Jasua 23:7 - DAWAN BÎLA AISKA

⁷ Aiblakpara upla wala nani man nani tilamra nâra iwi nani ba wal, baha nani gâdka ra mayunpara, baha nani bîla wali sin daukpara. Baha nani gâdka nina sin mâkpara, gâdka bahki ba nina mâki sin aisapara, swer sin takpara.

Jasua 23:7 ပူးပေါင်းရင်းမြစ်များ

2 King Nani 17:12

Bara witin nani ba gâd bahki nani ra mayunan, Dawan pat win kata bahmuna daukaia apia.

2 King Nani 5:18

Dawan ra diara kumi baman makabisna pâtki swih tikbia: ani yua ra yang wihtki Rimón tempel watla ra mayunaia wabia ba ra, yang mihti ra alki ai lula krikaia, yang sin witin wal alki Rimón tempelka watla ra luli krikamna. Bara Dawan ba naha dukiara ai albika pâtka ba ban swih tikbia.

2 Kronikas 7:19

Sakuna man nani ba yang yabalki wina laihura taki ai kulkras, lâika kat daukras kama kaka, gâd bahki nani dukia dauki bara mayunma kaka,

Lawana Nani 16:4

Lilka nani bri ba, witin nani kau ailal daukbia, mayunra kau tara dauki kabia. ¡Tala laiwi sakripaiska nani dauki ba tilara kamna apia! Yang bîli ni baha nani nina mâkamna apia.

Impakan Sturka 20:5

Baha nani mawanra bawpara, mayunra sin dauki yapara. Yang sika man Dawan Gâdkam, nini tâwan lalawra sni, baha nani misbara ai kaiki banhwi nani ba bîlam kaiki kamna. Walpa tara kum purara, man walpa bara prukma ba ra, luhpia nani ra, mulika nani, snawika nani kat sin klala yabisna bamna.

Impakan Sturka 23:13

“Diara nani sut yang mai wîri ba kat dauki bas. Bara aikrika, gâd wala nani kumi sin dukiara man nani unam nani wina walamnara.

Impakan Sturka 23:33

Witin nani ba man nani tasbayam ra swirka takaskaia lâka sin daukpara, witin nani kra mai munka, yang maipara saura yama kra sîa. Ai gâdka ra kra wih puram suni mayunma kaka, baha ba man nani kauhankam kabia tiwaia lâka ra.”

Sins Lâka 4:14

Upla watawikira nani yabalka bilara aimakpara; ai daukanka saura nina blîkpara.

Jirimaya 12:16

Witin nani mita saki yang upliki nani ba Baal ra swer takaia smalkan ba, sakuna nanara upliki nani tilara iwaia sip kabia, upliki nani nini mâki maiyuni ba witin nani sin aitani lukbia bara nini bri swer taki aisabia: ‘Dawan raya ba mita.’

Jirimaya 5:7

Dawan naku aisisa: “¿Naha pâtka nani sut na nahki ban swih tikamna? Man luhpiam nani ba lulki ai swin, bara gâd apia nani ba mayunisa. Yang bui witin nani ra plun ailal pali yabri, sakuna witin nani lika yang wal wapni apia kan, witin nani sut aiska ba ur tatakra takan.

Oseas 2:17

Baal nina ba, un nani wina dikamni, witin nani kli Baal nani nina mâki aisabia apia.

Sofonías 1:5

Utla nani bahna ra uli, slilma nani ra ai pura suni ba, ai gâdka Milcom mawanra ai lula kriki ai pura suni ba bara yang nini ra sin swer taki ba sut sauhki tikamni.

Kulki Kaikanka 32:38

Nebo, Baal-meón bara Sibmá tawanka nani ba kli paskan, tawanka nani tila nina ba sin nina wala mâkan, ban sin kum kum ba ai nina mangki banhwan.

Kulki Kaikanka 33:55

Man nani tasbaya uplika nani ba kangbi sakras kama kaka, baha nani takaskuya ba man nani mampara pât bukbia, dus tatwa baku kiaya wînam ra ba dimi baku kabia, tasba ba man nani paskma piua ra.

1 Korint 15:33

Man nani mamwahkpara. Aisanka kum aisi ba baku: “Wan pânika saura nani mita wan lâka pain nani ba sauhkisa.”

Epesus 5:11

Diara bahki nani tihmia uplika nani dauki ba wal sin prawpara; sakuna kau pain sa baha diara nani ba ingni ra sal sâkma.

Kli Smalkanka 10:20

“Dawan Gâdkam bîla wali dauki bas, bara witin ra baman mayuni bas; man nani kasak bas, witin ai nina ra baman swer taki bas.

Kli Smalkanka 6:13

Dawan Gâdkam ra mayuns bara witin warkka baman dauki bas, bara swer takaia kaka, Dawan nina ra baman dauki banhwi bas.

Kli Smalkanka 6:14

Tawan lamamra iwi nani ba Gâd wala nani ra mayuni kaka, baha nani ninara wapara.

Jasua 23:12

Kan brin ai daukisa man nani naha na kaiki kama: Gâd lâka ba swima, bara naha uplika nani tilamra iwi na wal aiblakma kaka, ban sin wal marit takma kaka kum wala wal, Dawan Gâd naha uplika nani kangbi sakan kabia apia man nani mamwan wina. Sakuna man nani mampara daiwan alkaika tân ba baku kabia, man nani bahara kauhma bara pamhpaya ra klala wipanka baku kabia, kiaya baku sin namkra ra, Dawan Gâd naha tasbaya painkira maikan na kumi sin man nani bri kama apia.

Jasua 23:8

Yua bani Dawan Gâdkam nina bliki bas kainara baku, naiwa yua kat daukisma ba baku.