Jasua 24:12 - DAWAN BÎLA AISKA

¹² Amorreo kingka nani wâl ra man nani sauhki tikras kapram sord bara pantamangka wal sin apia, sakuna yang mita sibrin tara blikri man nani kainamra. Baku ba mita witin nani sut plapan kan, man nani waras kapram kainamra.

Jasua 24:12 ပူးပေါင်းရင်းမြစ်များ

Lawana Nani 135:11

Sihón ra, amorreo nani kingka ba, Og, Basán kingka sin, Kenan kingka nani sut sin ikan;

Lawana Nani 80:10

Bara il nani ba ai distika ni bikan, witin ai tnawa ni dus kau purara ba sin.

Lawana Nani 80:9

Baha mangkaia tasbaya ba klin daukram, bara wain kiwka ba ai wakia nani sakata bara kuntri aiska ba banhki daukan.

Impakan Sturka 23:28

Yang daukamna sibrin mita kupia sut tiwi kaia ba, man nani kainamra wabia, bamna baku mita heveo nani, hitita nani, Kenan uplika nani sut sin, man nani kainamra plapi kabia.

Impakan Sturka 23:31

Tasbayam piarkika ba sin naku daukri sa: Kabu Pauni ba wina filisteo nani kabuka kat, bara tasba lâwan ba wina Éufrates awalka kat. Upla nani sut baha bilara iwi ba yang mita man nani mihtam ra mangkri sa, man nani mita witin nani ba mamwan wina kangbi sâkma.

Kulki Kaikanka 21:31

Bamna baku sika Israel luhpia nani ba amorreo tasbaya ra iwi banhwan.

Kulki Kaikanka 21:32

Baha purkara, Moses sin waitna nani saki blikan wan Jazer tasbaya ba laki kaikaia, bara Israel luhpia nani tawan nani baha tnaya ra kan ba sut pura luan, bara amorreo nani sut ai tasbaya ra iwi kan ba kangbi sakan.

Kli Smalkanka 31:4

Dawan mita Sihón bara Og, amorreo kingka nani ra daukan ba baku, sim natka ra naha nisan nani ra sauhki tikbia.

Kli Smalkanka 4:46

witin nani Jordan lalma ra kan piua ra, Bet-peor mawan langnika ra, Sihón amorreo nani kingka tasbaya ra. Sihón lika Hesbón ra iwi kan, sakuna Moses bara Israel luhpia nani Idsip wina takan piua ra pura luan.

Kli Smalkanka 4:47

Israel luhpia nani witin nani tasbaya ba yus munan, Og Basán kingka tasbaya ba, bara amorreo nani kingka wâl Jordan lalma tani ra iwi kan ba tasbaya ba sin.

Kli Smalkanka 7:20

Dawan mita witin nani purara sirang tara blîkbia, kau raya takaski yukuwan nani ba âpu daukbia.

Jasua 2:10

Yang nani tânka brisna man nani Idsip wina bal takram ba ra, Dawan mita Kabu Pauni laya ba lâkan, man nani baila wala ra luaia dukiara, baku sin man nani bui Sihón bara Og kingka nani sut tikram, amorreo nani king wâl, Jordan baila wala kat ba.