Jan 7:31 - DAWAN BÎLA AISKA

³¹ Sakuna upla ailal Jisas ra kasak luki, naku win: —¿Bara Misaya balbia ba ra, naha waitnika na wal, kau sain ailal daukbia ki?

Jan 7:31 ပူးပေါင်းရင်းမြစ်များ

Matiu 12:23

Upla sut tâ iwi, naku aisan: “¿Naha na Debit Luhpia ba apia?”

Luk 8:13

Saumuk mâ nani walpa nani tilara kauhan ba lika upla nani sturi yamni ba wali, liliakira brisa, sakuna ai wakia pain briras, piu wiria baman kasak lukuya, kuna traika kaikanka aula ba ra, mahka tnaya ra tawuya.

Jan 11:45

Naha tâka mita, Meri yula kahbi aidrubi balan kan Ju nani wina ailal, baha nani Jisas ra kasak lukan, kan witin nani lika Jisas diara daukan ba kaiki banhwan bamna.

Jan 12:11

Kan Lasarus tâka mita, Ju ailal pali witin nani wina dakwi taki kan, Jisas ra kasak lukaia dukiara.

Jan 12:42

Ban sakuna Ju ailal Jisas ra kasak lukan, ban sin Ju wihtka nani sin; sakuna parisi nani sîa upla nani mawanra param aisaras kan, prias watla wina kra kangbi sâkbiara sîa.

Jan 2:11

Naha na lika, pas sain kata Jisas daukan ba Kena Galili ra; baha wal ai prana ba marikan, bara disaipil nani ba witin ra kasak luki banhwan.

Jan 3:2

Tihmia kan ba ra, Nikudimus ba Jisas kaikaia wan, bara naku win: —Smasmalkra, yang nani kaikisna wan smalkaia dukiara, Gâd mita man ba mai blikan sa; kan upla âpu sa sain aihka nani daukaia, man daukisma ba baku, Gâd ba witin wal apia sa kaka.

Jan 4:29

—Man nani bal kaiks, nahki waitna kum yang dîa daukri ba sut ai win. ¿Naha apia ki Kraist ba?

Jan 4:39

Sameria uplika nani baha tawanka ra iwi banhwi kan ba tila, manis Jisas ra kasak lukan, dîa baha mairin aisin natka wina: “Dîa daukri ba sut, witin bui yang ra ai win.”

Jan 6:2

Upla ailal ai nina bliki kan, sain aihka nani daukan kaikan ba mita, siknis bri uplika nani ra sin raki kan kaikan bamna.

Jan 7:26

Bamna kaiks witin baha upla sut mawanra aisisa, bara upla kumi sin diara wiras sa. ¿Wihta nani mita kaikisa krani naha waitnika na Misaya ba?

Jan 9:16

Bamna parisi nani tila bila: —Naha daukan waitnika ba, Gâd wina apia sa, kan witin ris yua ba kulkras sa. Kuna wala nani bila: —Upla saura kaka, ¿nahki sip kabia naha sât wark aihka nani na daukaia? Baku bamna, witin nani ai tilara tar baiwan lâka takan.

Apastil Nani Sturka 8:13

Baha Saimanka sin kasak lukan bara tahbi daukan, bara witin Pilip wal ban tauki kan. Witin tâ iwan pali sin taki kan baha sain nani bara wark aihka nani dauki kan ba dukiara.

Jems 2:26

Wan wîna tara ba spirit âpu kaka, pruan sa; bara kasak lukan lâka daukanka yamni ba maikras kaka, baha sin pruan sa.