Jasua 21:1 - DAWAN BÎLA AISKA

^1-2 Libait daknika wihtka tara nani ba Siló ra wan, Kenan tasbaya ra prîs Eleazar ba wal aisaia, Jasua wal bara Israel wihtka tâ upla taika nani wal sin. Bahara witin nani ra wisata: “Moses bâk Dawan ba lâ yan, wan tawanka nani wankbia anira iwaia ba, baku sîp nani pakaia bara bîp nani sahwaia sin.”

Jasua 21:1 ပူးပေါင်းရင်းမြစ်များ

Blasi Sturka 49:7

¡Saura pali, âu, saura pali kama, man nani kupiam baiwanka saura daiwan baku ba! ¡Man nani damhra ba sut pali, yang bui Israel tasbaya aiska ra yakabamna!

Impakan Sturka 6:14

Naha nani sika Ruben, Israel luhpia tawahkia ba luhpia nani: Hanoc, Falú, Hesrón, bara Carmí. Naha nani na Ruben taika almuk nani kata. Baha nani sin ai damika nani watla bîla wihtka nani takan.

Impakan Sturka 6:25

Eran luhpia nani kumika Eleazar, witin lika Futiel luhpia mairin nani kum wal ai maya takan bara Finees baikan. Baha nani ba Libait nani watla bîla wihtka nani kata, ai taya nani tilara.

Kulki Kaikanka 35:1

Moab twiya ra, Jordan lamara, Jeriko mawan kat, Dawan bui Moses ra aisi, win:

Kulki Kaikanka 35:8

Israel luhpia nani ai tasbaya pali bribia ba wina Libait nani ra tasbaya yabia ba ra, baha nani kiamka kumi bani ra nahki briaia ba tânka kat yabia. Tasba pîs kau tara ba wina, kau tara yan kabia; tasba kau sirpi ba wina kau sirpi yabia.”

Jasua 14:1

Naha sika Kenan tasbaya nani Israel luhpia nani ai tasbaya baku brin ba, prîs Eleazar ra yan ba baku, Jasua ra bara Israel masraka nani lalka nani ba.

Jasua 17:4

Naha mairka nani na prîs Eleazar ra bara Jasua ra wan bara tawan wihtka nani ra sin, bara witin nani ra win: “Dawan ba wan blikan Moses ra wiaia tasba wankbia, baku sin wan taya nani ra.” Bara Jasua tasba witin nani ra yan ai aisa taika nani ra wal baku, dîa Dawan wisata ba kat.

Jasua 19:51

Naha tasbaya sut na sika prîs Eleazar, Jasua bara tawan wihtka tara nani bui Israel kiamka aikuki, lat lulkan Dawan mawanra, Dawan wal prawaia tintka dimaika ra, Siló ra. Bara baku tasba yuanka ba aitani kat takan.