Jan 7:26 - DAWAN BÎLA AISKA

²⁶ Bamna kaiks witin baha upla sut mawanra aisisa, bara upla kumi sin diara wiras sa. ¿Wihta nani mita kaikisa krani naha waitnika na Misaya ba?

Jan 7:26 ပူးပေါင်းရင်းမြစ်များ

Sins Lâka 28:1

Watawikira ba plapisa upla ai nina blikras kabia sin, kuna kasakkira nani ba, layan baku sibrin luha bâra sa.

Aiseya 42:4

Witin ris bribia apia, dring sin swapbia apia, tasba ra kasakka lâka ba bapbia ba kat; kabu un ra iwi nani ba, man lâmka ba bîla kaiki kabia.”

Matiu 22:16

Bara ai uplika tila nani, Herod uplika nani kira blikan Jisas ra wiaia: —Smasmalkra, yang nani pain kaikisna man ba kasak kat aisisma, bara upla nani aisi ba kulkras Gâd yabalka ba kat kasak smalkisma, kan man ba upla mawanka ba kulkras sma bamna.

Luk 23:13

Bamna Pailat mita prîs tara nani, wihta nani bara upla nani sut asla paiwi,

Luk 7:30

Sakuna parisi nani bara Lâ Smasmalkra nani Jan mita tahbi daukras kan ba, Gâd bui witin nani dukiara dîa daukaia lukan ba, bahki kulkan.”

Jan 12:42

Ban sakuna Ju ailal Jisas ra kasak lukan, ban sin Ju wihtka nani sin; sakuna parisi nani sîa upla nani mawanra param aisaras kan, prias watla wina kra kangbi sâkbiara sîa.

Jan 18:20

Jisas mita pana win: —Yang lika upla sut mawanra param pali aisari; piua bani Ju nani priaska watla nani ra, bara tempel ra sin smalki katna, Ju nani sut bahara asla taki kan ba ra; yang diara kumi sin yukuki smalkras katna.

Jan 3:1

Parisi waitna kum bâra kan, nina ba Nikudimus mâki kan; witin ba Ju nani tilara kulkanka tara bri kata.

Jan 4:29

—Man nani bal kaiks, nahki waitna kum yang dîa daukri ba sut ai win. ¿Naha apia ki Kraist ba?

Jan 7:25

Bamna Jerusalem ra iwi kan uplika kum kum mita makabi walan: —¿Naha waitnika ra apia pliki banhwi ba ikaia?

Jan 7:31

Sakuna upla ailal Jisas ra kasak luki, naku win: —¿Bara Misaya balbia ba ra, naha waitnika na wal, kau sain ailal daukbia ki?

Jan 7:48

¿Dîa wan wihtka nani na tila wina, apia kaka parisi nani na tila wina kum pat Jisas ra kasak lukan sa ki?

Jan 9:22

Aisika bara yaptika wal sibrin kan ba mita baku aisin, kan Ju nani pat lâ daukan kan, ya mita Jisas ba Misaya sa wibia kaka, prias watla ba wina kangbi sakaia.

Apastil Nani Sturka 4:13

Aidrubanka wihtka nani ba mita kaikan, Pita Jan wal lika sibrin âpu kira aisi kan, bara kaikan baha nani wauhkataya uya lan takras kan, upla wala nani wal baku. Bamna tâ iwi banhwata, kan latan kaikan naha nani Jisas wal tauki kan.

Pilipai 1:14

Bara silak ra sna ai kaiki, wan muihni nani ailal Dawan ra kau kasak luki ai tâ baiki, Gâd sturka yamni ba sibrin âpu smalki banhwisa.