Jasua 22:22 - DAWAN BÎLA AISKA

²² —Gâd nani sut Dawanka bara Gâdka ba, witin nu sa yang nani dîa luki naha altarka paskri ba, witin mapara buaia, apia kaka witin wina tnaya ra tawaia dukiara. Baha witin nu sa, bara witin baha nani sut tânka ba man nani ra mamrikbia. Baha baku daukaia tâka sa kaka, yang nani ra raya ai swipara.

Jasua 22:22 ပူးပေါင်းရင်းမြစ်များ

1 King Nani 8:39

kasbrika purara iwisma pali ba wina wali kama, bara pâtka ba ban swih tikma. Ningkara man mahka dîa daukaia lukma ba daukma, kumi bani ra ai daukanka ba kat mana yama, man baha nani kupia ba kaikisma bamna. Man baman sika upla nani sut kupia tânka kaikisma ba.

Job 10:7

Man kasak kaikisma yang na pâtkas sna, bara upla âpu sa man karnikam mununhta ba wina ai dakbi ai sakaia.

Job 23:10

Mini lulkanka bani witin kaikisa, tâinka pliki kaikbia kaka, aihwa kamna gul aihwa ba wal baku.

Job 31:22

Naha na kasak apia sa kaka, paihpaya ba wina klaihkla nani ba daiwi kauhbia.

Lawana Nani 136:2

Man nani, Gâd ra tingki wis, Dawan nani dawanka ra, ai latwanka lâka ba ban kaia ra ban sa bamna.

Lawana Nani 37:6

Bara man kasakkam lâka, man wapnikam lâka daukisma ba, lapta wan lal kat ingnika ingwi ba baku, yarka ingwi kabia.

Lawana Nani 40:9

Man uplikam ailal pali ba mawanra yang marikri lâ tânka kasak ba. ¡Dawan, baha man kaikisma, yang bîli praki sâp aisaras apia kapri ba!

Lawana Nani 44:21

Man pat baha ba damra walaia katma, kan man sika diara yukuwan ra bâra ba, sut pali kaikisma.

Lawana Nani 44:22

Sakuna man mamta pruaia ra ai lakan sa, sîp nani mahka ikaia watla ra bri ridi dauki ba baku.

Lawana Nani 50:1

Dawan ba gâd nani sut Gâdka, witin aisin; tasba ra iwi uplika nani sut ra paiwan lalma wina lui, muna tani kat.

Lawana Nani 82:1

Purara iwi banhwi ba tilara, Gâd ba lâ wihtka sa, witin nani mapara lâ daukaia:

Lawana Nani 95:3

Kan Dawan ba Gâd tara sa, King tara sa, gâd nani sut Gâdka.

Lawana Nani 97:7

Gâd bahki ra mayuni nani ba sut witin ra bawbia, witin nani baman sa luki banhwi ba sut. ¡Gâd bahki nani sut ba, witin mawanra bawbia!

Impakan Sturka 18:11

kulkanka lâka âpu saura mai muni kan ba. Nanara yang kaikisna, Dawan ba gâd wala nani sut ba wal kau kanra tara sa.

Jirimaya 12:3

Sakuna yang tani, Dawan, man ai kaikisma; man tâinka brisma bara nu sma kupi dahra wal ra man mampara dîa brisna ba. ¡Baha uplika nani ba sîp nani baku daiwan ikaia watla ra brih was; bri si swis ikaia yua piua ba mangki swis!

Jirimaya 17:10

Yang, Dawan, upla kupia tânka pliki kaikisna, bara lukanka nani ba tihuka ra kaikisna; witin nani dîa briaia aitani ba kat kumi bani ra mana yabisna.”

Daniel 11:36

‘Yahbra tani kingka diara sut ba daukbia, witin ai brinka ba kat. Baha ba aimayunanka saura witin lukisa ba gâd nani sut purkara sa, Gâd kasakkira ba mapara saura pali ba aisabia, bara diara sut ba ai mapara yamni takbia, Gâd mita klala blîkbia ba kat; kan Gâd lika dîa daukaia luki ba kat daukbia sa.

Daniel 2:47

Baha ningkara, Daniel ra aisin: —Kasak pali, man nani Gâdkam ba kanra tara sa, gâd wala nani sut ba wal; king nani sut Dawanka sa, witin mita dahra prakan ba param ra sakisa, bamna man sip sma naha dahra prakan ba param ra sakaia.

