Jan 8:46 - DAWAN BÎLA AISKA

⁴⁶ ¿Man nani tilam wina ya mita sip sa ki saurka kum brisna kaka, ai marikaia? Bara diara kasak ba aisisna kaka, ¿dîa muni sip kasak ai lukras sma ki?

Jan 8:46 ပူးပေါင်းရင်းမြစ်များ

Matiu 21:25

¿Ya mita Jan ra upla tahbi daukaia blikan? ¿Gâd, apia kaka, upla nani mita? Sakuna witin nani mahka pana pana blahwi, aisan: “Yawan na Gâd blikan wibia kaka, witin wan wibia: ‘¿Bara dîa kan man nani bui witin ra kasak lukras kapram?’

Mark 11:31

Bara pana pana mahka naku aisi blahwan: “Gâd mita blikan yawan wibia kaka, naku wan wibia: ‘¿Bamna, dîa kan witin ra kasak lukras katma?’

Jan 14:30

“Nanara diara kau manis man nani wal aisaia apia sna, naha tasbaya ra wihta ba aula bamna. Karnika kumi sin yang purira âpu sa sakuna,

Jan 15:10

Man nani lâika bîla kat wali dauki kama kaka, yang laitwanka lâka ra sin ban kama, sim yang Aisiki lâka wali daukisna bara latwan ai kaiki ba kat ban sna ba baku.

Jan 16:8

Spirit Holikira ba balbia ba ra, witin mita tasba ra iwi uplika nani ra param marikbia saurka lâka ba, wapni lâka ba, bara Gâd lâ dauki ba.

Jan 18:37

Bara Pailat pana win: —¿Baku bamna, man ba king kum sma ki? Jisas pana win: —Âu, yang na king sna, man aisaram ba baku. Yang aisubi taki, naha tasba ra balri diara kasak ba upla nani ra wiaia. Bamna baha nani sut kasakka lâka ra nani ba, yang dîa aisisna ba aman walisa.

Jan 8:47

Ya Gâd wina sa kaka, Gâd bîla nani ba aman walisa; sakuna man nani na Gâd wina apia sma ba mita, walaia want apia sma.

Jan 8:7

Sakuna baha nani mita kli makabi wali kan. Bara Jisas ai lal buki, naku win: —Man nani tilamra ya saurka luha ba, baha mita pas mairin ba ra walpa ni lulki sabia.

2 Korint 5:21

Kraist lika saurka kumi sin daukras pali kan, kuna yawan tâwan Gâd mita, witin ba saura dadaukra kum baku kulkan; baku mika yawan Kraist wal asla taki, wan rayaka ba Gâd want ba kat wapni bri kabia dukiara.

Hibru Nani 4:15

Bamna wan prîska tara ba mita yawan wan swapnika nani bri ba dukiara umpira wan kaikaia sip sa, kan witin pali sin yawan baku traika kaikanka sât sât brin, sakuna saurka lika daukras kan.

Hibru Nani 7:26

Baku bamna, Jisas sika prîs tara yawan want kan ba. Witin ba holikira sa, pât kumi sin âpu, saurka kumi sin daukras; witin ba upla saurakira nani wina tnaya ra sakan sa, bara kasbrika purara nani purkara bukan sa.

1 Pita 2:22

Kraist ba saurka kumi sin daukras; upla kumi ra sin kunin munras kan.