Jasua 17:4 - DAWAN BÎLA AISKA

⁴ Naha mairka nani na prîs Eleazar ra bara Jasua ra wan bara tawan wihtka nani ra sin, bara witin nani ra win: “Dawan ba wan blikan Moses ra wiaia tasba wankbia, baku sin wan taya nani ra.” Bara Jasua tasba witin nani ra yan ai aisa taika nani ra wal baku, dîa Dawan wisata ba kat.

Jasua 17:4 ပူးပေါင်းရင်းမြစ်များ

Kulki Kaikanka 27:1

Manasés kiamka ba tilara mairin nani ai muihni matsip bâra kan nina nani ba Mahlá, Noa, Hoglá, Milcá bara Tirsá. Witin nani ba Selofhad luhpia mairin nani kata, Héfer, Galaad, Maquir, Manasés bara Josep kiamka aihwa nani.

Kulki Kaikanka 27:4

Ban sakuna, yamni apia sa yang nani papiki nina ba ai masraka nani tila ba wina tiwaia, witin luhpa waitna sakras kan tâwan baman. Yang nani ra sin tasba pîs aikaia sma papiki muihnika nani tilara.”

Kulki Kaikanka 36:10

Bamna Mahlá, Tirsá, Hoglá, Milcá bara Noa, Selofhad luhpia mairin nani ba, Dawan mita Moses ra dîa lâ smalki win ba kat daukan, witin nani ai tahti luhpia waitna nani wal ai maya taki banhwan, witin nani lika ai aisika kiamka,

Galesha 3:28

Bamna nanara lika, Ju kaia, apia kaka Grik kaia, alba kaia, apia kaka pri kaia, apia kaka waitna kaia, mairin kaia tânka ba âpu sa; kan Kraist Jisas wal asla kaia lâka ba mita, man nani sut asla kumi sma.

Jasua 14:1

Naha sika Kenan tasbaya nani Israel luhpia nani ai tasbaya baku brin ba, prîs Eleazar ra yan ba baku, Jasua ra bara Israel masraka nani lalka nani ba.

Jasua 17:5

Naku natka ra Manasés kiamka ba tasba pîs matawalsip brin, baha purkara Galaad bara Basán tasbaya nani, baha lika Jordan lalma tani ra ba,

Jasua 21:1

Libait daknika wihtka tara nani ba Siló ra wan, Kenan tasbaya ra prîs Eleazar ba wal aisaia, Jasua wal bara Israel wihtka tâ upla taika nani wal sin. Bahara witin nani ra wisata: “Moses bâk Dawan ba lâ yan, wan tawanka nani wankbia anira iwaia ba, baku sîp nani pakaia bara bîp nani sahwaia sin.”