Jan 8:12 - DAWAN BÎLA AISKA

¹² Jisas kli upla nani ra aisi, win: —Yang sika upla nani ingnika; ya yang nini bliki ba, raya kaia yabi ingnika ba bri kabia, bara kli sin tihmia ra tauki kabia apia.

Jan 8:12 ပူးပေါင်းရင်းမြစ်များ

Job 33:28

Ban sakuna, prura wina swaki ai sakan, bara nanara kat sin ai ingnika ba kaikaia sip sni.”

Lawana Nani 18:28

Dawan, man, ingni aikisma; Gâdki, man, tihmia tara ba, man bui ingni daukisma.

Lawana Nani 49:19

Witin prubia yua ba wabia bara kli wan yu ingnika na kaikbia apia.

Lawana Nani 97:11

Ingni ba ingwisa, upla kasakkira nani dukiara, lilia lâka ba upla kulkanka bri nani ingnika sa.

Aiseya 49:6

Witin wisa: “Baha ba aitani apia sa, man ba yang duki dadaukra baman kaia Jekob kiamka ba bukaia baman bara sin Israel tâka kau bâra ba, kli bri balaia baman ba dukiara apia; yang mai daukamni man ba nisan nani ingnika kaia, yang bui upla swaki sakisna ba lâka, man tasba aiska ra brih waia sma.”

Aiseya 50:10

Man nani bui Dawan ra kulkisma ba bara ai dukia dadaukra bîla walisma ba: tihmia tara ra wapma kaka, ingni lupia kumi sin âpu, Dawan ra kasak luks, Gâdkam ra tâ baiks.

Aiseya 9:2

Tihmia tasbaika ra watauki kan uplika nani ba, ingni tara kaikan; baha nani dista tasbaya ra iwi kan ba, ai purara ingni ba ingwan sa.

Oseas 6:3

¡Yawan karna wapi kap, Dawan kakaira takaia! Dawan yawan ra balbia, kasak pali titan yu baiwi uli baku, kasak pali lî auhi tasba buski ba baku mani lapta luan, lî auhaia piua ra baku aula.

Malaquía 4:2

Sakuna man nani tara ai kulkisma ba, yang kasakki tânka ba man nani ra yu ingnika ingwi ba baku kabia; baha ingnika ba wina wînam tara yamnika maiki kabia, man nani liliam puli srutwi kama, bîp lupia nani klar wina sakan srutwi puli ba baku.

Matiu 5:14

“Man nani sika naha tasbaya ingnika sma. Tawan kum il purara ba yukuwaia sip apia sa.

Luk 2:32

Ingni kum nisan nani ra ingni yabi ba, bara man uplikam Israel luhpia nani ra mayunra lâka yaia.”

Jan 12:35

Bara Jisas bila baha nani ra: —Kaiks, piua wiria baman ingni ba kau man nani tilamra kabia. Bamna watauki bas kau baha ingnika brisma ba ra, tihmia kra mai alkbiara sîa; kan tihmia ra watauki uplika ba, witin kaikras sa anira auya sapa.

Jan 12:36

Ingni ba kat kasak luki bas, kau man nani tilamra ingnika ba brisma ba ra, bamna baku mika sip kama ingni luhpia nani takaia. Jisas naha diara nani aisin ba ningkara, mahka taki wih baha nani wina yukuwan.

Jan 12:46

Yang, ingni sna na, naha tasba ra balri, bamna ani uplika nani yang ra kasak luki ba tihmia ra ban wataukaia apia sa.

Jan 14:6

Jisas bila: —Yang sika yabal ba, kasak tânka ba bara rayaka ba sin. Yang bâk baman sip sa Aisa ra waia.

Jan 3:19

Kasak lukras nani ba pat pât ra lakan sa; kan ingnika naha tasba ra balan ba ra, witin nani tihmia ba ra kau brin daukan, ingni ra lika baku apia, kan diara saura nani baman daukisa.

Jan 7:17

Upla kum Gâd want ba dukia daukaia lukisa kaka, witin kaikbia smalkanki nani ba, Gâd wina apia kaka, yang yakan kupi wina saki smalkisna sapa.

Jan 9:5

Kau naha tasba ra sna ba piua ra, yang lika naha tasba ingnika sna.

Apastil Nani Sturka 13:47

Naku sika Dawan ai lâka yang nani ra wan smalki wan win ba: ‘Man ba Ju apia nani ingnika wisi mai mangkri, bara naha tasba aiska ba swaki sakaia yabalka ra sin mai mangkri.’

Apastil Nani Sturka 26:23

Baha tânka ba lika: Misaya ba pât wahwaia kan, bara sin prubia ningkara, witin sika pruan nani wina pas upla buan kabia ba, bara swaki sakan sturka yamni ingnika ba Ju nani ra smalkbia, bara Ju apia nani ra sin.”

2 Pita 2:17

Naha smasmalkrika nani lika, sim tingni kumi lâwan ba baku sa, kasbrika nani pâsa mita aki brih wi ba wal baku sa; bamna baha nani dukia wisi, Gâd mita plis tihmu tara pali kum ridi dauki swin sa.

2 Pita 2:4

Gâd mita insal nani saura daukan ba saurka swih tikras, kuna baha nani ba sut hil pauta ra lulki tihmu pali ra swin sa, sîn ni priski lâ tara yua ba kat lâka daukaia.

1 Jan 1:6

Yawan lika Gâd wal asla sa wisi aisi kabia kuna tihmia ra ban takaskisa kaka, yawan lika dîa aisi ba bara dîa dauki ba sut mapara kunin aisisa.

Judas 1:13

Kabu ripka prautkira nani baku, ai daukanka saura nani ba wina swira lâka nani ukatka ba sakisa; slilma nani ai yabalka tikan nani sa, pât ban kaia ra lulkan sa, tihmu tara tilara kaia.

Judas 1:6

Bara insal nani, ai pliska bri kan ba main kaiki briras, sakuna ai watla pali ba sin swin nani ba, baha nani ra Gâd mita ban kaia ra priski, silak watla tihmu ra brisa, lâ tara yua balbia ba kat.

Param Marikanka 21:24

Tasba ra iwi uplika nani swaki sakan ba, baha tawanka ingnika ra wapi kabia, bara tasba kingka nani ba ai prana bahara bri bal dingkbia.