Jasua 2:14 - DAWAN BÎLA AISKA

¹⁴ Bara waitna nani ba pana witin ra win: —Yang nani rayaki pali ni man nani rayakam pali ba dukiara aisamna, yang nani nâra balri na dukiara man bîlam wina upla wala ra aisaras pali kama kaka. Dawan naha tasbaya na yang nani ra aikbia ba ra, kasak lukanka ba praiska wal, kunin âpu lâka ra yang nani bui man ra yamni mai munamna.

Jasua 2:14 ပူးပေါင်းရင်းမြစ်များ

Blasi Sturka 24:49

Bamna nanara, man nani mita ai wis man nani kunin âpu lâka ra dawanki wal yamni iwi kama, baku kaia apia kaka sin ai wis, bara yang daira walamna dîa daukaia sna ba.

Blasi Sturka 47:29

Yu kumi Israel ai dara walan, witin ba pruaia pat baila sa. Bara ai luhpia Josep ba paiwan witin ra sturi wiaia: —Man naku diara kum dauki aikaia brin mai daukisa kaka, nanara yang karniki ra alki tâi baiks. Bara yang dîa man ra makabamna ba daukaia swer taki aisas. ¡Pliskam pali, Idsip tasbaya ra lika ai bikpara!

2 Samuil 2:5

Bara bîla twatwilkra nani bliki, Debit baha nani ra win: “Dawan bui man nani ra ai yamnika ba maikbia, dawankam king Saúl ra yamnikam mariki blikram bamna.

2 Samuil 2:6

Bamna Dawan sin kasak lukan, kupia yamni lâka ni ai yamnika maikbia baha sut yamnika dukiara. Bamna yang sin man nani ra pain mai lukisna.

2 Samuil 9:1

Yu kumi Debit makabi walan: “¿Saúl taika kum kau pruras raya bâra sa ki, bara yang bui Janatan ra luki witin ra yamni munaia?”

1 King Nani 20:39

King ba lui auya kan ba ra, prapit ba ai bîla karna wini, witin ra win: —Man albikam na taki wan kau war aiklabi kan piua ra, bara kaiks war aiklaklabra kumi mita silak uplika kumi bri laimara bal ai win baha waitnika ba aihwaki kaiki kamna, swirka plapbia kaka yang rayaki ba witin rayaka mana kabia, apia kaka silbar mâ 3,000 aibapamna.

Sins Lâka 14:22

Ya nani saura daukaia pliki ba, yabal ba tikisa; ya nani yamni daukaia pliki ba, latwan lâka bara diara daukaia luki ba, witin dukia sa.

Sins Lâka 18:24

Wan uplika nani tila nani pat pali yawan wal dakwi takisa, sakuna wan uplika kumi bâra sa, wan muihni wal kau karna dutki wan alki ba.

Matiu 5:7

“Lilia pali sa upla wala ra umpira kaiki nani ba, Gâd sin witin nani ra umpira kaikbia bamna.

Apastil Nani Sturka 23:22

Bara kamandanti tukta waitna wahma ba mahka blikan wan, bara win witin ra dîa sturka aisin ba upla kumi ra sin wiaia apia.

Jasua 2:13

bara aisiki, mamiki, muihki nani bara laikra nani luhpia nani ba ikpara, raya swis. ¡Man nani bui yang nani ra prura wina swaki ai sâks!

Jasua 2:15

Rahab watla ba tawan kutbanka ba purara mâkan kan, bara witin kiwa kum saki waitna nani ba ra yaban, witin nani bahara alki, windar bâk alahwi tasba ra iwi wan.

Jasua 6:17

Bamna tawanka ba, bilara diara nani bâra ba, sut pali ba aiska sauhki tikaia sma, kan Dawan adarka ba baku win. Rahab rug mairin ba, baha ai watla bîla uplika nani bâra ba baha nani baman raya ban swima; witin nani ba ikpara, kan tawan tânka pliki kaikaia blikan waitnika nani rayaka ba, witin mita yukuki swaki sakan bamna.

Jasua 6:22

Bara tasbaya ba tânka saki pliki kaikaia Jasua mita waitna wâl saki blikan kan ba, waitnika nani ra win: “Man nani rug mairin ba watla ra was, bara mairka ba, baku sin upla wala nani baha watla bilara bâra ba sut latara sâks, bara man nani lika witin nani aikuki wal dîa pramis daukram ba kat nanara bîlam kat witin nani wal dauks.”

Jasua 6:25

Sakuna Jasua bui Rahab taika nani baman lika ikras swin, kan witin Jeriko tawanka ba tânka pliki kaikaia waitna wâl blikan kan ba, mairka ba mita ai watla ra yukuki brin bamna. Baha piua wina Rahab bara ai kiamka nani ba sin Israel luhpia nani aikuki ai tilara iwan.

1 Samuil 20:8

Baku ba ra naha yamnika na dauki aik, yang pat man dukiam dadaukra sna, yawan wal sin wan uplika kaia, Dawan mawanra swer aisi daukan, nanara aitani, yang pâtkira sna kaka, man mita yang ra ai iks. Kan aitani apia sa papikam ra ai brih waia bara witin mita ai ikaia.