Jasua 6:19 - DAWAN BÎLA AISKA

¹⁹ Sakuna gul bara silbar nani ba, bras ni bara ayan ni daukan dukia nani sut ba lika, Dawan dukia yaban kabia bara Dawan lalahka watla ra mangkbia.”

Jasua 6:19 ပူးပေါင်းရင်းမြစ်များ

2 Samuil 8:11

Naha diara bani sut ba, Debit yamni muni bara Dawan ra yan, gul bara silbar nisan nani sut wina yan ba:

1 King Nani 14:26

Dawan watla ra diara nani bâra kan ba brin, bara king iwaia watla ra diara nani bâra kan ba sin brin, baku sin Salaman bui kan kahbaika nani gul ni daukan ba sut sin brih wan.

1 King Nani 7:51

Bara king Salaman bui Dawan tempelka ra wark daukaia dukia nani ba sut daukan ningkara, ai papika Debit tempel dukia nani bri kan ba, gul bara silbar nani, baha nani sut Dawan tempelka ra bri si swin, tempel dukia kukanka wal praki auhbi swin.

2 King Nani 24:13

Baha ningkara Nabucodonosor bui Dawan watla ra diara kukan nani bâra kan ba sut pali sakan, baku sin king watla ba wina, bara Dawan watla ra king Salaman mita diara nani gul ni paski swin kan ba aiska saki sauhki tikan.

1 Kronikas 18:11

Debit bui diara nani sut ba Dawan mihta ra mangkan gul bara silbar nisan wala nani wina dakban ba, Edom uplika nani, Moab, Amón uplika, filisteo bara Amalec uplika nani wina dakban kan ba.

1 Kronikas 26:20

Libait wala nani ba lika tempel lalahka ba main kaiki kan, mana luha yan dukia nani suni swin ba sin.

1 Kronikas 26:26

Selomit ai muihni nani aikuki lika pura kaiki kata, diara nani Debit bui utla dawanka nani, war lalka tara nani sut bui Dawan ra sunu lâka ra yan ba.

1 Kronikas 26:27

Baha dukia nani ba war aiklabi wina brin kan, bara baha dukia nani ba tempel watla ba yamni briaia dukiara swin kan.

1 Kronikas 26:28

Baku sin Dawan prapitka, Samuil bui yamni munan dukia nani ba sin bâra kata, witin ba Quis luhpia Saúl, Ner luhpia Abner, bara Seruiá lupia Joab sin kata. Diara bani yamni munan dukia nani ba lika Selomit ai muihni nani wal mihta ra kata.

1 Kronikas 28:12

Baku sin Dawan watla kutbanka ra diara nani daukaia ai sinska ra bri kan ba sut yan; baku sin kutbanka nani daukaia kan ba mawan tani, lalah nani Dawan watla ba dukiara auhbi bri kaia pliska ba, bara yamni munan dukia nani watlika ba sin.

2 Kronikas 15:18

bara Gâd tempelka ra bri si mangkan gul nani bara silbar sut, bara witin aisa wâlsut baha Dawanka ra tniwan.

2 Kronikas 31:12

witin nani kasak lâka ra diara matawalsip wina kumi Dawan ra yaia mânka bri balan ba, prisantka nani yan ba sut, baha watla ra auhbaia. Libait Conanías baha diara nani kaikaia swin, bara muihnika Simí ba watlika ra mangkaia.

Nihimaya 10:38

Libait nani tempel ra ai dukia matawalsip wina kumi ba briaia wabia bara prîs kum Eran kiamka wina wabia bara kaiki kabia. Baha ningkara, Libait nani mita Gâd tempelka ra diara auhbaika watla ra matawalsip bani wina kum yabaia ba, bri si swin kabia, baha wina kli matawalsip mânka ba wahbi saki brih wabia.

Jirimaya 38:11

Ébed-mélec waitna nani ba aikuki, king watla ra kwala almuk nani bâra ba watla ra wan, baha wina kwala almuk nani brin, bara kialira ni wilki lahban.

Libait Lâka 19:24

Mani walhwal alkbia ba kat, man nani ba sut dakbi, Dawan ra prisantkam yabi lilia daukma.

Miqueas 4:13

Dawan aisisa: “¡Saion uplika, man nani mahka bus, waihlam nani ba rausauhks! Bîp wainhka ayan aringka nani bri, bras sûska nani sin bri ba karnika baku, karnikam maikamna. Bara upla kiamka ailal sauhki tikma; witin nani bui upla dukia kukan nani sut mihta dakbi brin kan ba, baha kli witin nani wina dakbi yang ra aikma, tasba aiska Dawanka sna bamna.”

Kulki Kaikanka 31:11

Bara dîa dîa sut mihta dakban ba, upla nani bara daiwan nani ba sut,

Kulki Kaikanka 31:12

baha dukia nani ba brih ki Moses ra bri balan, Eleazar ra, Israel upla nani sut ra sin, baha nani ba ai watla dauki Moab twiya ra kata, Jordan lamara, Jeriko ra waia yabalka ra.

Kulki Kaikanka 31:22

gul, silbar ni paskan dukia nani ba, bras, ayan, bras pihni daukan, apia kaka lit,

Matiu 27:6

Prîs wihta nani lalahka ba wahbi, naku win: —Lâ apia sa naha lalahka prisant mangkaika watla ra mangkaia, tala mana sa bamna.

Mark 12:41

Yu kum Jisas tempel ra iwi kan, lalah mangkaika watla mawan kat. Witin lika upla nani lalah mangki ba kaiki kan, bara nahki lalahkira nani lalah ailal mangki kan ba sin.

Jasua 7:11

Israel luhpia nani saura daukan, witin nani wal lâ daukri lâka ba witin nani sauhkan. Diara nani sut sauhki tikbia wîri ba dukia nani ba, witin nani ai dukia brin. Witin nani saura daukuya ba tânka bri kan, sakuna ban implikan, baha diara brin nani ba ai tilara yukuki brisa.