Jasua 6:5 - DAWAN BÎLA AISKA

⁵ Man nani wali kama trumpit puhbi binka ba bin sât aihka kum puhbia, bara upla sut sin ai karnika aiska ni karna ai pura winbia, bara man nani kaikma tawan kutbanka ba sasakwi kauhbia. Bâra mika man nani aihni plapi tawan ra dimma.”

Jasua 6:5 ပူးပေါင်းရင်းမြစ်များ

Impakan Sturka 19:19

Trumpit binka ba sin aima bani kau karna, kau karna taki kan; Moses bui Dawan ra aisi ba ra, Gâd bîla baikra ba pana Moses ra aisi kan ba alwani binka baku karna kan.

Aiseya 25:12

Bara Dawan mita tawanka walpaya kutbanka nani ba batakbia, slingbia, tasba kat lulki swibia.

Aiseya 30:25

Baha yua balbia bara upla ailal ikan kabia bara kan kahbaika pliska nani ba kauhbia, lî kârma nani sin bâra kabia il pura nani ra, kiuhsi nani sut purara sin.

Jirimaya 50:15

¡Man nani tnaya bani ra war aiklabaia winanka ba dauks! ¡Babilon ai waihla mihta ra pat aimakuya! Tawer nani ba kauhan, tawanka kutbanka nani ba sasakban. ¡Baha sika yang pana munaisna ba: man nani sin pana muns! ¡Witin ra pana muns witin nani mita munan ba baku!

Hibru Nani 11:30

Kasak lukan lâka mita, Jeriko tawanka walpaya kutban nani ba kauhan, Israel luhpia nani ba yu 7 baha nani kir wapi taukan ba ningkara.

Jasua 6:16

Prîs nani ba 7 yua ba trumpit puhban, bara Jasua sin upla nani ra win: “¡Nanara man nani sin puram wins! Tawanka na Dawan bui man nani mihtam ra mangkan sa.

Jasua 6:20

Upla nani ai pura winan bara trumpit nani sin puhban. Israel luhpia nani sut pali trumpit puhban bin daukan walan ba ra, witin nani ai kârma kalki karna winan, bara tawan kutbanka kata ba bal kauhan. Bara witin nani aihni plapi dimi tawan ba alki brin,

Jasua 6:4

Prîs 7 Dawan lâka auhbaia watla ba twilki wapi ba, upla sut tâura wapi kabia, kumi bani sîp aringka ni daukan trumpitka kum bri kabia, bara yu matlalkahbi pura kumi yua ba, yu kumi bilara 7 taim tawan ba mawanra wapi tawbia, bara prîs nani ba lika trumpit ba puhbi kabia witin nani wapi ba ra.

Jasua 6:6

Bara Jasua bui prîs nani ba paiwi sturka ba win: “Man nani bui Dawan lâka auhbaia watla ba brih was, bara man nani wina 7 ba, Dawan lâka auhbaia watla ba twilki tâura wapi bas, bara kumi bani sin mihtam ra sîp aringka ni daukan trumpitka ba bri bas.

Wihta Nani 20:37

Baha yukuwi kan suldiarka nani ba Guibeá uplika nani dara walras kira tawan ra dimi, uplika nani ba sut sord ni ikan.

1 Samuil 17:20

Yapra wala titan pali, Debit buan bara upla wala mihta ra sîp nani ba swin, plun nani ai aisa wina yan ba brih mahka taki wapan. Kiamp ra wan bara kaikan aiklaklabra nani ba pat ridi taki ai pura wini kan aiklabaia waia.

1 Samuil 17:52

Bamna Israel waitnika nani bara Juda waitnika nani sin war winanka wini, nina bliki taki wan Gat dimaika kat, Ecrón dimaika kat sin. Filisteo suldiar nani pruan wîna tara ba Saaraim, Gat bara Ecrón yabalka ra prawi kan kaikan.

1 Samuil 4:5

Bamna baku Dawan lâka auhbaika ba kiamp ra brih wan, bara Israel luhpia nani ba lilia tara daukan, ai bîla baikra karna winan ba mita tasba sin nikban.