Jasua 11:23 - DAWAN BÎLA AISKA

²³ Baku bamna, Jasua tasba ba pura luan, dîa Dawan bui Moses ra win ba kat. Ningkara Israel kiamka nani tilara tasba ba pîs ra baiki yan, ai tasbaya prapatika baku. Baha ningkara kupia kumi lâka bâra kan, baha tasbaya ra war âpu kan.

Jasua 11:23 ပူးပေါင်းရင်းမြစ်များ

Nihimaya 9:24

Witin nani baha tasbaya ra dimi Kenan uplika nani ba pura luan; tasbaya uplika nani ba, yaram witin nani ai mawan kat bawi banhwan, kingka nani kan ba sin, bara tasbaya wala uplika nani ba sin sut, witin nani wal dîa daukaia lukan ba swiram witin nani daukan.

Lawana Nani 46:9

Witin war nani âpu daukan, tasba aiska ra; witin pantamangka nani kata sut krikan, langsa nani kata ba kriki, yuya man daukan; ¡war waginka nani kata ba angki âpu daukan!

Impakan Sturka 34:11

“Naiwa lâ nani mai wimna ba alki bris, bara yang lika man nani mamwan wina amorreo nani, Kenan uplika nani, hitita nani, ferezeo nani, heveo nani bara Jebús uplika nani sin sut sakamna.

Isikiel 45:8

Naha tasbaya Israel gabamintka tâ bri ba dukia kabia; baku gabamint tâ brabrira nani ba kli upliki nani ra taiban lâka ra bribia apia, kuna swibia Israel luhpia nani tasbaya kiamka bani ra.

Kli Smalkanka 1:38

Man wamtlika ra Jasua, Nun luhpia waitna ba dimbia. Tâ baiks, witin tasba ba Israel luhpia nani ra yabia.

Kli Smalkanka 25:19

Dawan Gâdkam bui kuntrika man nani dukiam maikbia ba ra, waihlam nani wina dakbi mai sakan bara ris brima piua ra, tasbaya ba wina Amalec uplika nani lukanka ba diki sâkma. ¡Man nani âmya tikpara!

Jasua 11:18

aima ailal ra Jasua naha kingka nani wal war aiklaban ningkara.

Jasua 12:7

Naha kingka nani sika Jasua bara Israel luhpia nani mita sauhki tikan Jordan awala muna pîska ra, Baal-gad wina, Líbano langnika kat, bara Halac ilka Seír kat. Jasua bui naha kingka nani tasbaya ba Israel luhpia nani kiamka ra yaban, ai tasbaya Dawanka ban kaia,

Jasua 18:10

Bamna Jasua tasbaya ba baiki saki Israel luhpia nani ra yuan Siló ra, Dawan mawanra lat lulki.

Jasua 22:4

Nanara witin ai pramiska nani sut ba daukan bara muihkam nani kupia kumi lâka ba brisa, baku bamna kli tawi was tintkam watla nani ra, bara tasba Dawan napakanka Moses bui maikan ba ra sin, baha Jordan awala lalma tani ra.

Jasua 23:1

Dawan mita piua ailal luan ra Israel luhpia nani ra yan ai waihla nani wal kupia kumi kaia, Jasua sin pat almuk kan ba ra,