Jan 8:52 - DAWAN BÎLA AISKA

⁵² Bara Ju nani pana win: —Nanara yang nani kasak kaikisna, man lika pirit saura kum brisma. Ebraham bara prapit nani sut pruan, bamna man wisma: ‘Ya yang bîli alki bribia kaka, prubia apia ban kaia ra.’

Jan 8:52 ပူးပေါင်းရင်းမြစ်များ

Matiu 11:18

Kan Jan balan, bara diara diras, plun sin uya piras, bara man nani wisma witin ba pirit saura kum brisa.

Jan 1:19

Ju nani Jerusalem wina, prîs bara Libait nani saki Jan ra blikan, makabi walaia, witin ba ya sapa.

Jan 14:23

Jisas pana win: —Ani uplika latwan ai kaiki ba, dîa aisisna ba kat wali daukisa, bara Aisiki mita latwan kaikbia, bamna yang Aisiki wal bal baha uplika ra takaskamna.

Jan 15:20

Bamna dîa mai wîri ba dukiara kupiam krauki bas: ‘Alba kumi sin âpu sa, witin ai dawanka wal kau tara ba.’ Yang pali nini bliki rau ai sauhkan sa kaka, man nani ra sin ninam bliki rau mai sauhkan kabia; bara witin nani bui yang smalkanki bîla ba alki brin kaka, man nani smalkankam bîla ba sin alki bribia.

Jan 17:6

“Baha nani man mita tasba ra iwi uplika nani tila wina saki, yang ra aikram ba sut ra marikri, man ba ya sma ba. Baha nani ba man dukiam kan, sakuna yang ra aikram, bamna man smalkankam bîla nani ba alki brin.

Jan 7:20

Upla nani ba mita pana win: —¡Man pirit saura kum brisma baku sa! ¿Ya man ra mai ikaia want sa ki?

Jan 8:22

Bara Ju nani win: —¿Dîa witin yakan pruaia lukisa ki, bara baha mita aisisa: ‘Anira auna ba ra man nani sip waras’?

Jan 8:48

Bamna Ju nani Jisas ra win: —Yang nani aisisna ba lika kasak sa: man ba Sameria uplika kum sma bara pirit saura brisma.

Jan 8:51

Kasak pali mai wisni, ya yang aisisna ba alki bribia kaka, witin prubia apia ban kabia.

Jan 8:55

Ban sakuna, man nani bui witin ba kakaira apia sma. Yang lika witin ra kakaira sni; bara witinka ba kaikras wimna kaka, yang sin man nani wal baku kuninkira sna. Sakuna kasak pali mai wisna, witin ba yang kakaira sna, bara ai bîla sin wali daukisni.

Jan 9:24

Bara Ju nani mita kan piua ra blain kan waitnika ba kli paiwi, win: —Diara kasak ba wan wis Gâd mawanra; kan yang nani kaikisna baha waitnika ba lika saura dadaukra sa.

Hibru Nani 11:13

Witin nani sut Gâd mita diara nani pramis munan kan ba briras ban prui banhwan; sakuna kasak lukan lâka bri nani kan bamna, dukia nani ba laih wina kaikan, bara kasak luki, ai âuyapah pali lakula win. Baku ai tânka ba latan saki aisi kan, witin nani ba naha tasba ra tringsar nani bara impapakra nani kan ba.

Hibru Nani 2:9

Sakuna yawan Jisas ba kaikisa, witinka Gâd mita piu wiria insal nani wina kau mâyara mangkan kan ba. Gâd ai latwanka mita want kan, Jisas ba upla sut dukiara prubia; bara nanara witin prura pâtka wahwan ba mita, prana kraunka ba bara pain kulkan lâka kraunka ba sin witin ra yaban sa.