Jasua 13:26 - DAWAN BÎLA AISKA

²⁶ bara Hesbón wina Ramat-mispé bara Betonim kat, bara Mahanaim wina Debir piarkika kat.

Jasua 13:26 ပူးပေါင်းရင်းမြစ်များ

Blasi Sturka 31:49

bara nina wala sin mâkan Mispá, Labán witin ra win bamna: —Dawan yawan wal, wan lilapas ra aihwaki wan kaiki kabia, yawan wal dakwi taki laihura kabia ba piua ra.

2 Samuil 17:27

bara Debit ba Mahanaim ra wan taim, naha uplika nani bal takan witin wal prawi lakula daukaia: Sobí, Nahas luhpia waitna, Rabá Amón tasbaya ra ba wina; Maquir, Amiel luhpia waitna, Lodebar wina ba; bara Barzilai, Roguelim ra Galaad tasbaya wina ba.

2 Samuil 2:8

Sakuna Abner, Ner luhpia waitna ba, Saúl war wihtka tara ba, Is-bóset Saúl luhpia ba Mahanaim ra brih wan,

1 King Nani 22:3

Bara Israel kingka ba mita ai wark uplika tara nani ra win: —Man nani kasak tânka brisma, Ramot Galaad tasbaya ba yawan wan dukia sa. ¿Dîa muni yawan mita diara daukras, Siria kingka mihta wina baha ba dakbi briaia?

1 King Nani 4:14

Idó luhpia Ahinadab ba lika Mahanaim ra;

Jasua 13:25

Jazer ba yan bara tawan tara nani Galaad tawanka nani sut, Amón uplika nani tasbaya bakriki Aroer tawanka tara ba, baha lika Rabá mawanra ba,

Jasua 13:27

Langnika ra brin ba, Bet-aram, Bet-nimrá, Sucot bara Safón, naha nani baman Sihón kingka lâka wina takaskan, witin lika Hesbón kingka ba. Baku bamna, ai tasbaya ba Jordan lalma wina Quinéret lakun muna baila wala kat kan.

Jasua 20:8

Jordan baila wala wina, Jeriko lalma tani ra upla iwras tasbaya ra, Béser ba pliki saki brin, Ruben kiamka wina; Galaad tasba ra Ramot ba wahbi sakan, baha lika Gad kiamka dukia; bara Basán tasbaya ra Golán ba wahbi sakan, baha lika Manasés kiamka dukia.

Jasua 21:38

Gad kiamka wina lika Ramot Galaad ra ba yan, bahara ai yukuwaika pliska bribia dukiara, Mahanaim.

Wihta Nani 10:17

Amón kiamka nani ba Israel luhpia nani wal aiklabaia ai kiampka Galaad ra bapan. Israel luhpia nani sin ai kiamka Mispá ra bapan.

Wihta Nani 11:11

Bara Jefté witin nani aikuki wan, bara tawan uplika nani mita ba witin ra witin nani ai wihtka tara mangkan, war aiklabaia wihtka sin mangkan. Mispá kat wan ba ra, Jefté witin dîa aisin ba baku, kli Dawan ra aisin mawanra.

Wihta Nani 11:29

Dawan spiritka ba Jefté purara balan, bara witin Galaad bara Manasés kir taukan bara Mispá Galaad ra ba kat wan, Amón luhpia nani tasbaya ba kutbi alki aiklabaia dukiara.