Jasua 21:43 - DAWAN BÎLA AISKA

⁴³ Baku sika Dawan mita Israel luhpia nani ra tasba sut yan ba, ai damika nani ra swer daukan ba kat, bara witin nani bahara takaski iwan.

Jasua 21:43 ပူးပေါင်းရင်းမြစ်များ

Blasi Sturka 12:7

Bara Dawan bahara Ebram ra latan takan, bara win: “Man kiamkam ra yang naha tasbaya na yabamni.” Bara Ebram baha kat altar kum paskan Dawan dukia, Dawan bui witin ra latan takan ba mayunra yabaia dukiara.

Blasi Sturka 13:15

Tasbaya aiska man kaikisma na, man dukiam bara kiamkam nani dukia maikisna ban kaia ra.

Blasi Sturka 28:4

Bara Ebraham ra yamnika yabaia win yamnika ba, man ra bara kiamkam nani sut ra maikbia. Naha tasbaya nanara man nâra iwisma na, nanara lika tringsar baku iwisma na, man nani tasbaya na dawanka nani kama. Kan witin Ebraham ra baku yabaia pramis win bamna.”

2 Kronikas 20:8

Nahara witin nani bal iwan ningkara, man tempelkam paskan, bara win:

Nihimaya 9:24

Witin nani baha tasbaya ra dimi Kenan uplika nani ba pura luan; tasbaya uplika nani ba, yaram witin nani ai mawan kat bawi banhwan, kingka nani kan ba sin, bara tasbaya wala uplika nani ba sin sut, witin nani wal dîa daukaia lukan ba swiram witin nani daukan.

Nihimaya 9:8

Kaikram witin ba waitna kum man ra kasak luki kan, bara man bui witin wal aisi lâ daukram: Kenan uplika nani, hitita nani, amorreo nani, ferezeo nani, Jebús uplika nani bara gergeseo nani tasbaya ba, witin ra bara ai kiamka nani ra sin yabaia wiram; bara man lâ aisi daukram ba bîlam kat daukram, ¡kan man kasakkira sma ba mita aisisma ba kat daukisma!

Lawana Nani 105:8

Kiamka tausin lui wabia kra, dîa pramis daukan lâka ba, ai âuya tikbia apia;

Lawana Nani 44:3

Klamhkla bara sordkam sin apia, pura lui buaia karnika yaban ba; witin nani mita upla wala nani tasbaya ba pura luras kan. Man diara daukaia karnika brisma ba, man karnikam ba mita baha sut daukram. ¡Man bui witin nani lamara mamwan ingnika marikram bamna, latwan kaiki kapram ba mita daukram!

Lawana Nani 78:55

Idan nani, Israel mawan wina tnaya ra lakan; tasbaya ba yuan kiamka bani ra bara ai kiampka dauki bahara iwan.

Impakan Sturka 3:8

Bamna yang bal iwri, witin nani ba Idsip uplika nani mihta wina dakbi sakaia; yang bui witin nani ba baha tasbaya wina bri sal sakamni bara tasba tara tasba pain kum ra bri si yabamni, bahara tiala laya bara nasma wal laiwi baku ba. Kenan uplika nani, hitita nani, amorreo nani, ferezeo nani, heveo nani bara Jebús uplika nani iwi ba tasbaya ra.

Jirimaya 32:23

Sakuna witin nani baha kuntrika ra dimi tasbaya ba brin ba ra, man bîlam walras takan, lâ nani smalkram ba daukras, wark nani daukaia wiram ba sin daukras. Baha mita man bui witin nani ba rausauhkaia blikram.

Kulki Kaikanka 33:53

Tasbaya ra ba pura lui, bahara iwi banhs, kan yang mita man nani mihtam ra mangkuna man nani bahara iwaia.

Kulki Kaikanka 34:2

“Naha lâka smalkisna na wis Israel luhpia nani ra: Man nani pat pali Kenan kuntrika ra dimma. Kuntrika ba sika man nani dukiam pali kabia, bamna naha lainka sika man nani piarkikam ba.

Kli Smalkanka 11:31

Man nani ba Jordan luaia pat baila sma ba ra, Dawan Gâd mita kuntrika maikuya ba dakbi briaia. Dakbi brima piua ra bâra iwi kama,

Kli Smalkanka 12:29

“Dawan mita nisan nani man nani bui pura luaisma ba, sauhki tikbia, bara sauhki tikbia ningkara, tasbaya ba man nani brih bâra iws. Sakuna aman kaiks, baha nisanka nani daukanka ninara lika wapara, ai aidulka ninara tauki, mayunaia lukanka sin bripara.

Kli Smalkanka 17:14

“Dawan Gâdkam mita kuntrika maikaia ba ra pura lui dakbi bahara iwma taim, bara wima: ‘Wan lamara iwi nisan nani ai kingka bri ba baku, yang nani sin king kum want sna.’

Kli Smalkanka 34:4

Bara Dawan bui witin ra win: “Naha kuntrika sika yang bui Ebraham ra, Aisak ra bara Jekob kiamka nani ra sin yabaia swer takri ba. Man lika dimma apia, sakuna laih wina kaikma.”

Jasua 1:6

Kupiam karna bri bapi bûi bas, naha uplika nani tasbaya ba man kulki kaiki kiamka kumi bani ra dukia yabaia sma bamna, tasbaya ba witin nani prapatika sika, ai damika nani ra yabaia yang pramis munri ba.

Jasua 21:42

bara tawanka nani kumi bani ba kutbi kir bri kan. Bara naha tawanka nani kumi bani ra sim baku kata.

Wihta Nani 11:24

Man gâdkam Quemós diara man ra maikan ba, baha man dukiam kulkisma, ¿baha rait apia? Dawanki naha tasbaya na yang nani ra aikan, bamna tasbaya na tasbayi kulkisna.

1 Samuil 12:8

Jekob bara ai kiamka nani sut Idsip ra wih iwan, bara Idsip uplika nani bui rausauhki kan, bara damikam nani Dawan ra winan, bamna witin Moses bara Eran wal saki blikan wan, witin nani ba Idsip wina saki naha tasbaya ra brih balan.