Jasua 22:9 - DAWAN BÎLA AISKA

⁹ Baku sika Ruben bara Gad kiamka nani bara Manasés kiamka bakriki ba wal Israel luhpia nani wina dakwi takan ba Siló ra, Kenan tasbaya ra, kli tawi wih Galaad ra iwaia dukiara, bahara sika ai tasbaya nani bri kan, Dawan bui Moses bâk wisata ba baku.

Jasua 22:9 ပူးပေါင်းရင်းမြစ်များ

2 Samuil 2:9

bahara witin Galaad, Guesurí, Jezreel, Efraín, Benjamín bara Israel aiska kingka mangkan.

1 Kronikas 5:9

Lalma tani bâk upla iwras tasbaya Éufrates awalka wina wih unyukwika kangbi ba kat ai putka bapan, kan ai daiwra nani ba ailal pali sahwan Galaad tasbaya pîska ba ra.

Lawana Nani 60:7

Galaad bara Manasés ba yang duki, Efraín lika laila pura prakaika sa, Juda ba lika yang wapaiki dusa.

Kulki Kaikanka 32:1

Ruben bara Gad wal kiamka nani ba, bîp ailal pali bri kan. Witin nani kaikan Jazer bara Galaad tasbaya ba pain kan bîp sahwaia,

Kulki Kaikanka 32:20

Bara Moses pana witin nani ra win: —Man nani aisisma ba kat daukma, Dawan lâ mangkan ba kat war aiklabaia dukia nani brima,

Kulki Kaikanka 32:22

Tawan ba sin aiklabi pura luma, baku lika Dawan bui Israel luhpia nani dukiara lâ nani mangkan ba dauki, bara man nani pri tawi balma. Bara tasbaya na, man nani dukiam kabia, Dawan aisin ba kat.

Kulki Kaikanka 32:26

Yang nani mayi, luhpi sirpi nani, bîpki nani bara daiwan nani sut brisna ba nahara takaskbia, Galaad tawanka nani ra.

Kulki Kaikanka 32:29

—Gad bara Ruben wal kiamka nani sut ba man nani wal Jordan baila wala ra lubia kaka, war aiklabaia dukia nani brih aiklabaia Dawan lâ mangkan ba kat, tasbaya uplika nani ba mapara aiklabi pura luma ba kat, man nani bui Galaad tasbaya ba witin nani ai tasbaya yabi banhma.

Kli Smalkanka 3:18

“Sakuna baha piua ra, yang bui man nani ra lâ naku mai smalki kapri: ‘Dawan Gâdkam naha tasbaya nani sut man dukiam briaia maikan sa. Israel luhpia nani, man nani tilam wina pat kupia karna takan, war aiklabaia sip nani ba, man nani kainamra blîkka wabia aiklabaia dukia nani bri, Jordan awala baila wala ra luaia.

Kli Smalkanka 3:20

Bara yang Dawan, muihkam nani ra yaras kapri, lamni lâka man nani ra maikri ba baku, witin nani sin ai pliska briras man nani tasbayam maikisna ba baku. Jordan awala baila wala wina, man nani sin sip kli tawi balma apia yang tasba maikri ba ra.’

Kli Smalkanka 34:1

Moab upla iwras tasbaya wina, Moses Nebo ilka ra ulan, baha lika Pisgá ilka Jeriko mawan kat yaba. Bahara Dawan bui Galaad tasbaya ba ban Dan tasbaya kat marikan,

Jasua 13:11

Bamna Galaad bara Guesur uplika nani bara Maacat uplika nani tasbaya ba sin, Hermón ilka ba bara Basán tasbaya aiska Salcá kat,

Jasua 13:25

Jazer ba yan bara tawan tara nani Galaad tawanka nani sut, Amón uplika nani tasbaya bakriki Aroer tawanka tara ba, baha lika Rabá mawanra ba,

Jasua 13:31

Galaad bakriki, bara Astarot wihki Edrei tawanka nani. Naha nani sut Maquir kiamka bakriki ra yaban kata, witinka Manasés luhpia ba, ai uplika nani kulkan bri ba praiska kat.

Jasua 22:10

Ruben bara Gad kiamka nani bara Manasés kiamka nani ba sin, Kena tasbaya ra Jordan awala muna tani ra balan ba ra, witin nani bahara altar tara kum paskan.

Wihta Nani 20:1

Benjamín kiamka luhpia nani baha sturka ba walan ba ra, witin nani sin Dan tasbaya wina Beerseba tasbaya kat bara Galaad tasbaya sin sut Dawan mawanra, Mispá ra asla takan war aiklabaia.

Wihta Nani 5:17

“Galaad ba Jordan awala baila wala ra aihwaki takaskan; Dan ba duri tara nani ba lamara takaskan, bara Aser lika kabu un wâpka nani ra takaskan, baha wina kli takras;