Jan 9:22 - DAWAN BÎLA AISKA

²² Aisika bara yaptika wal sibrin kan ba mita baku aisin, kan Ju nani pat lâ daukan kan, ya mita Jisas ba Misaya sa wibia kaka, prias watla ba wina kangbi sakaia.

Jan 9:22 ပူးပေါင်းရင်းမြစ်များ

Sins Lâka 29:25

Upla ra uya sibrin briaia ba wan mina alkaia kiwka wan mangkisa, sakuna Dawan ra luki tniwi uplika ba laih purara bukan kabia.

Aiseya 51:12

“Yang, yang sika, man nani maisam nihkra sna. ¿Man nani ya sîa mai daukisa? ¿Upla nani ra? ¿Upla praprura nani ba baha nani twi baku ba?

Aiseya 51:7

“Yang ra ai wals, man nani kasakka lâka kakaira sma ba, upliki nani lâika nani bîla kaikanka brisma ba. Swappara witin nani saura mai wi ba dukiara,

Aiseya 57:11

“¿Baha gâdka nani ba ya sa, bahara man sibrinkira mayuni kapram ba, bara man bui yang maipara kasak apia ba bara aiska pali âmya ai tikram ba? Man sin yang ra pain ai kulkras katma ba ra, yang âpu baku sâp katna.

Luk 6:22

“Liliam bas man nani upla nani misbara mai kaiki ba ra, mai kangbi mai saki, bara lamhtubi, swiram dauki bahki sin mai alki diara saura baku mai munbia, Upla Luhpia Waitna tâwan.

Jan 1:19

Ju nani Jerusalem wina, prîs bara Libait nani saki Jan ra blikan, makabi walaia, witin ba ya sapa.

Jan 16:2

Ju nani priaska watla nani wina mai kangbi mai sâkbia, bara ban sin piua kum balbia ani uplika mita mai ikbia ba, witin lukbia baha ni Gâd warkka daukisa.

Jan 19:38

Naha diara ningkara, Josep Arimatea tawanka wina ba mita, Pailat ra wih Jisas wîna tara ba brih waia makaban. Baha Josepka lika Jisas disaipilka kumi kata, sakuna yukuwi ra kan Ju nani sîa. Pailat mita âu win, bamna Josep wih Jisas wîna tara ba brih wan.

Jan 20:19

Baha sim piua tihmika tutni pali ra, disaipil sut asla taki kan, bamna utla durka nani sut prakan kan, Ju nani sîa. Jisas bal dimi, disaipil nani lilapas kat buan, baha nani ra lakula dauki, naku win: —¡Kupia kumi lâka man nani wal kabia!

Jan 7:13

Sakuna upla kumi sin param taki aisaras kan, Ju nani ra sibrin luki kan bamna.

Jan 9:18

Sakuna Ju nani lika sip kasak lukras kan, baha waitnika ba nakras kan bara nanara ai nakra pain brisa, aisika bara yaptika wal ba paiwi,

Jan 9:21

sakuna yang nani kaikras nahki witin ba sip sa sapa kaikaia, bara ya pali mita nakra ba pain daukan sapa sin kaikras. Man nani bui witin ra makabi wals; witin pat aitani waitna pâwan sa, bamna dîa dîa tânka sut param aisaia sip sa.

Jan 9:34

Bara witin nani win: —Man lika saurka lâka wina aisubi takram, ¿bamna yang nani ra ai smalkaia lukisma ki? Bamna witin nani Ju nani priaska watla ba wina waitnika ba kangbi sakan.

Jan 9:35

Jisas walan blain waitna kata ba, prias watla wina saki lulkan ba. Witin waitnika wal prawan ba ra, naku win: —¿Man ba Upla Luhpia Waitna ra kasak lukisma ki?

Apastil Nani Sturka 4:18

Bamna witin nani ba paiwi karna pali naku smalki, win: —Man nani naiwa wina kli baha Jisaska nina mâki upla nani ra aisi smalkpara pali.

Apastil Nani Sturka 5:13

Witin nani ai tilara upla wala kumi sin bal dimras kan, ban sakuna upla nani sut mita yamni kulki kan.

Apastil Nani Sturka 5:40

Witin nani Gamaliel aisin ba pain walan. Bamna apastil nani ba winan balan, bara wipi muni, win: —Man nani kli pali Jisas nina brih smalkpara. Baha ningkara mahka pri sakan.

Param Marikanka 21:8

Sakuna sasibrira nani ba, kasak lukras nani ba, uya saura takan nani ba, upla âikra nani ba, tâski lâka baman dauki nani ba, sukia warkka dauki nani ba, aidul nani ra ai pura suni mayuni nani ba, bara kuninkira nani ba sut sin, witin nani lika pauta lakni sulpa ni klauhi ba ra waia kabia; baha sika prura wala ba.”