Jasua 6:26 - DAWAN BÎLA AISKA

²⁶ Baha ningkara Jasua swer taki naku aisin: “Dawan nakra ra ya pali kli Jeriko tawanka ba paskaia bubia ba, saura pali kaikan kabia. Ai luhpia tawahkia ba purara tawanka playka tara ba sunbia, bara ai luhpia sirpika ba purara tawanka getka ba sunbia.”,

Jasua 6:26 ပူးပေါင်းရင်းမြစ်များ

1 King Nani 16:34

Bamna piua ba kat Hiel Betel wina ba, Jeriko kli paskan, playa karnika bapan ba ai luhpia tawahkia Abiram rayaka mana, bara ai luhpia kau sirpi Segub rayaka mana ai durka nani mangkan, Dawan Gâd Nun luhpia Jasua bâk aisin ba kat.

1 King Nani 22:16

Bara king bui win: —¿Aima an kat taibi mai munrika, Dawan nina ra diara kasak ba ai wima ki?

2 King Nani 2:4

Bara Ilayas bui Ilaidsa ra win: —Takaski nâra bas, kan Dawan bui Jeriko ra ai blikan bamna. Sakuna Ilaidsa pana win: —Dawan nina ra swer takisna bara man ra sin, yang yakan mai swimna apia. Bamna Jeriko kat witin wal wan.

Malaquía 1:4

Bara Edom tasbaya uplika nani Isau masraka ba, witin nani naku aisabia kaka: “Wan tawanka nani sauhki tikan sa, ban sakuna yawan wan nisanka na kli bukaia sa”, karnika sut bri Dawanka ba pana aisabia: “Âu, witin nani kli bubia kaka, sakuna yang mita kli slingbamna. Witin nani ai tasbaya nina ba ‘Watawika lâka tasbaya’ mâkbia, bara ‘Dawan mita baha nisanka ra ban kaia ra ai kupia baiki ba.’ ”

Matiu 26:63

Sakuna Jisas sâp kan. Bara prîs nani wihtka ba mita win: —Gâd rayakira ba nina ra, swer taki mamkabi walisna man ba kasak ba kat aisama. Wan wis man ba Misaya, Gâd Luhpia sma sapa.

Apastil Nani Sturka 19:13

Sakuna tila Ju nani, impaki tauki pirit saura nani kangbi saki kan ba mita trai kaikan Dawan Jisas nina mâki pirit saura nani kangbi sakaia. Pirit saura nani ra naku win: “¡Pirit saura nani, Pal smalki ba Jisaska nina ra mai wisna, bal taks!”

Jasua 16:7

ba wina mâya tani Astarot bara Naará kat, ban Jeriko lamara wih Jordan awala kat takaia.