Miqueas 7:9

Dawan mapara saura daukri bamna, witin kupia baiwanka tilara ban bapi bûi kamna, witin mita yang lâika aisi dauki wapni ai sâkbia ba kat. Witin mita ingni ra ai sâkbia, bara yang lika witin kasakka lâka tânka ba kaikamni.

Malaquía 3:18

Bara man nani aima wala ra tânka brima yamni ba saura ba wal tânka aihka ba, Gâd ra mayuni ba, Gâd ra mayunras ba tânka.”

Jan 21:17

Jisas aima yumhpa ra kli makabi walan: —Saiman, Jan luhpia, ¿man latwan ai kaikisma ki? Pita naha kat sari takan, kan Jisas naha kat aima yumhpa witin ra latwan kaiki sapa makabi walan bamna. Baku mika Saiman win: —Dawan, man diara nani sut ba kaikisma, bamna man kaikisma yang bui man ra latwan sna ba. Jisas bila: —Baku sa kaka, sîpki nani ba plun dakaks.

Apastil Nani Sturka 1:24

Witin nani baha dukiara naku ai pura sunan: “Dawan, man baman sika upla nani kupia tânka kaikisma ba; wan mariks naha waitna wâl na wina, ani pali ba man bâk sakram

Apastil Nani Sturka 25:11

Yang diara saura kum daukri bara pruaia aitani kaka, yang wilin sna pruaia. Sakuna daihra kwahki nani sut ba kasak apia kaka, upla kumi mita sin sip apia witin nani mihta ra ai mangkaia. Bamna yang makabisna Rom kingka mita lâika ba daukbia.

2 Korint 11:11

¿Dîa muni aisisna ki? ¿Dîa man nani ra want apia sna ba mita? ¡Man nani ra nahki prais want sna ba, Gâd lika pain kaikisa!

2 Korint 11:31

Gâd wan Dawan Jisas Kraist Aisika ba, witinka mayunan lâka ban kaia ra briaia aitani ba mita kaikisa, yang lika kunin aisaras sna.

2 Korint 5:11

Yawan tânka brisa Dawan ra kulkaia ba dîa, baha mita yawan bui upla nani kupia lakaia trai kaikisa. Gâd lika pat yang nani tâinka pain kaikisa, baku bamna brin wan daukisa man nani mita sin baku wan kaiki kama.

Kli Smalkanka 10:17

kan Dawan man nani Gâdkam ba, Gâd nani gâdka sa, bara Dawan nani dawanka sa. Witin lika Gâd kum ai karnika ba silp brisa, karnakira, sibrinkira pali sa, upla mawanka kulkras, prisant mana sin sip atki briras;

1 Timoti 6:16

Witin baman sika sip pruras ba; witin ba upla sip lamara waras ingnika ra iwisa. Upla kumi sin kau witin ba kaikras sa bara sip sin kaikbia apia. ¡Prana ba bara karnika ba sin ban kaia ra, witin dukia kabia! Baku kabia.

Hibru Nani 4:13

Gâd wina yukuwaia dukia kumi sin âpu sa. Diara paskan ba sut param sa bara witin ai nakra ra kwâkan sa; witinka ra sika yawan wan dahra nani saki aisaia ba.

Jasua 22:21

Bamna Ruben bara Gad kiamka, bara Manasés kiamka bakriki kira, pana aisi win Israel wihtka nani ra:

Param Marikanka 19:16

Ai kwalka ra bara ai kuhma purara naha nina ulban kan: “King nani Kingka bara dawan nani Dawanka.”

Param Marikanka 2:23

pât tara witin nani wahwaia blikamna. Baku serts nani sut ba ai dara walbia, yang lika upla lukanka bara kupia munhta ba sut kaikisna; bara man nani kumi bani ra dîa daukram ba kat maikamna.

1 Samuil 15:23

Witin mapara bûi uplika nani ba saura daukisa, sim sukia yapi kakaira nani saurka ba wal kumi sa; diara lilka daukan nani ra ai pura suni ba saurka wal sin kumi sa, baha uplika witin ra ai bîla wali daukras saurka ba. Man bui witin ai lâka bîla nani lulki swiram ba mita, nanara witin sin man king kaia ba wina mai sakisa.”

1 Samuil 2:3

Upla kumi sin uba aimayunbiara, upla kumi sin ai wîna tara kulki aisabiara, kan Dawan ba sika Gâd diara sut tânka kaiki ba, bara dîa upla dauki ba, witin paun mangki lâ tânka kat daukisa.