Jasua 13:31 - DAWAN BÎLA AISKA

³¹ Galaad bakriki, bara Astarot wihki Edrei tawanka nani. Naha nani sut Maquir kiamka bakriki ra yaban kata, witinka Manasés luhpia ba, ai uplika nani kulkan bri ba praiska kat.

Jasua 13:31 ပူးပေါင်းရင်းမြစ်များ

1 Kronikas 6:71

Guersón kiamka nani ra lika, ai kiamka nani numbika ba kat, yabi banhwan Golán tawanka ba, baha lika Basán ra sa, bara Astarot tawanka ba sin, baha lika Manasés kiamka bakriki ba dukia kan ba, daiwan sahwaia tasbaya nani ba kira.

Lawana Nani 60:7

Galaad bara Manasés ba yang duki, Efraín lika laila pura prakaika sa, Juda ba lika yang wapaiki dusa.

Jasua 12:4

Og, Basán kingka ba, refaíta nani tila wina kumi, Astarot ra iwi kata bara Edrei ra sin.

Jasua 13:12

baha tilara Og tasbaya nani, witin lika Basán kingka, witin ba Astarot bara Edrei ra king aimaki kan ba, bara refaíta nani tila wina lâs kata ba, baha nani ra Moses mita pura lui bara tawanka wina kangbi sakan kata ba.

Jasua 13:32

Naha tasbaya nani sika Moses mita yan ai tasbaya kaia Moab langnika ba, Jordan awala lalma ra, Jeriko mawanra.

Jasua 17:5

Naku natka ra Manasés kiamka ba tasba pîs matawalsip brin, baha purkara Galaad bara Basán tasbaya nani, baha lika Jordan lalma tani ra ba,

Jasua 17:6

kan Manasés luhpia mairin nani ra lika tasba yan waitna nani ra baku. Galaad tasbaya lika Manasés kiamka wala nani ra yan.

Jasua 9:10

bara amorreo nani kingka wâl Jordan awala baila wala ra iwi kan, baha nani ra dîa munan ba sin, wibia sa kaka, king Sihón, Hesbón wina ba, king Og, Basán wina ba, witin Astarot tawanka ra iwi kan.

Wihta Nani 10:6

Sakuna Dawan kaikan Israel luhpia nani ba kli saura daukan, gâd bahki Baal bara Astarté wal lilka nani sât sât ba ra kau ai pura suni banhwi kan, baku sin Siria, Sidón, Moab, Amón bara filisteo nani gâdka nani ba sut ra ai pura suni banhwi kan. Witin nani Dawan mayunra lulki swin.

Wihta Nani 5:17

“Galaad ba Jordan awala baila wala ra aihwaki takaskan; Dan ba duri tara nani ba lamara takaskan, bara Aser lika kabu un wâpka nani ra takaskan, baha wina kli takras;

1 Samuil 12:10

Sakuna tisku witin nani Dawan mawanra ai tânka brin, Baal bara Astarté lilka nani ra ai pura suni kan ba saura dauki kan. Witin nani pramis taki Dawan ra ai pura sunan, Dawan ra baman mayuni ai pura suni kaia.

1 Samuil 7:3

Bahamna, Samuil Israel luhpia nani sut ra win: “Man nani kupiam aiska kira kli Dawan ra tawma kaka, tringsar nani gâdka Astarté ba kli tilam wina saki lulkma, rayakam nani Dawan ra yama bara Dawan ra baman mayuni kama kaka, baku lika filisteo nani karnika wina dakbi mai sâkbia.”