Jasua 11:20 - DAWAN BÎLA AISKA

²⁰ kan Dawan mita ai waihla nani ba kupia karna daukan, Israel luhpia nani mapara buaia, baku ba ra, Israel luhpia nani mita sut sauhki tikaia, umpira kaikan luha, Moses ra Dawan mita adar yabata ba baku.

Jasua 11:20 ပူးပေါင်းရင်းမြစ်များ

2 Samuil 17:14

Israel luhpia nani sut bara Absalón sin, Husai lukanka ba kau aitani kulkan, Ahitófel lukanka ba baku apia. (Baha sika Dawan bui baha lukanka ba yan Ahitófel daukaia lukan ba bahki ra lakaia, bara Absalón purara pâtka ba kauhaia.)

1 King Nani 12:15

King ba upla nani bîla walras kan, baha ba Dawan bui pat baku daukan kan, Dawan ai bîla ba kat daukaia prapit Ahías, Siló wina bâk aisin ba, Jeroboam Nabat luhpia ba dukiara.

2 Kronikas 22:7

Gâd mita pat daukan kata Ocozías ba Joram kaikaia wabia piua ra pruaia kan ba. Bara wan wal baku, aihni pali Joram taki wan Jehú wal prawaia, witinka Nimsí luhpia ba. Sakuna Gâd bui pat sakan kan Jehú ra Ahab taika nani sut ba iki tikaia.

2 Kronikas 25:16

Sakuna prapit ba kau naha aisi kan ba ra, king ba naku win: —¿Dîa yang nani mai mangki banhri king ra lâ marikaia? ¡Baha lâka ba swis! ¿Apia kaka, mai iki banhbia want sma? Prapit ba kau diara kumi aisaras, sakuna naku win: —Yang kaikisni Dawan mai sauhki tikbia naha daukisma mita, bara yang mai wisna walras sma bamna.

Impakan Sturka 10:1

Dawan bui Moses ra win: —Was king fero kaikaia, yang mita daukri witin ai uplika tara nani ba aikuki ai kupia karna upla bîla walras kaia. Bara baku yang bui witin nani bâk, warkki aihkakira nani dauki marikamni, yang warkki nahki daukaia sip sna ba.

Impakan Sturka 11:10

Bamna Moses bara Eran wal naha warkka aihkakira nani sut pali king fero mawanra daukan, sakuna Dawan aisin ba baku, witin bui Israel luhpia nani ba swin taki waras kan Idsip wina.

Impakan Sturka 14:17

Yang bui Idsip uplika nani ba kupia karna daukamna, bara witin nani sin Israel luhpia nani nina bliki kabu lilapas bâk lui waia wisi wabia. Bara bahara yang bui king fero ra, war aiklaklabra nani ra bara aras âiulra nani ba sut ra sin, karniki ba marikamni.

Impakan Sturka 14:4

Ban sakuna, yang mita king fero ba kupia karna daukamna, bara man nani ninam blîkbia; baha piua ra yang karniki ba witin ra marikamna. War aiklaklabra daknika nani ba sin karniki kaikbia, bara Idsip uplika nani ba sin baha piua ra kaikbia, yang sika Dawan sna ba tânka.” Bara Moses win ba baku, Israel luhpia nani ba daukan.

Impakan Sturka 14:8

Bara Dawan mita king fero ba kupia karna kaia daukan, Israel luhpia nani ba ban nina bliki waia, baha nani karnika tara wal taki wan sakuna.

Impakan Sturka 4:21

Baha ningkara, Dawan bui Moses ra win: —Man Idsip ra wama ba ra, kasak damra wals, king fero mawanra wark aihkakira nani daukaia karnika maikri ba sut pali daukaia. Yang tani lika, yang munamna king fero kupia ba kau karna taki kaia, bara Israel luhpia nani ba swika taki wabia apia.

Impakan Sturka 9:12

Ban sakuna, Dawan mita king fero kupia ba karna daukan bara witin Moses bara Eran wal bîla walras, Dawan mita Moses bara Eran wal ra win ba baku.

Impakan Sturka 9:16

Ban sakuna, yang mita mai swiri raya kaia, yang karniki ba kaikaia bara tasba aiska ba sin yang tâinka bribia ba dukiara.

Aiseya 14:24

Karnika sut bri Dawan ba swer taki aisin: “Kasak pali yang dîa luki kaikri ba kat daukan kabia; yang daukaia luki kaikri ba baku daukbia.

Aiseya 34:2

Kan Dawan ba nisan nani sut mapara lawisa, ai lawanka ba war aiklaklabra nani ailalka ba mapara lawisa, pât ban kaia ra ba ra sauhki tikaia ra lulkan sa.

Roman 9:18

Baku bamna, yaura Gâd mita yamni kaikaia lukuya ba, witin mita yamni kaikisa, bara ya kupia karna daukaia lukuya ba, witin mita kupia karna daukisa.

Kli Smalkanka 2:30

“Sakuna king Sihón ba baku brin daukras sa yawan ai tasbaya lila bâk lui wabia, Dawan, man nani Gâdkam mita, witin ba apia mai wiaia, lal karna daukan, man nani mihtam ra mangkaia, naiwa yua param taki ba.

Kli Smalkanka 7:16

Dawan Gâdkam man nani mihtam ra mangkuya tawanka ba âpu daukma. umpira kaiki witin nani gâdka ra mayunpara, kan baha ba man nani âpu daukras kama kaka, man nani ra ni âpu mai daukbia.

Wihta Nani 14:4

Sakuna ai aisika bara ai yaptika sin baha tânka briras kan, Dawan mita Samson ra baku daukaia mariki bri tauki kan ba. Dawan baku ai yabalka pliki kan ba, baha tâka bâk filisteo nani mapara aiklabaia, kan baha piua Israel luhpia nani ba filisteo nani lâka munhtara taibi bri kan.

1 Samuil 2:25

Upla kumi upla wala mapara saura daukbia kaka, Dawan ba sip sa witin tâwan aimakaia; sakuna upla kum Dawan mapara saura dauki ba, ¿ya witin tâwan aisabia?” Sakuna witin nani ai aisa bîla walras kan, Dawan sin pat lukan kata witin nani rayaka ba sakaia.