Jasua 4:9 - DAWAN BÎLA AISKA

⁹ Baha purkara Jasua sin witin nani ra win, kli walpa wala 12 awala lilara prîs nani Dawan lâka auhbaia watla brih bûi kan ba kat asla duki swibia. Baha walpaya nani ba naiwa kat dîa swin ba baku ban bâra sa.

Jasua 4:9 ပူးပေါင်းရင်းမြစ်များ

Blasi Sturka 26:33

Bara Aisak baha liwanhta ba nina Sebá mâkan. Baha tânka ba mita sika baha tawanka nina ba Beerseba mâkan ba, bara nina ba naiwa kat ban baku mâkisa.

Blasi Sturka 28:18

Bara Jekob baha yua titan pali pat buan, bara baha walpaya ra ai lal kahbi bri yapata ba brin, bara buki bapi purara batana laiki baku tasbaya ba ra sain kum dauki swin.

2 Samuil 4:3

Beerot uplika nani ba Guitaim ra plapan sakuna, baha wina naha yua kat tringsar baku bâra iwi sa.

1 King Nani 18:31

Bara Ilayas walpa 12 brin, Jekob luhpia nani 12 kulki ba baku, Dawan witinka ra win ba baku, witin nina ba Israel mâkan kabia.

2 Kronikas 5:9

Bara dusa nani ba yari pali kan, ba mita holi pliska mawan ba wina kaiki kan, Holikira pali pliska ba wina sin, sakuna lata tani wina lika sip kaikras kan; bara baha ba baku takaskan naiwa yua ba kat.

Impakan Sturka 24:12

Dawan mita Moses ra win: —Il ra uli bal, yang nâra sna na kat, bara bîli kaiki bas, yang bui man ra walpa tanhta wâl maikaisna, bahara lâ nani ba ulbi maikamna, Israel luhpia nani ra smalkaia dukiara.

Impakan Sturka 28:21

Walpaya nani ba 12 kaia sa, Israel luhpia nani nina kulkanka ba kat. Walpaya kumi bani ra nina ba sîl ra ulbi ba baku ulban kabia, baha 12 nina ba.

Matiu 27:8

Baha mita, baha tasbaya naiwa yua kat, tala tasbaya mâkisa.

Matiu 28:15

Bara suldiarka nani lalahka ba brin, bara dîa win ba kat wih daukan. Bara naiwa yua kat ban Ju nani baku tânka ba aisisa.

Kli Smalkanka 34:6

Bara Moab tasbaya pîska langnika kum ra bikan Bet-peor lalmika ra, naiwa kat baha pliska upla kaikras sa.

Jasua 24:26

bamna Dawan Gâd wauhkataya ra lâ nani ba sut ulban. Ningkara walpa tara kum brin bara usupum dusa munhtara mangkan, bahara sika Dawan holikira ba pliska bâra kata ba.

Jasua 4:10

Prîs nani Dawan lâka auhbaia watla ba twilki Jordan awala lila kat wih bûi kan ba, Dawan mita sin Jasua ra win, Israel luhpia nani ra win diara nani dauki kan ba. Baha sut ba Moses mita sin pat Jasua ra win baku daukaia. Upla nani ba isti awala ba lui wan,

Wihta Nani 1:26

Bara baha waitnika hitita nani tasbaya ra wan, bahara tawan raya kum paskan bara tawanka nina ba Luz mâkan, baha nina ba naiwa kat kau ban baku mâkisa.

1 Samuil 30:25

(Debit baha lâka daukan ba wina, naha yua kat Israel ra lâka ba ban sa.)

1 Samuil 7:12

Baha ningkara Samuil walpa tara kum brin, bara mark kum kaia mangkan Mispá bara Sen wal bilka ra, bara nina ba Eben-ézer mâkata, kan witin bila: “Nanara kat Dawan hilp wan munan sa.”