Jasua 3:5 - DAWAN BÎLA AISKA

⁵ Klin takaia dukiara sin Jasua bui witin nani ra win: “Man nani sin klin taks, yauhka kaikma Dawan ai warkka aihka nani dauki ba.’’

Jasua 3:5 ပူးပေါင်းရင်းမြစ်များ

Job 1:5

Pata tara dauki pih luya ningkara, Job ai luhpia nani ba paiwi kan, bara titan ra bûi bara kumi bani dukiara daiwan aiska angki ai pura suni kan, witin nani ai saurka ba wina sunu daukaia dukiara. Job naha na dauki kan piua bani, ban kra luki kan ai luhpia nani ba Gâd mapara saura daukan sa sapa.

Lawana Nani 77:15

Man karnikam ni uplikam nani atki sakram, Jekob bara Josep luhpia nani ba sin.

Lawana Nani 86:10

Man baman sika Gâd; man baman tara sma bara diara tara nani daukisma.

Joel 2:16

Dawan uplika nani ba, asla kuki bris, bara sunu dauki banhs; tawan tâ uplika, lâ dadaukra almuk nani ba, asla dauki banhs, tuktan nani, tuktan swap nani tiala di ba sin sut asla dauks. ¡Bisi pali marit takan nani ba sin, ai watla wina taki balbia wis!

Libait Lâka 10:3

Baha ningkara Moses naku win Eran ra: —Naha sika Gâd mai wiaia ai win kan ba, naku win ba ra: ‘Yang laimara aula ba uplika nani ra marikamni holiki lâka ba, bara Israel luhpia nani sut ra yang praina ba marikamni.’ Bara Eran diara aisaras sâp kan.

Libait Lâka 20:7

“Man nani wînam aiska holikira taks yang ra. Yang sika man nani Dawan Gâdkam.

Kulki Kaikanka 11:8

Upla nani baha pliki wahbi bri kan, baha piaia. Walpa ra akbi piaki kan, baha ni turtiya dauki kan.

Jan 17:19

Witin nani dukiara, yang rayaki aiska na man mihtam ra mangkisni, bara baku mika witin nani sin diara kasak ba mita holikira sakan kabia.

Jasua 3:13

Prîs nani Dawan lâka auhbaia watla ba twilki wabia, bara upla sut ai mina liura dingkbia ba ra, awala kla wina aubi ba takaskbia plis kumi ra.”

Jasua 3:4

Bara baku man nani sin anik waia yabalka ba kaikma, kan nanara kat man nani kumi sin kau naha yabalka nâk luras kapram, bamna kakaira apia sma. Sakuna man nani lâ nani auhbaia watla twilki ba lamara lika wapara, kilumita kum prais laih wina ninara wapi bas.”

Jasua 3:6

Witin prîs nani ra sin win: Dawan lâka watla ba, man nani twilki upla nani tâura awala ba lui was.” Bara prîs nani ba Dawan lâka auhbi watla ba twilki, upla nani tâura lui wan.

Jasua 7:13

Bus bara upla nani sut paiws balbia. Witin nani ra wis upla sut ridi takbia yauhka yang maiwanra bal buaia. Yang Dawan, Israel Gâdka, yang naha bîla nani man nani ra aisaia brisna: ‘Man, Israel, diara sut sauhki âpu tikaia kapram ba dukia nani ba wina diara nani briram, bara baha dukia nani ba sut sauhki lulki swiras kama kaka, waihlam nani mapara sip buma apia.’

1 Samuil 16:5

Samuil pana win: —Baku sa. Yang aulna Dawan ra sakripais kum dauki yabaia. Man nani klin taks bara kaisa yang wal waia sakripais ba daukaia. Bara Samuil mita Jesé bara luhpia nani ba klin daukan, ningkara paiwan aikuki waia sakripais daukaia ba pliska ra.