Jasua 1:9 - DAWAN BÎLA AISKA

⁹ Yang sika mai blikisna kupiam karna bara bapi bûi kama dukiara. Si bripara, kupiam lukanka sin swapni takbiara, man ani anira wama ba, yang, man Dawankam bara man Gâdkam, man wal kamna.”

Jasua 1:9 ပူးပေါင်းရင်းမြစ်များ

Blasi Sturka 28:15

Bara yang lika man wal kamni; man ani anira wama ba yang main mai kaiki mai bri kamna, naha tasbaya ra sin kli mai bri balamna. Yang mai lulki mai swimna apia, man ra dîa aisari ba daukamna ba kat.”

Blasi Sturka 39:2

Sakuna Dawan Josep wal ban kan bamna, ai mapara diara sut yamni baman taki kan, witin ai dawanka Idsip waitnika ba watla ra iwi kan ba yua nani ra.

Blasi Sturka 39:3

Ai dawanka ba baha tânka brin, Dawan ba Josep wal ba mita witin diara sut dauki ba yamni baman taki kan.

2 Samuil 13:28

bara ai albika nani ra adar yan kan: “Amnón ba aman pali kaiki bas, wain ba di lilia pali takbia ba ra yang bui man nani ra mai wimna, bara man nani bui witin ba iks. Man nani baha daukaia si bripara, baha yang adarki nani sa, bahamna man nani kupiam wilinkira bara karna bris.”

1 Kronikas 28:20

Bamna Debit bui Salaman ra win: “Kupiam karna bris bara karna bas, wark ba mihtam ra bris. Si bripara, swapni sin takpara. Kan Dawan Gâdki ba man wal kabia, witin yakan mai lulki swibia apia, tempel warkka ba sut dauki tnata alkma ba kat.

2 Kronikas 15:7

Sakuna man nani kupiam karna bris, bara sari taki banhpara, kan man nani warkkam ba mana yamni brima.”

Lawana Nani 46:7

¡Dawan karnika sut pali bri yawan nani wal sa! ¡Jekob Gâdka ba yawan yukuwaika sa!

Aiseya 41:10

Si bripara, kan yang lika man wal sna; dring prupara, kan yang lika man Gâdkam sna. Karna mai daukisna, piua bani hilp mai munamna. Piu bani tâm baikamna mihti aihkika pura luan lâka bri ba wal.

Aiseya 43:1

Sakuna nanara, Dawan naku wisa, Jekob, Israel man mai Papaskra ba, witin naku mai wisa: “Si bripara, kan yang atki mai sakri; ninam mâki mai wîri, man ba yang upliki sma.

Aiseya 43:5

Si bripara, kan yang lika man wal sna; man kiamkam ba lalma wina bri balamni, bara muna wina asla mai kukamna.

Aiseya 8:12

“Mapara buanka lâka naha uplika nani aisi ba, man nani aisapara daukanka sut ba, mapara buanka lâka nani sa. Witin nani dîa sîa bri ba, baha sîa bripara, man nani sibrin sin mai daukbiara.

Daniel 10:19

Bara ai win: ‘Si bripara, kupiam sin turban takpara. Gâd bui man ra latwan mai kaikisa. ¡Karna bas bara kupiam sin karna bris!’ “Kau ai aisi kan bara daihra walri karnika brisna, bara wîri: ‘¡Dawan, ai aisas, kan man bui karniki ba aikram sa!’

Hageo 2:4

¡Zorobabel, waitna bas! ¡Jasua prîs nani wihtka sma ba, waitna bas! Juda uplika man nani sut sin lukankam karna bris. ¡Wark taks, kan yang lika man nani wal sna! Karnika sut brisna Dawanka, yang aisisni.

Hageo 2:5

Man nani si bripara, Idsip wina takram pramis mai munri ba baku, yang spiritki man wal ban sa.

Apastil Nani Sturka 4:19

Kuna Pita Jan wal pana win: —Man nani pali luki kaiks, Gâd mawanra aitani kabia sapa yang nani Gâd bîla walaia katna ba swi si, man nani bîlam walamna kaka.

Kli Smalkanka 1:21

Dawan, man nani Gâdkam, naha tasbaya maikisa. Bara naha wina kainamra tasbaya ba, Dawan, man nani Gâdkam damikam nani ra win ba baku, man nani brih iwma. Bamna man nani si bripara dring sin prui banhpara.

Kli Smalkanka 20:1

“Waihlam mapara man nani war aiklabaia taki wama ba ra, kaikrika witin nani ba aras nani, war aiklabaia waginka nani aikuki bara war aiklabaia daknika ailal brih aula kaka, si bripara, kan man nani lika Dawan Gâdkam wal sma, Idsip wina mai sakan ba.

Kli Smalkanka 31:23

Jasua, Nun luhpia ra lika, naha adarka yaban: “Kupiam karna bri bapi bûi bas. Kan man sika Israel luhpia nani tâ brih waia sma kuntrika yabaia wîri ba ra, yang lika man tnamya ra kamna.”

Kli Smalkanka 31:28

Almuk nani ba bara kiamkam wihtka nani sin nâra bri bal; bara yang bui witin nani ra aisamni baha dukiara, bara kasbrika purara ba, tasba sin witin nani ai mapara witnis baku swimni.

Jasua 1:10

Bara Jasua mahka diara daukaia adarka nani ba tawanka wihtka nani ra yaban:

Jasua 1:17

Bîlam wali dauki kamna, yang nani bui Moses bîla wali dauki kapri baku. Diara kumi baman brin wan daukisa, mamkabisna Dawan Gâdkam ba man wal kabia, Moses lamara ban kan ba baku.

Jasua 1:18

Man bui diara nani daukaia wima ba, daukaia apia wisi bîlam walras mampara bubia uplika nani ba lika, prubia. Bamna yang nani mamkabisna kupiam karna brih bapi bûi bas.

Jasua 10:25

Bara Jasua baha nani ra win: “Man nani si bripara, sirang sin iwpara, sakuna kupiam karna bas, karna sin bûi bas, kan Dawan naku sin daukbia man nani waihlam nani ba wal.”

Jasua 10:8

bara Dawan Jasua ra win: “Witin nani ra si bripara, kan yang bui witin nani ba mihtam ra mangkamni, bara witin nani kumi sin mampara buaia karnika âpu kabia.”

Jasua 3:7

Bara Dawan Jasua ra win: “Naiwa wina, piua bani yang bui maikrika Israel luhpia nani mawanra, man diara kau tara nani dauki kama. Bara baku witin nani kaikbia yang lika man wal sna, naipakan Moses wal kapri ba baku.

Jasua 6:27

Dawan bui Jasua ra tâ baikan, bara witin wark daukan sturka ba baha tasbaya aiska ra upla sut walan.

Jasua 8:1

Dawan ba Jasua ra aisi, win: “Nanara, man si bripara, lukankam sin swapni takbiara. Suldiarkam nani ba bris, bara mahka taki was, Ai tawanka ba mapara aiklabaia waia. Kingka ba, tawanka uplika nani ba sut pura luaia karnika ba yang maikuna bamna. Witin nani, Ai tawanka ba, ai tasbaya nani ba sut man nani brima,

Wihta Nani 6:14

Dawan insalka ba witin ra kaiki, bara witin ra win: —Karnika brisma bara bûi mahka diara dauks, Israel luhpia nani ba Madián uplika nani mihta wina swaki sakaia. Yang bui man mai blikisni bâra waia.

1 Samuil 10:7

Baha diara nani baku man ra takbia ba ra, dîa daukaia lukma ba dauks, Gâd hilp mai munbia bamna.