Jan 7:33 - DAWAN BÎLA AISKA

³³ Bamna Jisas bila: —Yang lika man nani wal kamna kau piua wiria baman, ningkara witinka ai blikan ba ra kli wamna.

Jan 7:33 ပူးပေါင်းရင်းမြစ်များ

Mark 16:19

Witin nani ra aisin ba ningkara, Dawan Jisas lika kasbrika purara bukan kan, bara mahka Gâd mihta aihkika ra iwan.

Jan 13:1

Insal luan yua Liliaka ba yauhka baku aimakaia kan, bara Jisas kaikan witin naha tasba na swi si, ai Aisa ra waia awarka ba aimakan kan. Witin ai uplika nani naha tasba ra kan ba sut ra ban latwan kaikan, bamna nanara ai latwanka lâka kau tara pali takan ba sin mariki kan.

Jan 13:33

Luhpi lupia nani, kau piua wihka lika man nani wal kamna apia. Man nani ai plikma, sakuna Ju nani ra wîri ba baku, nanara man nani ra sin mai wisni: Yang auna pliska ra man nani sip wama apia.

Jan 14:12

Kasak pali mai wisni, yang ra kasak luki uplika ba, diara nani daukisna ba witin mita sin daukbia, kau diara tara nani sin daukbia, kan yang Aisa bâra ba pliska ra auna.

Jan 14:19

Kau piua wiria ba ra, upla nani mita ai kaikbia apia, sakuna man nani lika ai kaikma bara raya kama, kan yang raya sna bamna.

Jan 14:28

Man nani lika yang aisari ba pat walram yang mahka auna, bara kli balamna man nani wal takaskaia. Man nani kasak latwan ai kaikisma kaka, lilia banhwi kaia kapram yang Aisa ra auna bamna, kan witin ba kau tara sa yang ba wal.

Jan 16:10

¿ya ba pât âpu uplika?: baha sika yang, Aisa ra auna ba, bara man nani kli ai kaikma apia;

Jan 16:28

Yang na Aisa wina taki naha tasba ra balri; bamna nanara naha tasba na swi si, kli Aisa ra auni.

Jan 16:5

Sakuna nanara mahka auna, ai blikan ba wal kaia, kuna man nani wina kumi sin ai makabi walras sma anira auna sapa.

Jan 17:11

“Yang lika kau naha tasba ra takaskamna apia; sakuna witin nani lika tasba ra kabia, kan yang lika auna man wal kaia. Aisa Holikira, ninam karnika ba ni baha nani ra main kaiki bri bas, baha ninam yang ra aikram ba, bara baku mika witin nani sut asla kabia, sim man ba yang wal asla ba baku.

Jan 17:13

“Bamna nanara man bâra sma pliska ra mahka auna; sakuna kau tasba ra sna na piua ra naha diara nani na aisisni, bara baku mika witin nani, yang lilia brisna ba ni aibanhwan kabia.

Jan 20:17

Jisas win: —Ai alkpara, kan yang Aisa bâra ba pliska ra kau uli wih asla takras sni. Sakuna muihki nani ra wih wis, uli auna Aisiki ra bara man nani Aisikam ra, yang Gâdki ra bara man nani Gâdkam ra.

Jan 9:4

Kau kakna na ra, ai blikan ba warkka yawan daukaia sa; kan tihmia ba aula, bara bahara upla sip wark daukras sa.