Jasua 17:13 - DAWAN BÎLA AISKA

¹³ Ningkara, Israel luhpia nani ba kau karna takan piua ra, Kenan uplika nani ra taibi munan lal mana aibapaia, sakuna tasbaya wina sakras ban swin bâra iwi kan.

Jasua 17:13 ပူးပေါင်းရင်းမြစ်များ

Blasi Sturka 49:15

Witin kaikan kuntrika ba kuntri pain kan; bahara iwi, wan âuyapah ris bri kaia. Bara witin ai wirhika ba kau ban twilki kaia apia lukan bamna, baha kat mahka tasba ra iwan, bara ai kupia lâka kat alba takan.

2 Samuil 3:1

Saúl watla uplika nani bara Debit watla uplika nani wal aiklabanka ba piua yari pali wan. Sakuna Debit watla uplika nani piu bani ra karna kau karna taki kan ba ra, Saúl watla uplika nani ba lika kau swapni taki kan.

1 King Nani 9:21

Kiamka nani witin nani ningkara baha tasbaya ra takaskan nani kan ba, Israel luhpia nani bui sip âpu pali daukras kan ba nani ba, bara Salaman bui yan wark karna nani takaia, bara baku munan ai lal mana ba aibapi kan, ban naiwa kat sin baku sa.

Epesus 6:10

Bara nanara, muihki nani, karna bas Dawan asla lâka ra, witinka karnika tara pali bri ba wal.

Pilipai 4:13

Diara sut mapara karnika brisni, Kraist mita karnika aiki ba mita.

Jasua 16:10

Sakuna Efraín kiamka nani bui Guézer wina Kenan uplika nani ba sakras, ban swin ai tilara iwaia, ban sakuna yan aibapi kan ai lal mana. Bara naiwa yua kat Kenan uplika nani ba ban bâra iwisa.

2 Pita 3:18

Sakuna wan Dawan Sasakra Jisas Kraist ba kau pain kakaira taki, ai latwanka lâka ra pâwi bas. ¡Witin ra mayunan kabia nanara bara ban kaia ra! Baku kabia.

Wihta Nani 1:28

Israel luhpia nani ba ai karnika kau brin, bara sip kan Kenan uplika nani ba lâ ba ni taibi munaia witin nani ai warkka daukaia, sakuna tawanka ba wina lika kangbi sakaia sip apia kan.

Wihta Nani 1:30

Zabulón kiamka nani bui sin Kenan uplika nani Quitrón ra bara Nahalal ra iwi kan ba, sip kangbi sakras kata, bamna lâ ni taibi munan baha nani witin nani ai warkka daukaia, sakuna Kenan uplika nani ban witin nani ai tilara iwi kan.

Wihta Nani 1:33

Neftalí kiamka sin Kenan uplika nani Bet-semes ra bara Bet-anat ra iwi kan ba sip kangbi sakras kan, sakuna taibi munan lâ ba mita witin nani ai warkka daukan, bara witin nani wal ai tilara ban iwan.

Wihta Nani 1:35

Bamna amorreo nani ba witin nani Heres, Aialón bara Saalbim ra sin bâra iwi kan. Sakuna Josep kiamka nani ba kau karna takan, bara witin nani ra lâ ni taibi munan ai warkka daukaia.