Jan 7:30 - DAWAN BÎLA AISKA

³⁰ Baku mika, upla nani ba mita Jisas ba priski bri waia luki kan; kuna upla kumi sin witin ra ai mihta mangkras kata, kan ai piua ba kau aimakras kan bamna.

Jan 7:30 ပူးပေါင်းရင်းမြစ်များ

Lawana Nani 76:10

Bara upla kupia baiwanka nani baman mayunra ra lakisma; witin nani ai waihla pali nani ba sin kraunkam takisa.

Aiseya 46:10

Blasi pali wina maisa pakisna diara aula dukiara; bara blasi pali ba kan kaia ra wina sin diara nani kau daukras kan ba dukiara sin yang wisna. Yang wisni: Smalkanki bîla nani ba ban bâra kabia, bara diara nani want sna ba daukbia.

Matiu 12:14

Bara parisi nani latara taki, mahka ai lâka dauki banhwan Jisas ra ikaia dukiara.

Matiu 21:46

Bamna witin nani bui Jisas ra alkaia lukan, sakuna upla nani ra sibri kan, kan upla nani kasak kulkan Jisas ba Gâd prapitka kan.

Mark 11:18

Prîs tara nani, Lâ Smasmalkra nani sin baha ba walan, bara witin nahki ikaia ba plikan, kan baha nani witin ra sibrin kan, upla sut ai smalkanka wali tâ iwan kan bamna.

Luk 20:19

Baha sim piua ra, prîs wihtka nani bara Lâ Smasmalkra nani mita Jisas ra alkaia luki kan, witin nani kaikan baha maprika lilka aisin ba lika witin nani ai mapara kata, sakuna upla nani ra sibrin luki banhwi kan.

Luk 22:53

Yang yu bani man nani wal tempel ra katna piua ra, wiria sin ai kangbras kapram; sakuna naha na man nani awarkam sika, tihmia mita pura lui ba.

Jan 10:31

Bara Ju nani kli walpa nani brin, Jisas ra lulki sabaia.

Jan 10:39

Bamna Ju nani kli Jisas ba priski brih waia lukan, kuna witin swak takan.

Jan 11:57

Parisi nani bara prîs tara nani mita adar yan kata, ani uplika Jisas anira takaski ba kaiki kaka, witin nani ra wibia, bara baku mika sip kabia alkaia.

Jan 7:19

“¿Kasak apia Moses mita man nani ra lâ ba maikan? Ban sakuna, man nani kumi sin baha lâka bîla wali daukras. ¿Bamna dîa muni ai ikaia want sma ki?

Jan 7:32

Parisi nani walan upla nani Jisas dukiara dîa aisi kan ba; bamna witin nani bara prîs wihtka nani mita tempel ba wina suldiar nani saki blikan, Jisas ba priski brih waia.

Jan 7:6

Bamna Jisas witin nani ra win: —Yang piui ba kau aimakras sa, sakuna man nani mampa ra lika awar bani ba pain sa.

Jan 7:8

Man nani was baha liliaka tara ra; yang lika wamna apia, kan piui ba kau aimakras sa.

Jan 8:20

Jisas naha diara nani na aisin, witin kau tempel ra smalki kan ba ra, Gâd ra prisant auhbaia bakska bâra kan pliska ra. Sakuna upla kumi mita sin witin ba alki priskras kata, kan ai piua ba kau aimakras kan.

Jan 8:37

Yang kaikisna man nani ba Ebraham kiamka, sakuna man nani ai ikaia want sma, kan yang dîa mai wisna ba alki daukras sma.

Jan 8:59

Baku mika Ju nani mita walpa wahbi brin, Jisas ra sabaia; sakuna witin yukuwi, tempel wina taki wan.

Jan 9:4

Kau kakna na ra, ai blikan ba warkka yawan daukaia sa; kan tihmia ba aula, bara bahara upla sip wark daukras sa.