Jan 9:31 - DAWAN BÎLA AISKA

³¹ Yang nani kaikisna Gâd lika saura dadaukra nani ra walras sa; sakuna ya witin ra ai pura suni mayuni bara ai kupia lâka sin dauki ba lika, witin walisa.

Jan 9:31 ပူးပေါင်းရင်းမြစ်များ

Blasi Sturka 19:29

Baku, Dawan baha twi langnika tasbaya tawanka tara nani, Lot bahara iwi kan ba sut sauhki tikan. Sakuna witin Ebraham dukiara ai kupia ra luki kan bamna, Lot ba sauhki tikan tawanka ba wina sakan.

Blasi Sturka 20:7

Sakuna nanara, mairka ba kli ai maya waitna ra yas; kan witin ba prapit kum sa, bamna man tâmwan, ai pura sunbia bara man raya kama. Sakuna man bui witin ai maya ba yabras kama kaka, kasak pali man bara uplikam nani sut prui tiwma.”

Job 35:12

Wini banhwisa, sakuna Gâd pana aisaras sa, kan baha nani lika upla saura bara kupia prautkira nani sa bamna.

Job 35:13

Gâd karnika sut bri ba, kunin lâka nani ra tawi walras sa.

Job 42:8

Bamna nanara bîp bul 7 bara sîp wainhka 7 sin brih was duki dadaukra Job kaikaia, bara man nani dukiamra aiska angkaia sakripaiska dauks. Naipakan Job man nani dukiamra ai pura sunbia, bara yang ai pura sunra ba yamni walamna, bara man nani ra saura kumi sin mai munamna apia, kasak pali man nani klala briaia aitani sma yang dukira kasak aisi banhras kapram sakuna, naipakan Job daukan ba baku.”

Lawana Nani 106:23

Gâd aisin sauhki tikaia; sakuna Moses, witin bâk saki brin uplika ba tilak dimi witin nani tâwan aisin; bara Gâd ai kupia sauhkanka ba lamni daukan, baku bamna yaban sauhki tikras kan.

Lawana Nani 143:10

Ai smalks man kupiam lâka daukaia, kan man sika, yang Gâdki sma bamna. ¡Man Spiritkam yamni ba tâi bri wabia, yabal yamni kum bâk!

Lawana Nani 145:19

Witin ra luki banhwi ba brinka kat, witin daukbia: witin nani wini yaba sin walbia, bara swaki sâkbia.

Lawana Nani 18:41

Witin nani hilp makaban, sakuna upla kumi sin witin nani ra tâ baikras kan; Dawan ra winan, sakuna witin nani ra pana aisaras.

Lawana Nani 40:8

Yang Dawanki, man kupiam lâka daukaia ba yang liliaki sa, ¡lâmka bîla smalkanka nani ba, yang lukanki ra mangki brih taukisni!

Lawana Nani 99:6

Moses bara Eran wal, ai prîska nani tilara sa, Samuil lika nina mayuni ba tilara sa. Dawan wali kan witin nani hilp pliki makabi kan piua ra.

Sins Lâka 15:29

Dawan lika upla watawikira nani wina laihura sa, kuna witin kasakkira nani pura sunra ba walisa.

Sins Lâka 21:13

Umpira ba wini ba ra ya ai kiama praki ba, baku sin witin hilp brima apia hilp makabia piua ra.

Sins Lâka 28:9

Ya Gâd ra lâ walaia apia wisi ai kiama laki ba, Gâd sin witin ai pura sunra ba saura pali kulkan sa.

Aiseya 1:15

Man nani puram sunaia mihtam bukisma ba ra, mai kaiki kamna apia; man nani puram sunra ailal aisama sin, yang mai walamna apia. Man nani mihtam nani ba tala baman alkan sa.

Aiseya 58:9

Baha ningkara, man ai winma kaka, yang sin mai aisamna; man nani tilam wina hilp makabi winma kaka, yang pana mai wimna: ‘Yang nâra sma.’ Man mita yabrika taiban lâka ba sut tiwbia kaka, ai walka ra saura bîla nani aisi wiras kaka, bara nina sin aisaras kaka,

Jirimaya 11:11

Baha tâwan pât tara kum yang bui witin nani ra blikamna, baha wina sip swak takbia apia. Nahki kat witin nani bui yang ra hilp makabi ai winbia, sakuna yang lika witin nani ra walamna apia. Yang, Dawan, kasak aisisna.

Jirimaya 14:12

Witin nani kaiki plun piras nahki ai pura suni kabia sin, makabanka nani ba yang walamna apia, plun nani prisantka nahki aiki kabia sin, sakuna baha yamni kaikamna apia. War blikaisna witin nani ba sauhki tikaia, bara sanglang, siknis sin.”

Jirimaya 15:1

Dawan bui ai win: “Moses, Samuil wal nâra maiwanra bubia kra sin sakuna, yang naha uplika nani ra luki kupi kriwan takbia apia. Witin nani maiwan wina taki, mahka wabia wis.

Isikiel 8:18

Sakuna pana sin yang kupi aisawanka wal daukamni: Naikra ba saurka swih tikbia apia, kupia pihni lâka sin kaikamna apia. Bara kisbi banhbia kiaima ra bîla baikra tara ni, sakuna yang walamna apia.”

Miqueas 3:4

Yu kumi man nani bui Dawan ra winma, sakuna Dawan bui man nani ra mai walbia apia. Witin baha yua ra, man nani wina yukuwbia saurka nani daukram ba tâwan.

Sakaraya 7:13

“Yang aisari, witin nani walan daukras bamna, witin nani ai pura sunbia bara yang sin walamna apia.

Jan 11:22

Sakuna yang kaikisna, Gâd ra dîa makama ba witin sut maikbia.

Jan 15:16

Man nani mita yang na bâk saki ai briras katma; sakuna yang mita man nani ba bâk saki mai briri, bamna man nani mahka taki wih mâ ailal sâkma ba dukiara, bara baha mâ sin ban kaia. Baku lika dîa dîa yang nini mâki Aisa ra makama ba sut maikbia.

Jan 4:34

Sakuna Jisas mita win: —Yang pati sika witinka ai blikan ba kupia lâka daukaia, bara ai warkka sin sut pali daukaia.

Jan 7:17

Upla kum Gâd want ba dukia daukaia lukisa kaka, witin kaikbia smalkanki nani ba, Gâd wina apia kaka, yang yakan kupi wina saki smalkisna sapa.

Jan 9:30

Waitnika ba pana baha nani ra win: —¡Naha lika diara aihka pali sa! Witin ba ani wina sapa kaikras sma, sakuna witin bui yang ra naikra aikan.

Jan 9:32

Tasba paskan piua ba wina, upla kum mita, nahki upla kum aisubi takan piua wina nakras kan ba, nakra yabi ba sturka kau yawan walras sa.

Kli Smalkanka 1:45

Man nani kli tawi balram bara Dawan mawanra inram, sakuna inankam ba witin walras kan.

Hibru Nani 10:7

Bara yang bili: ‘Gâd, yang nâra sni, man kupiam lâka ba kat daukaia, yang dukira lâ wauhkataya ra ulban ba baku.’ ”