Jasua 2:19 - DAWAN BÎLA AISKA

¹⁹ Sakuna wamtla bîla wina latara taki prubia kaka, baha ba witin yakan ai pâtka kabia, yang nani baha tilara pât âpu sna. Sakuna man nani utla bilara kama ba ra, upla kum bal mai kangbia kaka, yang nani purira kabia baha wapnika mangkaia.

Jasua 2:19 ပူးပေါင်းရင်းမြစ်များ

2 Samuil 1:16

Debit bui witin ra win: —Prura pâtka ba man lamla ra sa, pâtkira sma damra ba man bui param aisi sakisma, Dawan bui bâk sakan kingka ba man bui ikram bamna.

2 Samuil 4:11

¡Baha daukri ba baku man nani wal kau tara daukamna, watawikira nani, upla pâtkas kum man nani ikram ai watla pali ra aitniki kan! ¡Baha mita, ai pruanka mana ba maikrika man nani aibapma! ¡Naha tasba wina mai diki mai sakamna!

1 King Nani 2:32

Bara Dawan bui ai tâlia ba tahki witin lal ra sunbia, kan witin bui Ner luhpia Abner, Israel war wihtka tara wâl kan ba ikan skiru ni, bara Jéter luhpia Amasá ba sin, witin Juda war wihtka tara pali kan ba.

Impakan Sturka 12:13

“Bara tala durkam nani purara, durkam playka nani ra yukram ba mita mairikbia, man nani baha watla ra dimisma. Bara tnamyak lui wamna, baku yang bui Idsip uplika nani luhpia tawahkia nani baman iki lui wamna, sakuna man nani luhpiam nani lika kumi sin ikamna apia, yang tala ba kaikamna ba ra, wamtla wina laihku lui wamna.

Impakan Sturka 12:22

Tâlia ba baul bilara brima, bara hisop tnawa nani mihtam banhki wilki brih, bara baha ni tala ra buski durkam purara bara playka nani ra yûks. Ningkara durkam ba praki swis, upla kumi sin tihmia ra kli latara takaia apia, ban titan kat.

Impakan Sturka 12:23

Baha tihmia, Dawan Idsip uplika nani ba ikaia bahak bal lui wabia. Sakuna tala ba dur playka nani ra yukan ba kaikbia ba ra, watla ba tnaya walak lui wabia. Baku witin mita sauhki tatikra insalka ba swika wamtla ra dimbia apia.

Libait Lâka 20:11

“Upla kum ai papika maya wal yapbia kaka, witin ai papika swira daukisa, waitnika bara mairka ba wâlsut ikan kabia, waitna ba ai prurika silp twilkbia.

Libait Lâka 20:9

“Ya ya ai papika ra bara ai yaptika ra bîla saura wibia ba, ikaia lâka ra lakan kabia. Witin yakan ai pâtka ba twilkbia.

Matiu 24:17

Ya baha yua ra ai watla bahna ra kaka, bal iwi baha bîla wina diara sâkbiara;

Apastil Nani Sturka 18:6

Sakuna witin nani mahka pali bûi, witin mapara swira bîla nani aisin. Bara Pal ai kwalka singbi sain kum yan, nahki witin nani tila wina taki auya ba, bara sin win: —Man nani tanis tiwma kaka, baha lika man nani pali pâtkam sa, yang laila purara baha pâtka âpu sa. Bamna naiwa na wina yang lika Ju apia nani tilara auna.

Apastil Nani Sturka 20:26

Baha mita naiwa yang param aisisna, man nani kumi sin pâtkam purira âpu sa daira walisni,

Apastil Nani Sturka 27:31

Sakuna Pal mita suldiar kiaptinka ra bara suldiar nani ra sin maisa paki, win: —Naha nani duri tara na swi si plapbia kaka, man nani sut lika swak takma apia.

Pilipai 3:9

bara witin wal asla pali kamna ba dukiara; baha ba Moses lâka kat yang rayaki wapni brisna ba dukiara lika apia, sakuna Kraist ra kasak lukisna ba tâwan, Gâd pri ai saki ai brin ba mita lika; kan Gâd lika kasak luki uplika nani ba pain brisa.

Hibru Nani 10:29

Bamna, Gâd Luhpia ra ai mina ni taibi uplika ba, bara tâlia ra bahki kulki ba, bara kupia yamni Spiritka ra sin saura muni ba mapara, ¿nahki kabia ki? ¡Man nani luki kaiks nahki witin ba kau klala saura pali briaia ba! Kan baha tâlia mita sika lâ daukan ba karna saki ba, bara baha ni sin uplika ba holikira daukan sa.

Jasua 2:12

Bahamna yang bui man nani ra makabisni nanara man nani bui yang ra swer takma, yang bui man nani ra yamni mai munisna na baku, man nani sin yang bara taiya nani ra sin baku yamni munaia. Man nani sin kunin aisapara, diara kasak daukisma ba sainka sin kum aik,

Jasua 2:14

Bara waitna nani ba pana witin ra win: —Yang nani rayaki pali ni man nani rayakam pali ba dukiara aisamna, yang nani nâra balri na dukiara man bîlam wina upla wala ra aisaras pali kama kaka. Dawan naha tasbaya na yang nani ra aikbia ba ra, kasak lukanka ba praiska wal, kunin âpu lâka ra yang nani bui man ra yamni mai munamna.

Jasua 2:20

Ban sakuna, naha lâka yawan wal aisi dauki na man upla wala ra wima kaka, yang nani swer taki aisisna lâ daukan na kat, yang nani dîa daukaia mai wîri ba sin daukamna apia.