Jasua 3:17 - DAWAN BÎLA AISKA

¹⁷ Awala bîla lâwan bâk upla nani sut ba wapi lui wan, sakuna prîs nani ba lika awala bîla lila ba kat takaskata, kan Dawan lâ daukan auhbaia watla ba bâra bri kan, tasba lâwan karna ba purara.

Jasua 3:17 ပူးပေါင်းရင်းမြစ်များ

2 King Nani 2:8

Bara Ilaidsa ai prâka ba brih, blaki liura wipan; bara baiwi takan, bara witin wâlsut tasba lâwan bâk wapi lui wan.

Lawana Nani 66:6

Kabu ba tasba lâwan daukan, bara wan damika nani awala ba wapi luan; ¡bamna yawan bui Gâd ra lilia daukpi!

Impakan Sturka 14:21

Bamna Moses ai klahkla ba kabu purara sakban; bara Dawan mita lalma wina pâsa karna pali yaban krawan, tihmia aiska. Baku kabu ba lilak baiki tnaya wâl awala bîla baku sakan, bara lilapas bâk tasba lâwan takan.

Impakan Sturka 14:22

Bara tasba lâwan takan bâk, Israel luhpia nani ba kabu ba lui wan. Lî nani baikanka ba, ai aihkika ra bara ai smihka ra bri kan.

Impakan Sturka 14:29

Ban sakuna, Israel luhpia nani lika tasba lâwan bâk lui wan. Kabu laya ba kutbanka tara wâl kan, kumi ai aihkika ra bara wala ba ai smihka ra.

Aiseya 25:8

Ban kaia ra ban prura ra, Dawan mita sauhkan kabia; mawan nani wina, Dawan mita nakra laya nani sut diki sâkbia bara tasba aiska wina ai uplika nani swira lâka ba bri sâkbia. Dawan ba aisin.

Kulki Kaikanka 33:51

“Naha mai wisna na Israel luhpia nani ra wis: Man nani Jordan baila wala lui Kenan tasbaya ra dimma ba ra,

Hibru Nani 11:29

Kasak lukan lâka mita Israel luhpia nani Kabu Pauni bâk luan, baha ba tasba lâwan kan baku; bara Idsip uplika nani sin baku daukaia munan ba ra, kwapi sut pruan.

Jasua 4:1

Upla nani sut awala baila wala ra luan ba ra, Dawan Jasua ra aisin:

Jasua 4:10

Prîs nani Dawan lâka auhbaia watla ba twilki Jordan awala lila kat wih bûi kan ba, Dawan mita sin Jasua ra win, Israel luhpia nani ra win diara nani dauki kan ba. Baha sut ba Moses mita sin pat Jasua ra win baku daukaia. Upla nani ba isti awala ba lui wan,

Jasua 4:11

upla nani ba sut baila wala ra lui wan, bara prîs nani ba Dawan lâka auhbaia watla ba brih luan, bara upla nani sut tâura witin nani aimakan.

Jasua 4:22

man nani pana witin nani ra wis, Israel luhpia ba nahki Jordan awala ba lâki lui wan, walpaya nani ba baha tukinka,

Jasua 4:3

Bara waitnika nani ba ra wis awala bilara prîs nani bûi kan ba wina walpa 12 sâkbia, bara na tihmia man nani anira wih takaskma ba, bahara walpaya ba brih wabia.”

Jasua 5:1

Jordan awala baila wala muna tani ra amorreo nani kingka nani sut, Mediterráneo kabuka lamara ba, Kenan uplika nani kingka nani ba sut sin, sturi takan ba walan, Dawan mita Jordan awala ba lâki bri kan, bara Israel luhpia nani ba awala baila wala luan ba. Baha sturka witin nani ra kasak sibrin daukan, baha mita witin nani kumi sin Israel luhpia nani ra ai mihta bukras kan.