Jan 7:4 - DAWAN BÎLA AISKA

⁴ Upla kumi upla wala nani mita witin ra kakaira kaia want sa kaka, witin sip yukuwan ra diara daukras. Man nahmuna dukia nani daukisma na, tasba aiska mawanra dauks.

Jan 7:4 ပူးပေါင်းရင်းမြစ်များ

1 King Nani 22:13

Micaías mata blikan uplika ba aisi, naku win: —Kaiks, prapit nani sut ba bîla yamni baman king ra aisisa; baku bamna man sin baha nani wal baku bîla yamni nani aisama, bara man maisa pakma pura lubia ba dukiara.

Matiu 23:5

Diara dauki bani ba upla nani kaikbia wisi daukisa. Witin nani ai wauhkataya watla nani ba tara brisa, ai kwalka un nani ba sin tara daukisa.

Matiu 4:6

naku win: —Kasak man ba Gâd Luhpia sma kaka, naha wina kauhs; kan Ulbanka ra wisa: ‘Gâd ai insalka blîkbia main mai kaikaia; ai mihta nani ni mai alki mai bukbia, minam ba walpa ra kra pruki latwan brima apia dukiara.’

Matiu 6:16

“Man nani plun piras sma ba ra, kuninkira nani ai mawan sari bri ba baku daukpara; kan witin nani baku daukisa plun piras ba upla nani kaikbia dukiara. Kasak pali mai wisna, baha wal pat ai prisantka brisa.

Matiu 6:5

“Man nani puram sunma ba ra, kuninkira nani baku daukpara. Witin nani lihkisa prias watla nani ra bara tawan bîla unyukwika nani ra ai pura sunaia, upla nani mita kaikbia wisi. Kasak pali man nani ra mai wisna, witin nani baku dauki ba mana pat ai prisantka brisa.

Luk 6:45

Upla yamni ba sturi yamni baman aisisa, kan ai kupia ra diara pain baman bâra sa; bara upla saura ba sturi saura baman aisisa, kan saurka ba ai kupia ra sa. Bamna wan bîla ni aisi ba, wan kupia ra bri ba wina takisa.

Jan 18:20

Jisas mita pana win: —Yang lika upla sut mawanra param pali aisari; piua bani Ju nani priaska watla nani ra, bara tempel ra sin smalki katna, Ju nani sut bahara asla taki kan ba ra; yang diara kumi sin yukuki smalkras katna.

Jan 7:3

Bamna Jisas muihnika nani witin ra win: —Man nahara takaskpara; mahka Judia ra was, bara baku mika ninam blablikra nani bahara banhwi ba mita naha diara nani daukisma na kaiki banhbia.

Jan 7:5

Kan Jisas muihnika nani pali mita sin, witin ra kasak lukras kata.