Jasua 2:12 - DAWAN BÎLA AISKA

¹² Bahamna yang bui man nani ra makabisni nanara man nani bui yang ra swer takma, yang bui man nani ra yamni mai munisna na baku, man nani sin yang bara taiya nani ra sin baku yamni munaia. Man nani sin kunin aisapara, diara kasak daukisma ba sainka sin kum aik,

Jasua 2:12 ပူးပေါင်းရင်းမြစ်များ

Blasi Sturka 21:23

Bahamna, nanara man Gâdkam nina ra luki yang ra swer taks luhpi nani, muli nani bara kiamki nani sut ra saura ai munaia apia. Yang ra swer taks yang kupi yamni lâka ni man ra yamni mai munri ba baku, man mita sin nanara pana naha tasbaya ra iwisma na, tasbaya uplika nani sut ra yamni munaia.

Blasi Sturka 24:3

bara yang ra swer taki ai wis Dawan nina ra luki, kasbrika pura bara tasba wal Gâdka ba nina ra, man bui yang luhpi waitna maya ba naha Kenan tasbaya yang nâra iwisna na tasbaya mairka nani na tila wina pliki maya baikaia apia.

Blasi Sturka 24:9

Bara ai albika ba ai dawanka Ebraham klahkla ba alki buki tâ baiki bri, bara swer taki aisin, dîa daukaia witin ra makaban ba, witin baha kat daukaia âu win.

Blasi Sturka 40:14

Sakuna baha yamnika man ra takbia ba ra yang ra sin luki bas, kupiam pihni lâka ba yang ra sin mairiks, king fero ra yang dukira aisas, silak watla wina ai sâkbia. ¡Umpira ai kaiks!

2 Kronikas 36:13

Baku sin king Nabucodonosor mapara sin buan, kan witin ra yaban Dawan nina ra swer takan wal ai uplika kaia, bara witin sin ai lukanka karna brin Dawan ra tawaia apia, Israel Gâdka ra.

Ester 8:6

¿Kan nahki muni pât saura yang upliki nani purara aula ba kaikras baku kamna, nahki muni kiamki nani sut sauhki tikaia ba kaikras baku kamna?

Impakan Sturka 12:13

“Bara tala durkam nani purara, durkam playka nani ra yukram ba mita mairikbia, man nani baha watla ra dimisma. Bara tnamyak lui wamna, baku yang bui Idsip uplika nani luhpia tawahkia nani baman iki lui wamna, sakuna man nani luhpiam nani lika kumi sin ikamna apia, yang tala ba kaikamna ba ra, wamtla wina laihku lui wamna.

Jirimaya 12:16

Witin nani mita saki yang upliki nani ba Baal ra swer takaia smalkan ba, sakuna nanara upliki nani tilara iwaia sip kabia, upliki nani nini mâki maiyuni ba witin nani sin aitani lukbia bara nini bri swer taki aisabia: ‘Dawan raya ba mita.’

Mark 14:44

Judas, witinka mita Jisas waihla mihta ra mangki kan ba, sain kum yaban naku wisi: “Yaura yang kiawalamna ba, baha sika; man nani alks, bara pain pali priski brih was.”

Roman 1:31

sins lâka aitani briras nani, ai bîla aisi ba kat daukras nani, upla wala ra latwan kaikras nani, upla wala pâtka swih tikras nani, bara umpira kaikan lâka luha nani.

1 Timoti 5:8

Kan upla kum ai taika nani ra main kaikras sa kaka, bara kau pali ai watla uplika nani ra lukras sa kaka, witin ba kasak lukan lâka ba kulkras sa, bara kasak lukras uplika wal, witin ba kau saura sa.

Jems 2:13

Kan ya ya ai uplika ra umpira kaikras kaka, witin ra sin umpira kaikras kira ai lâka daukan kabia; sakuna ani uplika umpira kaikan lâka bri kan kaka, lâ daukbia yua ra witin mita pura lubia.

Jasua 2:13

bara aisiki, mamiki, muihki nani bara laikra nani luhpia nani ba ikpara, raya swis. ¡Man nani bui yang nani ra prura wina swaki ai sâks!

Jasua 2:18

Sakuna yang nani tasbayam ra bal dimamna ba ra, man naha kiwka pauni na wal yang nani windarku ai lahbram kiwka na, windarka ba ra ban pami swiaia sma. Bara wamtla na bilara papikam, mamikam, muihkam, lamkra nani, papikam taika nani sut aikuki dimi nâra bas.

Jasua 2:19

Sakuna wamtla bîla wina latara taki prubia kaka, baha ba witin yakan ai pâtka kabia, yang nani baha tilara pât âpu sna. Sakuna man nani utla bilara kama ba ra, upla kum bal mai kangbia kaka, yang nani purira kabia baha wapnika mangkaia.

Jasua 6:22

Bara tasbaya ba tânka saki pliki kaikaia Jasua mita waitna wâl saki blikan kan ba, waitnika nani ra win: “Man nani rug mairin ba watla ra was, bara mairka ba, baku sin upla wala nani baha watla bilara bâra ba sut latara sâks, bara man nani lika witin nani aikuki wal dîa pramis daukram ba kat nanara bîlam kat witin nani wal dauks.”

Jasua 9:15

Bara Jasua lika witin nani aikuki kupia kumi takaia lâka kum daukan, pramis munan ikaia apia pâtka kulkaia apia; bara Israel wihta tara wala nani ba sin baku daukaia swer takan.

Wihta Nani 1:24

Bara tawan tânka biki kakaira nani ba kaikan, waitna kum tawanka ba wina taki aula kan, bara witin ra wi banhwan: “Man yabal ba wan mairikma kaka, yang nani nahki tawan ra dimaia sna ba, man ra yang nani yamni mai munamna.”

1 Samuil 30:15

Debit bui witin ra makabi walan: —¿Man tâi briaia wilin sma ki baha âimplikra nani bâra ba kat ai bri waia? Waitna ba pana win: —Dawan nina ra yang ra swer takma kaka, ai ikaia apia, dawanki mihta ra sin kli ai mangkaia apia kaka, baku lika yang bui witin nani kat mai bri wamna.