Jasua 23:1 - DAWAN BÎLA AISKA

¹ Dawan mita piua ailal luan ra Israel luhpia nani ra yan ai waihla nani wal kupia kumi kaia, Jasua sin pat almuk kan ba ra,

Jasua 23:1 ပူးပေါင်းရင်းမြစ်များ

Blasi Sturka 25:8

Witin almuk pali taki pruan, siknis âpu kan, bara ai almukka nani raitika ra bri si bikan.

1 King Nani 1:1

King Debit ba almuk pali takan kata, yua ailal pali iwan ba mita pat dama kata. Bamna kwala nani pura praki kan ba, baha sin witin ra sip lapta yaras kan.

1 Kronikas 23:25

Debit bui aisi win kata: “Dawan, Israel Gâdka ba, ai uplika nani ra yaban sa lamni lâka bara ai iwaika pliska kum Jerusalem ra.

1 Kronikas 27:1

Bamna Israel luhpia nani kumi bani, ai taya nani kat, war aiklaklabra daknika tara bara daknika sirpi nani kat, aiklaklabra wihtka nani kat nina nani ba ulbi sakan kata, naha nani king warkka dauki nani kan ba, war aiklaklabra daknika baiki sakanka nani asla wark dauki kan ba ai piua kat kati bani mani aiska ra. Daknika bani ba bri kata 24,000 aiklaklabra nani.

2 Kronikas 14:1

Abiam pruan ba ra, Debit Tawanka ra bikan. Baha ningkara witin ai watlika ra ai luhpia waitna, Asá king aimakan. Witin king aimakan ba ra, kupia kumi lâka bâra kan, ai tawanka ra mani matawalsip.

2 Kronikas 14:5

Juda wina altar bahki pura sunaia pliska kan ba sut sakan, witin ai piua sut ba kupia kumi lâka bâra kan.

2 Kronikas 20:30

Bamna baku Josafat kingka lâka ba ai kainara wan kata yamni lâka ra, kan Dawan bui kupia kumi lâka ra iwaia daukan ai lamara iwi uplika aikuki.

Lawana Nani 46:9

Witin war nani âpu daukan, tasba aiska ra; witin pantamangka nani kata sut krikan, langsa nani kata ba kriki, yuya man daukan; ¡war waginka nani kata ba angki âpu daukan!

Aiseya 63:14

daiwan nani il bîla ra iwi auya ba baku?” Dawan spiritka ba witin nani tâ bri kan. Witin ai uplika nani ba baku tâ brin bara upla ailal aisaia daukan.

Kli Smalkanka 31:2

“Yang 120 mani brisna, bara yang karnika âpu sna kau namhpa namhpa taukaia. Ba purkara Dawan mita ai win, yang Jordan awalka ba luamna apia.

Jasua 11:23

Baku bamna, Jasua tasba ba pura luan, dîa Dawan bui Moses ra win ba kat. Ningkara Israel kiamka nani tilara tasba ba pîs ra baiki yan, ai tasbaya prapatika baku. Baha ningkara kupia kumi lâka bâra kan, baha tasbaya ra war âpu kan.

Jasua 13:1

Jasua ba pat almuk takan, bara Dawan bui witin ra win: “Man mankam ba pat almuk takisa, bara man kau tasba manis pura luaia brisma.

Jasua 21:44

Dawan ba ai pramiska kat daukan bara tasbaya iwi kan ba sut ra kupia kumi lâka yan. Ai waihla nani bui mapara sip unsabras kan, Dawan mita baha nani ra pura luaia yan bamna.

Jasua 22:4

Nanara witin ai pramiska nani sut ba daukan bara muihkam nani kupia kumi lâka ba brisa, baku bamna kli tawi was tintkam watla nani ra, bara tasba Dawan napakanka Moses bui maikan ba ra sin, baha Jordan awala lalma tani ra.

1 Samuil 12:2

Bahamna nanara witin tâm bribia, yang kau tukta kapri ba yua wina tâm briri na yua kat. Nanara almuk sna, laila sut pihwan, luhpi nani sin man nani tilamra sa,