Jasua 3:7 - DAWAN BÎLA AISKA

⁷ Bara Dawan Jasua ra win: “Naiwa wina, piua bani yang bui maikrika Israel luhpia nani mawanra, man diara kau tara nani dauki kama. Bara baku witin nani kaikbia yang lika man wal sna, naipakan Moses wal kapri ba baku.

Jasua 3:7 ပူးပေါင်းရင်းမြစ်များ

1 Kronikas 29:25

Bamna Dawan bui Israel luhpia nani mawanra, Salaman ba tara pali bukan kata, ai kingka lâka prana ba, witin ai kainara kau king wala nani ba briras kata.

2 Kronikas 1:1

Salaman, Debit luhpia ba, Dawan wina tâ baikanka brin, witin ai kingka lâka ba karna bri kaia dukiara, bara ai karnika ba tara pali takan kata.

Job 7:17

¿Upla ba dîa sa, bara uya pali tara kulkisma ba? ¿Dîa muni upla ba dukiara uya pali lukisma ba?

Lawana Nani 18:35

Man sika kaini kahbi swaki ai sakisma ba, man mihtam aihkika ni ai alki tâi baikisma, man kupiam yamni lâka ba mita diara yamni manis yang ra takan.

Jan 17:1

Jisas naha diara nani aisin ba ningkara, witin kasbrika pura ba tani ra tawi kaiki, naku aisin: “Aisa, awarka ba pat aimakan sa. Bamna Luhpiam ra mayunra yas, bara baku mika witin mita sin mayunra maikbia.

Pilipai 1:20

Kan yang kasak lukisna Gâd bui yang ra ai swibia apia saura ra waia, sakuna kasak luki aisi kamna, bamna nanara bara piu bani ra sin, Kraist mayunaia tânka ba yang wîni ra kau pali upla nani mita kaikbia, raya kamna bara pruri kamna kra sin.

Jasua 1:17

Bîlam wali dauki kamna, yang nani bui Moses bîla wali dauki kapri baku. Diara kumi baman brin wan daukisa, mamkabisna Dawan Gâdkam ba man wal kabia, Moses lamara ban kan ba baku.

Jasua 1:5

Rayakam yua nani sut ra upla kumi sin man nani wal aiklabi, puram lui mai batakbia apia; yang lika man nani wal kamna, Moses wal kapri ba baku, lamamra ban kamna bara lulki mai swimna apia ban kaia ra.

Jasua 1:9

Yang sika mai blikisna kupiam karna bara bapi bûi kama dukiara. Si bripara, kupiam lukanka sin swapni takbiara, man ani anira wama ba, yang, man Dawankam bara man Gâdkam, man wal kamna.”

Jasua 3:6

Witin prîs nani ra sin win: Dawan lâka watla ba, man nani twilki upla nani tâura awala ba lui was.” Bara prîs nani ba Dawan lâka auhbi watla ba twilki, upla nani tâura lui wan.

Jasua 3:8

Man adarkam nani yabi wiaia sma ba, prîs nani ra adar yabi wis, Dawan lâka watla ba witin nani twilki brih wabia Jordan awala un kat, baha wina awala kat dimi wih takaski bâra bûi kabia.”

Jasua 4:14

Baha yua Dawan mita baku daukan, Israel luhpia nani ba sut Jasua ra kaiki tâ iwaia bara kulkanka sin yabaia, Moses raya kan witin nani bui witin ra bîla wali kulki kan ba baku, Jasua ra sin kulkaia.