina diara kumi sin bripara, mihtam sin kangpara, kan diara sut bâra ba dukiara pat adar win sa baha sut sauhki tikaia, baku daukras kama kaka, Israel kiampka Dawan mita lahtuban kabia bara sari lâka tara twilkbia.

Jasua 6:21

bara witin nani sord ni waitna, mairin, wahma, tiara, almuk, bîp wainhka, sîp, biriku nani sut ikan. Diara sut ba sauhki âpu tiki banhwan.

Jasua 7:1

Sakuna waitna kumi bâra kan, Juda taika tila wina, nina ba Acán, Carmí luhpia waitna, Zabdí mulika bara Zérah snawika. Diara nani sut sauhki tikaia kan ba tila wina witin diara nani ba brin, bamna baha daukan ba tâka Israel luhpia nani sut Dawan mawanra pâtkira kulkata, kan Dawan bui witin nani ra pat kasak win kata diara sut sauhki tikaia. Baha tâwan, Dawan kupia baiwanka ba witin nani mapara balan.

Jasua 7:23

Witin nani dukia nani ba bri si Jasua ra yaban, Israel luhpia nani sin sut kaikan, bara witin nani dukia nani ba Dawan mawanra bri si kahban.

Jasua 7:26

Angkan ba ningkara, witin yamhpuska ba purara walpa nani ailal paski swin. Baha walpaya paskanka tara ba, naiwa kat ban bâra sa. Baha tâwan baha ilka bîla ba nina mâkan Acor. Baku daukan ba kat, Dawan kupia baiwanka ba Israel luhpia nani mapara lamni takan.