Jan 9:34 - DAWAN BÎLA AISKA

³⁴ Bara witin nani win: —Man lika saurka lâka wina aisubi takram, ¿bamna yang nani ra ai smalkaia lukisma ki? Bamna witin nani Ju nani priaska watla ba wina waitnika ba kangbi sakan.

Jan 9:34 ပူးပေါင်းရင်းမြစ်များ

Blasi Sturka 19:9

Sakuna witin nani bui pana witin ra win: —¡Man tnaya ra taws! ¿Man ba ya, tringsar kum sma na, man mita yang nani ra lâ aikaia? ¡Yang nani bui witin nani ra saura munaia lukri ba purkara, man ra kau saura mai munamna! Uplika nani ba bal diman, Lot ba alki raski sakaia bara dur ba sin kriki dimaia,

2 Kronikas 25:16

Sakuna prapit ba kau naha aisi kan ba ra, king ba naku win: —¿Dîa yang nani mai mangki banhri king ra lâ marikaia? ¡Baha lâka ba swis! ¿Apia kaka, mai iki banhbia want sma? Prapit ba kau diara kumi aisaras, sakuna naku win: —Yang kaikisni Dawan mai sauhki tikbia naha daukisma mita, bara yang mai wisna walras sma bamna.

Job 14:4

Upla kumi sin âpu sa diara tâski ba wina diara sunu sakaia.

Job 25:4

¿Sip sa ki upla bahki kumi ba, Gâd kaiki ba ra pâtkas bara sunukira kaia?

Lawana Nani 51:5

Yang kasak daihra walisni, saurakira sna ba, aisubi takri ba wina. Saurakira sna, yaptiki biara ra kapri ba wina.

Impakan Sturka 2:14

Bara waitna ba pana witin ra win: —¿Man ba ya mita yang nani tilira wihtka kaia mai mangkan? ¿Dîa, yang ra sin ai ikaia lukisma, Idsip waitnika ra ikram ba baku? Moses baha walan ba ra sibrin takan, kan ai dara walan witin Idsip waitnika ikan ba, upla nani pat tânka brin sa.

Sins Lâka 22:10

Lawaska kakikra ba kangbi sâks, bara blahwan lâka taki wabia, bara aiklabanka ba takaskbia, bahki wan kulkan lâka ba sin.

Sins Lâka 26:12

Taniskira wina kau bîla kaikaia sip sa, wihki ya uya sinskira puli ba wal.

Sins Lâka 29:1

Kli kli upla kupia kraukan ban ai lal karna dauki brukwi ba, tisku bâk krikan kabia, rakaika sin âpu kabia.

Aiseya 65:5

Witin nani wisa: ‘Man nani bâra takasks, yang laimara balpara; kan yang kau holi sna man ba wal. Baha uplika nani ba sika pauta klauhan aswi ban sa; ai munisa kiasma wan kakma ra kisni dauki ba baku.

Aiseya 66:5

Dawan dîa aisi ba man nani wals, man nani bui witin ai bîla kulkisma ba: “Muihkam nani tila misbara mai kaiki ba, rau mai sauhki ba yang ra puram sunisma ba tâwan, witin nani aisisa: ‘Nanara Dawan ba wan marikbia ai mayunra ba; witin nani ba lilia kaka kaikaia want sna.’ Sakuna baha nani ba swira lâka ra takaskbia.

Luk 11:45

Lâ Smasmalkra kum pana win: —Smasmalkra, man naha aisisma na wal yang nani ra sin swiri daukisma.

Luk 14:11

Kan ya tara kaia lukbia ba, mâyara tawbia, bara ya mâyara ba, tara kulkan kabia.

Luk 18:17

Kasak pali mai wisna, ya Gâd king aimaki lâka ba tuktan sirpi nani baku briras kaka, bahara dimbia apia.

Luk 6:22

“Liliam bas man nani upla nani misbara mai kaiki ba ra, mai kangbi mai saki, bara lamhtubi, swiram dauki bahki sin mai alki diara saura baku mai munbia, Upla Luhpia Waitna tâwan.

Jan 6:37

Diara sut Aisa aiki ba, yang ra aula; baha nani yang ra aula ba, yang sip kangbi sakamna apia pali.

Jan 8:41

Man nani daukisma dîa aisikam daukan ba. Baha nani pana win: —¡Yang nani lika bastar apia; Aisa kumi baman brisna, baha ba Gâd!

Jan 9:2

Bara ai disaipilka nani ba mita, witin ra makabi walan: —Smasmalkra, ¿dîa kan naha waitnika na blain aisubi takan ki? ¿Dîa ai aisika nani saurka ba mita, apia kaka witin ai saurka ba mita ki?

Jan 9:22

Aisika bara yaptika wal sibrin kan ba mita baku aisin, kan Ju nani pat lâ daukan kan, ya mita Jisas ba Misaya sa wibia kaka, prias watla ba wina kangbi sakaia.

Jan 9:35

Jisas walan blain waitna kata ba, prias watla wina saki lulkan ba. Witin waitnika wal prawan ba ra, naku win: —¿Man ba Upla Luhpia Waitna ra kasak lukisma ki?

Jan 9:40

Bara parisi kum kum witin wal banhwi kan ba naha walan ba ra, makabi wali banhwan: —¿Dîa yang nani na sin naikra aisawan sa ki?

Galesha 2:15

Yang nani lika aisubi takri ba wina Ju nani sna, nisan wala nani baku saura dadaukra lika apia sna.

Epesus 2:3

Piua luan ra yawan sut lika baha nani wal baku iwi kan, wan daukanka nani nina bliki kan, wan wîna tara bara wan kupia lukra brinka ba kat sin dauki kan. Baha mita klala saura pali Gâd wina ba, wan dukia kan, sim wala nani wal baku.

1 Pita 5:5

Baha sim natka ra, man nani wahma nani, almuk nani karnika munhtara bawi bas. Man nani sut kumi bani walkam munhtara bawaia sma; kan Ulbanka ra naku wisa: “Prautkira nani ba Gâd mita batakisa, sakuna bawikira nani ra lika ai yamnika ni buki hilp munisa.”

3 Jan 1:10

Baha mita yang wamna ba ra, witin ba maiwanra paiwi lawi daukamna, yang nani ninira aisi si, bara kunin baman sin aisi wataukisa. Bara baha baman apia, kuna wan muihni nani witin ra auya ba pain briras, bara ani uplika baha briaia wibia kaka, mapara aisi bara Kraist daknika tila ba wina kangbi sakisa.

3 Jan 1:9

Yang Kraist daknika ra wauhkataya kum ulbri, kuna Diótrefes wan lâka ba kulkras kan, witin ba tâ uplika aimakaia want sa bamna.

Param Marikanka 13:17

Bara upla kumi sin markka ba, daiwan saura nina ba, ai nina numbika ba âpu kan kaka, sip apia kan diara atki briaia, diara atki yaia sin.