Jasua 14:4 - DAWAN BÎLA AISKA

⁴ Josep kiamka nani wina wâl asla takan, Manasés bara Efraín, sakuna Libait nani lika tasba pîska kumi sin briras, ban sakuna tawan tara iwaia pliska pain brin bîp bara sîp nani sahwaia dukiara.

Jasua 14:4 ပူးပေါင်းရင်းမြစ်များ

Blasi Sturka 41:51

Bara ai luhpia tawahkia ba nina Manasés mâkan, baha tânka win ba sika: “Yang pât nani uya wauhri ba, bara taiya nani ba sin sut lukaia katna ba, nanara Gâd mita baha sut âiya tikan.”

Blasi Sturka 41:52

Ai luhpia waitna ningka ba nina Efraín mâkan, baha tânka win ba sika: “Yang pât nani uya wauhri ba tasbaya ra, Gâd bui yang ra luhpi nani aikan bamna.”

Blasi Sturka 46:20

Josep luhpia waitna nani wâl, Asenat wal Idsip ra baikan nani ba nina: Manasés bara Efraín. Asenat ba, On Potifera prîska ba luhpia mairin.

Blasi Sturka 48:1

Baha wina piua wiria luan ba ra upla nani Josep ra wan, bara win papikam ba siknis sa. Bara Josep buan ai aisika ba kaikaia waia, bamna ai luhpia nani Manasés bara Efraín wal sin aikuki brih wan.

Blasi Sturka 48:5

Baha ba aitani, nanara luhpiam nani Efraín bara Manasés ba, witin nani ba nâra Idsip tasbaya ra aisubi takan, yang naha kuntrika ra bal iwras kapri ba kainara. Bahamna witin nani ba sin yang luhpi nani pali sa, luhpi nani Ruben bara Simian luhpi aihwa ba baku.

Blasi Sturka 48:6

Witin nani ba ningkara, man luhpiam wala nani briram ba, baha nani ba lika man luhpiam nani kabia. Witin nani ba sin Efraín bara Manasés muihnika nani kulkan kabia. Ba mita ai prapatika nani briaia ba tilara, baha nani ba sin kulkan kabia.

2 Kronikas 30:1

Ezequías bui Israel ra bara Juda aiska ra maisa pakaia blikan, baku sin Efraín bara Manasés ra wauhkataya ulbi bliki, paiwan Dawan tempelka Jerusalem ra balbia, Insal luan Yua Liliaka ba daukaia, witinka Israel Dawan Gâdka ba.

Kulki Kaikanka 26:28

Josep masraka kiamka nani kulkan ba lika, luhpia Manasés kiamka nani ba bara Efraín kiamka nani ba wina.

Jasua 16:4

Manasés, Efraín, Josep kiamka nani ba, naha tasbaya nani na brin.