Jasua 7:1 - DAWAN BÎLA AISKA

¹ Sakuna waitna kumi bâra kan, Juda taika tila wina, nina ba Acán, Carmí luhpia waitna, Zabdí mulika bara Zérah snawika. Diara nani sut sauhki tikaia kan ba tila wina witin diara nani ba brin, bamna baha daukan ba tâka Israel luhpia nani sut Dawan mawanra pâtkira kulkata, kan Dawan bui witin nani ra pat kasak win kata diara sut sauhki tikaia. Baha tâwan, Dawan kupia baiwanka ba witin nani mapara balan.

Jasua 7:1 ပူးပေါင်းရင်းမြစ်များ

Blasi Sturka 34:27

Jekob luhpia waitna wala nani ba sin ninara wan, pruan nani ba purak taibi lui. Ai lakra mana, witin nani dukia nani bri kan ba sut implikan.

2 Samuil 24:1

Dawan ba Israel luhpia nani mapara kli lawan, bara Debit ra adar yan upla nani ba kulki kaikaia, Israel bara Juda ra sin.

2 King Nani 5:24

Baku bamna il bahna ra wan ba ra, alba nani silbar mâ brih wata ba brih, ai watla ra yukukan, bara ningkara waitnika nani mahka swin wan.

1 Kronikas 21:7

Baha sut takan ba Dawan brin daukras kan, baha mita Israel purara klala blikan.

2 Kronikas 24:18

bara witin nani Dawan tempelka ba mahka swin, ai damika nani Gâdka kata ba, bara Aserá gâdka lilka nani ra mayunan, aidul wala nani ra sin. Naha saurka tâwan, Dawan ai kupia sauhkan Juda bara Jerusalem ra sin.

Esdras 9:6

naku aisi: “Yang Gâdki, yang Gâdki, yang kupi turban bara swiri lâka ra sna, nahki man ra mai wiaia sapa kaikras. Yang nani saurki ailal ba laila pura luan sa, baha purkara yang nani lâ kriki banhri pâtka ba kasbrika kat ulan sa.

Job 35:8

Man saurkam ba lika upla ra saura munisma, bara dîa yamnikam nani ba sin upla ra lika yamni nani daukisma.

Smasmalkra 9:18

Sins lâka ba kau yamni sa, war aiklabaia dukia nani ba wal. Swakwanka kumi baman mita sauhkanka tara brih aula.

Daniel 9:7

Man lika Dawan kasakkira sma, sakuna yang nani Ju nani ba naiwa wan swira tara sa, baha nani Jerusalem ra iwi ba Israel luhpia nani sut sin, baha nani wan lamara ba bara laihura ba sin, witin nani man bîlam kulkras kan ba tâwan plis plis ra yakabram sa.

Libait Lâka 10:6

Baha ningkara Moses bal Eran ra, ai luhpia nani Eleazar bara Itamar ra sin win: —Man nani kumi sin, tâmwa slingwan kabia apia, prâmka sin kalkma apia sari mai dauki baku; man nani baku daukma kaka pruma, bara Gâd kupia baiwanka upla nani purara balbia. Sakuna sari pali takan kabia ba lika, kiamkam nani ba, Israel luhpia nani sut, baha pauta klauhan Gâd blikan, witin nani angkan ba dukia.

Jona 1:7

Duri ra wark taki nani ba lika ai tilara aisi banhwi kan: —Kaisa lat lulki kaikpi, baku lika ya pâtka mita naha trabilka tara wan alki na yawan kaikbia. Witin nani lat ba lulkan bara pât ba Jona ra kauhan.

Jasua 22:16

—Yang nani lika Dawan uplika nani nina ra man nani ra aisisna. ¿Dîa muni man nani naha pât ra wan dingkaia warkka na, Israel Gâdka mapara daukram? Naha altarka man nani paskram na tâka mita sika, Dawan mapara bûi witin ra lulki swiram.

Jasua 22:18

¿Naha wal aitani apia sa ki, nanara man nani ba Dawan lâka wina ilihwi takma ba? Man nani naiwa Dawan mapara buma kaka, yauhka Israel uplika sut mapara ai kupia sauhkbia.

Jasua 22:20

Kupiam krauks, Acán Zérah luhpia ba dukiara, witin saura daukan diara holi sauhki tikaia kan ba brin ba tâwan, bara witin pâtka mita Dawan ba Israel luhpia nani sut wal ai kupia sauhkan. ¡Bara Acán baman lika pruras kan ai saurka mana!