Jasua 21:11 - DAWAN BÎLA AISKA

¹¹ Il pliska nani ba lika Juda uplika nani ra yan Quiriat-arbá ba, wiaia kaka Hebrón ba. Anac upla tara kiamka ba, tawan tara nani ba yan, bahara sîp main kaikaia pliska ba.

Jasua 21:11 ပူးပေါင်းရင်းမြစ်များ

Blasi Sturka 23:2

Quiriat-arbá tawanka ra pruan, baha nina wala Hebrón, Kenan tasbaya ra. Ebraham witin pura mata kasak inan, ai sarka tara twilkan.

Blasi Sturka 35:27

Jekob ai aisika Aisak kaikaia Mamré ra wan. Baha tawanka nina ba sin Arbá, apia kaka Hebrón mâki kan. Baha tawanka ra Ebraham bara Aisak sin iwi kan.

2 Samuil 15:7

Mani walhwal alkan ba ra, Absalón king ra win: —Yang bui king ra mamkabisni, ai swika Hebrón ra wamna, Dawan ra pramis takri ba bîli kat daukaia.

1 Kronikas 6:55

Juda tasbaya ra Hebrón brin, daiwan sahwaia tasbaya nani wal.

Luk 1:39

Baha piua nani ra, Meri lika mahka aihni pali impakan Judia ilka nani ra, tawan kumi ra.

Jasua 14:15

Patitara Hebrón nina almuk ba Quiriat-arbá mâki kata, kan Arbá ba waitna tara kulki kan, Anac kiamka ba wina. Bara baha daukan ba wina, baha tasbaya ra ai kupia kumi iwi banhwi kan.

Jasua 15:54

Humtá, Quiriat-arbá (nina wala Hebrón mâkisa), bara Sior, wibia kaka tawan tara 9 ai tawanka sirpi nani kira.

Jasua 21:10

Bara Libait masraka Quehat wina kata ba, witin nani sika Eran uplika wina bal takan ba, witin nani ra pas lat ba bal takan.

Jasua 21:12

Sakuna tawan sirpi bara tara tasbaya ba lika Caleb Jefuné luhpia ba ra yan.

Wihta Nani 1:10

Bara Hebrón tawanka ra Kenan uplika nani bâra kan ba wal sin aiklaban, blasi piua ra Hebrón nina ba Quiriat-arbá mâki kan, bahara Sesai, Ahimán bara Talmai ba pura luan.

1 Samuil 30:31

Hebrón ra bara anira witin ai uplika nani wal wataukan ba tasbaya sut ra yan.