Jasua 7:11 - DAWAN BÎLA AISKA

¹¹ Israel luhpia nani saura daukan, witin nani wal lâ daukri lâka ba witin nani sauhkan. Diara nani sut sauhki tikbia wîri ba dukia nani ba, witin nani ai dukia brin. Witin nani saura daukuya ba tânka bri kan, sakuna ban implikan, baha diara brin nani ba ai tilara yukuki brisa.

Jasua 7:11 ပူးပေါင်းရင်းမြစ်များ

2 King Nani 18:12

Naha na Dawan ai Gâdka bîla walras kan ba mita sika takan ba, baha purkara sin Dawan wal aisi lâ daukan lâka ba krikan, bara sin Dawan napakanka Moses mita adar nani yaban ba sin krikan kata, baha lâka nani ba witin nani walras kan bara alki sin daukras kata.

2 King Nani 5:24

Baku bamna il bahna ra wan ba ra, alba nani silbar mâ brih wata ba brih, ai watla ra yukukan, bara ningkara waitnika nani mahka swin wan.

Aiseya 24:5

Tasba ba upla nani ba mita sauhkan sa, kan witin nani, lâ purak luan bamna, wapni lâka ba wali daukras lâ ban kaia ba krikan.

Jirimaya 31:32

naha lâka blasi damikam nani wal lâ daukri kata ba baku apia, yang bui witin nani mihta wina alki Idsip wina sakri, kan witin nani bui yang lâika kulkras kan, yang pali witin nani Dawanka sna. Yang, Dawan, kasak aisisna.

Oseas 6:7

“Sakuna yang upliki nani, Adam wal baku sa, lâika witin nani wal daukri ba krikan, bara maipara saura pali daukan.

Libait Lâka 5:15

“Upla kum ai brinka wina apia, ai tânka briras Dawan ra yan dukia nani pata pura suni swin ba alki saura daukan kaka, witin ai daiwra daknika ba wina, sîp wainhka kum skahwa apia, watawan âpu pali ba bri balaia sa. Witin pâtkira takan ba, kli aibapaia sakripaiska daukaia sa, baha Dawan ra brih waia sa. Baha sîpka mana ba, silbar ra kulkaia sa tempel lalahka paun ra mangki kulki ba praiska, pâtkira takan ba prisantka nani yabaia.

Abakuk 2:6

Sakuna nisan wala nani ra pura lui taiban ba, witin nani pana lawaska kikbia, baha ra lawana ulbi aiwani: “¡Man sarkam pali ai daukisa, upla wala dukia kukanka nani dakbi bri yuyakira takisma ba! ¿Ahkia kat man baha uplika nani ra ban taibi muni dukia nani mihta wina dakbi brih kau ban traska dimi kaisma ki?”

Sakaraya 5:4

Dawan, witin karnika sut alki bri ba, kasak aisisa: ‘Naha lahtubanka yang blikisni, impliki kunin aisi yang nini bri swer taki nani ba watla ra dimaia, bara lahtubanka ba bahara ban takaskbia, watla playka nani ba sukwi âpu takbia ba kat.’ ”

Matiu 22:21

Witin nani bila: —Wihta tara dukia. Bara Jisas bila: —Ban kaka, wihta tara dukia ba wihta tara ra yas, bara Gâd dukia ba Gâd ra yas.

Apastil Nani Sturka 5:9

Pita bila: —¿Dîa kan man mayam wal lâmka dauki Dawan Spiritka ra traika kaikisma? Kaiks, mayam bri si bikan wahmika nani ba lata wina dimi aula, bara man sin mai brih taki wabia.

Kli Smalkanka 17:2

“Tawan nani Dawan Gâdkam maikaia ba tila wina, tawan kum ra waitna kum kra, mairin kra sturka walma, Gâd yamni kaikras ba dukia daukisa, lâka nani ba krikisa,

Hibru Nani 4:13

Gâd wina yukuwaia dukia kumi sin âpu sa. Diara paskan ba sut param sa bara witin ai nakra ra kwâkan sa; witinka ra sika yawan wan dahra nani saki aisaia ba.

Jasua 23:16

Dawan man nani wal ai lâka daukan ba daukras sma kaka, gâd bahki wala nani ra mayunma kaka, bara baha nani sin bawma kaka, Dawan ba man nani wal ai kupia sauhkbia, bara pat pali naha tasbaya wina diki mai sâkbia, tasba pain pali maikan sa sakuna.”

Jasua 7:1

Sakuna waitna kumi bâra kan, Juda taika tila wina, nina ba Acán, Carmí luhpia waitna, Zabdí mulika bara Zérah snawika. Diara nani sut sauhki tikaia kan ba tila wina witin diara nani ba brin, bamna baha daukan ba tâka Israel luhpia nani sut Dawan mawanra pâtkira kulkata, kan Dawan bui witin nani ra pat kasak win kata diara sut sauhki tikaia. Baha tâwan, Dawan kupia baiwanka ba witin nani mapara balan.

Jasua 7:10

Bara Dawan pana Jasua ra win: —¿Man bâra dîa daukisma? Bahara prawisma ba wina mahka bus.

Wihta Nani 2:20

Ba mita Dawan ba Israel luhpia nani ba mapara ai kupia sauhki, bara win: “Naha uplika nani na ai damika nani wal yang lâ daukri lâka ba krikisa, witin nani lika yang bîli wali daukras.

1 Samuil 14:38

Bamna Saúl bila win: —Aiklaklabra wihtka nani sut laimara bal, bara tânka pliki kaiks naha saurka na ya daukan.