Jasua 24:7 - DAWAN BÎLA AISKA

⁷ Witin nani ai winan ba ra, yang bui Idsip uplika nani lilapas ra tihmia tara mangkri, bara kabu ba Idsip uplika nani purara yâri bikan. Man nani ba baha witniska nani sma dîa Idsip ra daukri ba. ‘Ba ningkara man nani twi ra mani ailal, upla iwras tasbaya ra wataukram,

Jasua 24:7 ပူးပေါင်းရင်းမြစ်များ

Impakan Sturka 14:10

Israel luhpia nani ai dara walan, king fero bara Idsip uplika nani aikuki pat ai lamara aula kan ba. Witin nani sibrin pali daukan bara mahka Dawan ra ai pura sunan.

Impakan Sturka 14:20

Kasbrika playka ba Israel luhpia nani bara Idsip war aiklaklabra nani ba wal lilapas kat aimakan. Idsip uplika nani ra tihmia tara baman yabi kan, sakuna Israel luhpia nani ra lika ingni baman yaban. Baha mita Idsip uplika nani ba, tihmia aiska Israel luhpia nani nina bliki kan, sakuna witin nani sip bliki alkras kan.

Impakan Sturka 14:31

Dawan wark karnakira nani Idsip uplika nani mapara daukan ba, Israel luhpia nani ba kaikan ba ra, witin nani Dawan sibrinka brin bara kasak lukan. Ai napakanka Moses ra sin kulkanka yabi banhwan.

Kli Smalkanka 1:46

Baha tâka mita man nani piua wihka Cadés tasbaya ra iwi kapram.

Kli Smalkanka 2:14

“Yang nani Cadés-barnea wina taki, Zéred tingnika lui banhri ba kat, 38 mani alkan, Dawan swer taki aisin ba baku, waitna nani war aiklabi tauki kan ba sut prui tiwan ba kat.

Kli Smalkanka 29:2

Moses bui Israel luhpia nani sut asla dauki, bara win: “Man nani kaikram Idsip ra Dawan mita king fero ra dîa daukan ba, warkka dadaukra nani ra bara kuntrika aiska ra sin.

Kli Smalkanka 4:34

¿Gâd wala bâk sakan ba ra kangbi, upla wala nani tilara tânka tara kaiki, sain nani wark aihkakira dauki, war aiklabi kira tasba ra ai karnika marikan, Dawan Gâdkam Idsip ra man nani mamta daukan kaikram ba?

Hibru Nani 3:17

¿Bara ya uplika nani wal, 40 mani Gâd lawi kan? Witin lawi kan saura daukan uplika nani ra, bara witinka nani ba upla iwras tasbaya ra kauhi prui banhwan.

Jasua 5:6

Israel luhpia nani ba upla iwras tasbaya bâk 40 mani watauki kan bamna, war aiklabaia manka bri kan waitnika nani ba sut pruan. Baha waitnika nani ba Dawan lâ daukan bîla ba wali daukras kan, baha mita Dawan bui witin nani ra swer taki win, tasba ai damika nani ra yabaia win ba tasbaya ra baha nani dimbia apia; baha tasbaya ra sika tialka laya bara nasma laya lî laiwi baku laiwisa.