Jasua 6:24 - DAWAN BÎLA AISKA

²⁴ Baha nani sakan ba ningkara, tawanka ba witin nani mita pauta ni angkan, bara dîa dîa bilara ba sut ami luan. Silbar, gul, bras, ayan ni daukan dukia nani ba baman amras kan, bara baha dukia nani ba lika Dawan lalahka watla ra swin.

Jasua 6:24 ပူးပေါင်းရင်းမြစ်များ

2 Samuil 10:5

Debit baha walan ba ra, upla blikan wal prawaia, saura pali swira daukan ba mita, adar yan Jeriko ra takaskaia, ai unamaya ba kli pâwbia ba kat kli tawi balbia.

2 King Nani 25:9

Dawan tempelka ba, king watla ba, Jerusalem uplika nani watla aiska ba, baha sut purkara wihta tara nani watla ba aiska pali angkan luan.

1 Kronikas 18:11

Debit bui diara nani sut ba Dawan mihta ra mangkan gul bara silbar nisan wala nani wina dakban ba, Edom uplika nani, Moab, Amón uplika, filisteo bara Amalec uplika nani wina dakban kan ba.

Kulki Kaikanka 31:10

Baha purkara tawanka tara bara tawanka sirpi nani sin sut angkan.

Kli Smalkanka 13:16

Tawan lilara upla aipaswaika pliska ra, ai dukia kukanka nani ba bri si paski swis, bara tawanka ba ra, diara nani sut waihlam nani wina dakbram ba pauta ra angks. Sauhki tiks, Dawan Gâdkam ra prisantka baku angki yas. Bara baha tawanka ba baku ban kabia, kli raya paskbia apia.

Kli Smalkanka 13:17

“Sauhki tikan dukia nani wina kumi sin man wal takaskpara, bara Dawan lika man nani ra ai kupia sauhkbia apia. Damikam nani ra yabaia win ba baku, man nani ra maikka ailal sauhma,

Kli Smalkanka 20:16

Sakuna Dawan Gâdkam mita baha nisanka nani tawanka wina man nani dukiam maikbia ba ra, diara kumi sin raya swipara.

Jasua 11:11

bara baha nani sut bahara iwi kata. Sut pali sauhki tikan, bara tawanka ba sut angki tikan.

Jasua 6:19

Sakuna gul bara silbar nani ba, bras ni bara ayan ni daukan dukia nani sut ba lika, Dawan dukia yaban kabia bara Dawan lalahka watla ra mangkbia.”

Jasua 6:25

Sakuna Jasua bui Rahab taika nani baman lika ikras swin, kan witin Jeriko tawanka ba tânka pliki kaikaia waitna wâl blikan kan ba, mairka ba mita ai watla ra yukuki brin bamna. Baha piua wina Rahab bara ai kiamka nani ba sin Israel luhpia nani aikuki ai tilara iwan.

Jasua 8:28

bara Jasua bui Ai tawanka ba aiska angki sauhkan, naiwa kat sauhkan ba ban sa.

Param Marikanka 17:16

Bara aringka matawalsip daiwan saura bri kan kaikram ba mita mairin rugkira ba ra misbara kaiki banhbia, bara witin dîa dîa bri ba sut mihta dakbia bara kwala luha swibia; ai wîna tara ba pibia, bara witin ba pauta ni angki sauhki tikbia.

Param Marikanka 18:8

Baha tâwan, yu kumi bilara ai pâtka tara nani ba balbia: prura, sari, bara plun wahwan; witin ba pauta ni angkan kabia. Kan Dawan Gâd, witinka ra lâka dauki ba, karnakira sa.”