Jasua 15:10 - DAWAN BÎLA AISKA

¹⁰ Baalá wina baila wala bâk tawi balata muna tani ra Seír ilka kat, bara Quesalón bâk luata, Jearim il yahbra tani tnaya ra. Ningkara Bet-semes kat bal iwaia dukiara bara Timná bâk luan.

Jasua 15:10 ပူးပေါင်းရင်းမြစ်များ

2 Samuil 6:2

Juda tasbaya Baalá wina, witin nani ai daknika aiska buan, Gâd lâka auhbaia watla ba saki brih waia, Dawan karnika sut pali bri ba nina ra ai pura suni ba, kirubin nani purara ai kingka lâka bri ba.

2 King Nani 14:11

Ban sakuna, Amasías ba walras baku kan. Bamna Joás mahka taki wapan Amasías mapara aiklabaia dukiara, Bet-semes ra, baha lika Juda tasbaya ra ba.

2 Kronikas 28:18

Tani wala ra, filisteo nani balan Négueb langnika ra bara Juda tawanka nani bâra kan ba kutbi prak alkan: Bet-semes, Aialón, bara Guederot, bara sin Socó, Timná bara Guimzó tawanka sirpi nani bâra kan baha sut brin.

Jasua 15:11

Baha wina Ecrón ilka witnika nani bâk lui Sicrón ra tawi wan ban Baalá ilka bâk lui Jabneel ra wan, bara baha wina ban Mediterráneo kabuka kat takaskan.

Jasua 15:57

Ken, Guibeá bara Timná, wibia kaka tawan tara matawalsip ai tawanka sirpi nani kira.

Jasua 19:38

Irón, Migdal-el, Horem, Bet-anat bara Bet-semes. Sut asla ba ra tawan tara 19 kan, tawan sirpi nani lamara iwi kan nani sut sin.

Jasua 21:16

Ain, Jutá bara Bet-semes. Naha tawanka 9 ba kulki yan, sîp main kaikaia pliska kan baha sin yan.

Wihta Nani 14:1

Yu kumi kan Samson Timnat tawanka ra wan, bahara filisteo mairka kumi ra ai nakra mangkan.

Wihta Nani 14:5

Bamna Samson ai aisa bara ai yaptika aikuki Timnat ra wan. Tawan ba lama mapa ra wain nasla bâra kan, baha kat Samson auya kan ba ra layan wahma kumi lawi bal takan witin ra alkaia.

1 Samuil 6:9

Sakuna naha kaiki bas: bîp nani ba Bet-semes yabalka ra wabia sapa, ai tasbaya mata, baha tânka ba wan marikisa Gâd wina wan purara ai lawanka ba blikan. Sakuna baku waras kabia kaka, baha tânka ba wan marikisa, Israel Gâdka wina klala ba wankras kan, sakuna klala ban baku bîla kaikras kan wan purara balan.