Jasua 18:28 - DAWAN BÎLA AISKA

²⁸ Selá, Élef, Jebús (wiaia kaka, Jerusalem), Guibeá bara Quiriat, wibia kaka tawan tara 14 ai tawanka sirpi nani ba wal. Naha tasbaya sika Benjamín masraka kiamka ra yan, uplika kulki kaikan tânka ba kat.

Jasua 18:28 ပူးပေါင်းရင်းမြစ်များ

2 Samuil 21:14

bara aisika Quis raitika ra bri si bikan Selá ra, Benjamín tasbaya ra. King adar win baku, witin nani daukan. Bara baha ningkara, Gâd baha kuntrika uplika nani pura sunra ba walan.

2 Samuil 23:29

Héled, Baaná luhpia, baha sin Netofá wina; Itai, Ribai luhpia, Guibeá wina, Benjamín tasbaya ba;

2 Samuil 5:6

Debit ai uplika nani aikuki Jerusalem tawanka ra taki wan, Jebús uplika nani wal aiklabaia, baha tasbaya pîska ra upla iwi kan ba. Bara Jebús uplika nani lukan Debit tawan kutbanka dimaia sanska bribia apia, bara witin nani win: “Man nani sip nâra bal dimma apia, blain nani, skahwa nani aitani nâra sa bara mai swika dimbia apia.”

2 Samuil 5:8

Baha piua ra Debit aisin kan: “Baha nani sut Jebús uplika nani mapara aiklabaia auya ba, lî plapaika untika tara bâk dimbia, bamna blain nani bara skahwa nani ba sut ikbia, kan yang sulki aiska baha nani ra misbara kaikisna.” Baha wina aisinka ba aula: “Blain nani bara skahwa nani ba sin Dawan tempelka ra dimbia apia sa.”

1 Kronikas 8:28

Naha nani sika kiamka bani taika nani sut lalka pali kan ba, bara Jerusalem ra iwi banhwi kan ba.

Aiseya 10:29

Tingni luaika bâk luan Gueba ra tihmia takaskan; Ramá tatatwan; Guibeá Saúl tawanka uplika nani ba plapan.

Jirimaya 6:1

¡Benjamín tasbaya ra iwi uplika nani, Jerusalem wina taki plaps, man nani yukuwaia watla pliks! Bara trumpit ba Tecoa ra puhs, bara sain kum Bet-haquérem ra dauks, diara saura kum, pât tara kum saura wan munaia aisi yahbra wina aula.

Oseas 10:9

Dawan aisisa: “Israel Guibeá ra wih saura daukan ba wina baha saurka swira dauki ban sa. ¡Ai saurka ra ban iwisa! Baha mita war ba Guibeá ra baha watawikira nani ba ra alkbia.

Kulki Kaikanka 26:38

Benjamín masraka kiamka nani ba lika Bela, Asbel, Ahiram,

Kulki Kaikanka 26:54

Upla kau ailal ba tasba pîs kau tara yama, ani daknika kau wiria ba tasba pîs kau sirpi yama. Daknika bani ra dîa wauhkataya ra ulban ba kat tasba ba yama.

Kulki Kaikanka 33:54

Sakuna masraka kumi bani daknika ba kat, tasbaya ba yuaia sa. Dakni kau tara ra, tasba pîska kau tara yama, daknika bani dîa briaia kan praiska ba kat brin kabia, lat kulki kaiki.

Jasua 15:63

Juda kiamka nani ba mita sip Jerusalem wina sakras Jebús uplika nani ra bâra iwi kata ba, bamna baha tâka mita naiwa kat kau ban iwisa Jebús uplika nani ba Jerusalem ra Juda kiamka nani aikuki.

Jasua 15:8

Baku ba ra Ben-hinom ilka bîla biara bâk luata, muna ra lika Jebús il tnaya witnika bâk, wiaia kaka, Jerusalem. Ningkara Hinom ilka bahna bâk uli wata, waupasa tani ba, bara Refaim ilka biara ra.

Jasua 18:16

Baha wina tâ wala auya ba, Ben-hinom untika mawanra, Refaim langnika yahbra tani kat. Ningkara Hinom langnika kat iwi kan, Jebús albangka waupasa bâk lui muni, bara ban En-roguel laya aubi ba kat wi kata.

Jasua 18:27

Réquem, Irpeel, Taralá,

Jasua 19:1

Tasbaya pîska wala ba lat lulkan, bara Simian masraka kiamka nani ra yan. Naha tasbaya piarkika ba Juda kiamka nani tasbaya bilara kata,

Wihta Nani 1:21

Sakuna Jebús uplika nani pat bâra iwi kan ba lika Benjamín kiamka nani ba mita Jerusalem wina sip kangbi sakras kan. Baha mita, ban naiwa kat Jebús uplika nani ba Benjamín kiamka nani ba aikuki asla ban Jerusalem ra iwisa.

Wihta Nani 19:10

Sakuna Libait ba kau tihmia wala bâra takaski kaia brin daukras kan, bamna ai birikuka wâl satilka ba mangki, ai maya lila ba, ai albika sin brih mahka impakan. Jebús lama kat wan ba ra, baha sika Jerusalem,

1 Samuil 10:26

Saúl sin ai watla ra mahka wan Guibeá ra, bara Dawan bui tila waitna kupia karna nani lukanka ra munan Saúl wal waia.