Jan 6:40 - DAWAN BÎLA AISKA

⁴⁰ Naha sika witinka ai blikan kupia lâka ba: Upla sut mita Gâd Luhpia ra kaiki kasak lukbia, bara baku mika raya ban kaia ba bribia; bara tnata piua ra, yang mita pruan wina kli bukamna.

Jan 6:40 ပူးပေါင်းရင်းမြစ်များ

Aiseya 52:10

Dawan ai karnika ba param ra sakan, nisan nani sut nakra ra. Bara tasba aiska ra sin yawan wan Gâdka swaki wan sakanka lâka ba kaikbia.

Aiseya 53:2

Dawan ba ai brinka sa ai dukia dadaukra ba, dus disang swap pâwi ba baku pâwaia ai wakia tasba lâwan ra alki ba baku. Mawan painka âpu, prana sin âpu; yawan bui witin ra kaikbia ba ra, yamni kaikaia tânka âpu kabia;

Kulki Kaikanka 21:9

Bamna Moses bras piutka ba paski, dus kum ra paman, bara piuta saura ba mita saman uplika ba, bras piutka ra tawi kaikuya ba ra, rawi kan.

Matiu 10:15

Kasak pali mai wisna: Lâ daukanka tara yua ra, Sodoma bara Gomora tawanka wal baha uplika nani kau pât tara bribia.,

Matiu 25:46

Bamna naha nani na ban kaia ra pât wahwanka ra wabia, sakuna kasakkira nani ba lika raya ban kaia ra wabia.”

Mark 16:16

Ya kasak lukbia ba, tahbi daukan kabia, witin lika swaki sakan kabia; sakuna ya kasak lukras kaka, witin pât ra lulkan kabia.

Luk 2:30

Kan pat kaikri swaki takan lâka ba,

Jan 1:14

Baha Bîla ba upla takan, bara yang nani tilira iwan. Bamna yang nani ai prana ba kaikri, baha prana Aisa Luhpia kumi baku Gâd wina brin ba.

Jan 10:28

Yang baha nani ra raya ban kaia lâka ba yabisni, bamna witin nani sin prubia apia ban kaia ra raya kabia, baku bamna upla kumi sin âpu sa baha nani ba mihti wina dakbi briaia.

Jan 11:24

Marta bila: —Âu, yang kaikisna witin ba kli bubia, tnata piua ra pruan nani kli bubia ba ra.

Jan 11:25

Jisas pana win: —Yang sika kli buaia tânka bara rayaka ba sin. Ya yang ra kasak luki ba, prubia kra kuna raya kabia.

Jan 12:45

Bamna ani uplika yang ai kaiki ba, Aisa ai blikan ba ra sin kaikisa.

Jan 12:50

Bara yang kaikisna Aisiki lâka ba lika raya ban kaia dukiara sa. Baku bamna, dîa aisisna ba lika Aisa adarka ba kat aisisna.”

Jan 14:17

Dawan ra tawras uplika nani baha Spiritka ba sip bribia apia, kan witin nani mita sip kaikbia apia, bara sip tânka bribia apia; sakuna man nani lika pat kakaira nani, kan witin ba man nani wal sa, bara ban kaia ra sin man nani wal kabia.

Jan 14:19

Kau piua wiria ba ra, upla nani mita ai kaikbia apia, sakuna man nani lika ai kaikma bara raya kama, kan yang raya sna bamna.

Jan 17:2

Man mita sika Luhpiam ra karnika yaram ba, upla wala nani sut purkara, raya ban kaia lâka yaia baha nani sut man mita witin ra yabram ba.

Jan 3:36

Ya Gâd Luhpia ra kasak luki ba, raya ban kaia lâka ba brisa; sakuna ya Gâd Luhpia ra kasak lukaia apia wi ba, sip baha rayaka ba bribia apia, sakuna Gâd klalka saura pali ba bribia.

Jan 4:14

sakuna yaura yang mita lî yarka dibia ba, kli din daukbia apia. Kan yang lî diaia yamna ba, witin wina lî aubi kabia raya ban kaia ra.

Jan 5:24

“Kasak pali mai wisna: Yang aisisna ba ra ya aman walisa, ai blikan ba ra sin kasak lukisa kaka, witin raya ban kaia lâka ba brisa, pât ra sin lulkan kabia apia; kuna pruan wina taki pat raya kaia ra luan sa.

Jan 6:27

Wark taki banhpara, baha pata isti aisawi ba dukiara; sakuna wark taki banhs, ban kaia ra pata ba dukiara, rayaka ban kaia lâka yabi ba dukiara sin. Naha pata ba sika Upla Luhpia Waitna bui maikbia, kan Gâd Aisa mita witin ra bâk sakan sa.

Jan 6:39

Naha sika Aisiki ai blikan ba kupia lâka; witin aikan nani ba wina kumi sin tikamna apia, bamna yang tnata piua ra pruan wina kli bukamna.

Jan 6:44

Upla kumi sin yakan yang ra balras, Aisiki ai blikan ba mita brih balbia lika; bara yang tnata piua ra pruan wina bukamna.

Jan 6:54

Ya yang wîni tara pîsa bara tâilia sin dîsa kaka, raya ban kaia ba brisa, bamna yang mita tnata piua ra pruan wina bukamna.

Jan 8:56

Man nani damikam Ebraham ba, yang ra ai kaikaia kan ba ai kaikan baha mita lilia ni aibanhwan kata.

Roman 5:21

Naha na baku takan, saurka ba prura bri balaia karnika bri kan ba baku, Gâd kupia yamnika ba mita yawan na Gâd mawanra kasakkira wan kulkaia karnika bri kaia bara raya ban kaia lâka ba wankaia, wan Dawan Jisas Kraist bâk.

Roman 6:23

Saurka ba mita mana baku wanki ba lika prura, sakuna Gâd wina prisantka ba lika, raya ban kaia lâka Kraist Jisas wan Dawan wal asla.

2 Korint 4:6

Tihmia ra ingbia dukiara ingni blikan Gâdka ba mita sika, ai ingnika wan kupia ra yan ingwan, bara baku mika baha ingnika wal Gâd prana Jisas Kraist mawanra ingwi ba, yawan kaikaia.

Hibru Nani 11:1

Bamna kasak lukan lâka bri kaia ba lika, yawan diara briaia bîla kaiki ba kasak pali luki kaia baha ba bribia, bara diara nani kaikras ba sin kasak pali kaikan kan baku lukaia sa.

Hibru Nani 11:27

Kasak lukan lâka mita, Moses ba king kupia baiwanka sîa âpu Idsip tasbaya wina taki wan, kan witin dîa daukaia lukan ba kat ban kata, upla mita Gâd ra sip kaikras ba witin kaiki kan baku.

1 Pita 1:8

Man nani lika Jisas Kraist ba namkra pali ni kaikras, ban sakuna, latwan kaikisma; man nani bui witin ra kasak lukisma, namkra ni kaikras sma sakuna; bara ba mita lilia tara bara pranakira sin brisma, bara liliaka tânka ba bîlam ni sin sip aisaras,

1 Jan 2:25

Bara Jisas Kraist mita pramis wan munan sa raya ban kaia lâka ba wankaia.

Judas 1:21

Gâd latwanka lâka ra ban bas, bara bîla kaiki bas wan Dawan Jisas Kraist mita ai kupia pihni lâka ra, raya ban kaia lâka ba wankbia.