Jan 6:37 - DAWAN BÎLA AISKA

³⁷ Diara sut Aisa aiki ba, yang ra aula; baha nani yang ra aula ba, yang sip kangbi sakamna apia pali.

Jan 6:37 ပူးပေါင်းရင်းမြစ်များ

Lawana Nani 102:17

Hilpkas nani pura sunra ba walma, bara man, witin makabanka ba walras kapara.

Lawana Nani 110:3

Uplikam nani ba man ra maikisa man pura luma yua ba. Il holi nani ba purara, lalma kahbi kan diwas laya iwi ba baku, yu bani kau wahma taki kama.

Aiseya 41:9

Tasba paski takaskri ba wina mai paiwri, plis kau laihura pali ba wina, bara man ra mai wîri: ‘Man ba yang warkki dadaukra ba.’ Bâk mai sakri bara mai lulki lika mai swiras.

Aiseya 42:3

Yauhrus lâwan ba witin mita krikbia apia, lamp wîkka daswaia kiasma taki ba sin, daskbia apia. Wapni lâka daukanka ba kasakka lâka ba sin bri balbia.

Aiseya 55:7

Saurakira ai yabalka ba yarka swibia, bara upla watawikira ba sin ai kupia lukra nani ba swibia; bara man nani lika Dawan ra kli tawi bal, witin nani umpira kaikan lâka bribia; yawan wan Gâdka ra, witinka wan saurka swi tikaia lâka tara bri ba.

Matiu 11:28

Warkkam bara karbankam mita mai swapkan nani ba, sut yang ra bal bara yang mita maikamna ris briaia.

Matiu 24:24

Kan misaya kuninkira nani bara prapit kuninkira balbia; witin nani sain tara nani bara diara aihka nani daukbia upla ra kunin munaia dukiara, bara sip kaka, Gâd mita bâk sakan nani ba ra sin kunin munaia.

Jan 17:11

“Yang lika kau naha tasba ra takaskamna apia; sakuna witin nani lika tasba ra kabia, kan yang lika auna man wal kaia. Aisa Holikira, ninam karnika ba ni baha nani ra main kaiki bri bas, baha ninam yang ra aikram ba, bara baku mika witin nani sut asla kabia, sim man ba yang wal asla ba baku.

Jan 17:2

Man mita sika Luhpiam ra karnika yaram ba, upla wala nani sut purkara, raya ban kaia lâka yaia baha nani sut man mita witin ra yabram ba.

Jan 17:24

“Aisa, man mita sika baha nani aikram ba, bamna want sna baha nani sut yang bâra kamna pliska ra kabia, bara baku mika man prana aikram ba kaiki kabia; kan man mita latwan ai kaikram kau tasba na âpu kan piua ba wina.

Jan 17:6

“Baha nani man mita tasba ra iwi uplika nani tila wina saki, yang ra aikram ba sut ra marikri, man ba ya sma ba. Baha nani ba man dukiam kan, sakuna yang ra aikram, bamna man smalkankam bîla nani ba alki brin.

Jan 6:39

Naha sika Aisiki ai blikan ba kupia lâka; witin aikan nani ba wina kumi sin tikamna apia, bamna yang tnata piua ra pruan wina kli bukamna.

Jan 6:65

Bamna Jisas bila: —Baha mita sika yang bui man nani ra mai wîri, upla kumi sin yang ra balbia apia, Aisa mita brih balras sa kaka.

Jan 9:34

Bara witin nani win: —Man lika saurka lâka wina aisubi takram, ¿bamna yang nani ra ai smalkaia lukisma ki? Bamna witin nani Ju nani priaska watla ba wina waitnika ba kangbi sakan.

Roman 5:20

Bamna Moses lâka balan saurka ba kau manis takaia dukiara, sakuna saurka ba kau manis takan ba ra, Gâd kupia yamnika ba kau tara pali takan.

Pilipai 1:29

Kan Kraist ba mita man nani kasak baman lika lukras, sakuna witin tâwan sin pât wahwaia.

1 Timoti 1:16

Baha mita sika Gâd bui yang ra umpira ai kaikan ba, Jisas Kraist yang ra ai marikbia wisi ai kupia alki takaski lâka aiska ba daukan. Naku sika yang na, witin ra kasak luki raya ban kaia briaia uplika nani ba dukiara, tâinka ni baha nani ra marikri, yang daukri baku dauki banhbia dukiara.

2 Timoti 2:19

Sakuna Gâd mita playa kum karna bapan ba lika ban buisa, bara naha bîla nani na bahara ulban sa: “Dawan mita ai uplika nani ba kakaira sa”, bara: “Ani uplika nani Dawan nina bri ba, witin nani ba saurka wina tnaya ra takaia sa.”

Hibru Nani 4:15

Bamna wan prîska tara ba mita yawan wan swapnika nani bri ba dukiara umpira wan kaikaia sip sa, kan witin pali sin yawan baku traika kaikanka sât sât brin, sakuna saurka lika daukras kan.

Hibru Nani 7:25

Baha mita, nanara bara ban kaia ra, witin bâk Gâd lamara wi nani ba ra witin mita swaki sakaia sip sa, kan witin ba ban kaia ra raya iwisa, witin nani tâwan Gâd ra makabaia dukiara.

1 Jan 2:19

Witin nani ba lika yawan wan tila wina takan sakuna kasak pali mai wisna, baha nani ba yawan nani wina apia sa, kan yawan wina kata, witin nani yawan wal ban kaia kan. Sakuna baha ba baku ban takan, upla nani mita param kaikbia dukiara, baha nani ba kasak pali yawan wan tila na wina apia sa.

Param Marikanka 22:17

Spirit Holikira ba bara Sîp Luhpia maya mairin ba naku wisa: “¡Bal!” Bara wali uplika ba wiaia sa: “¡Bal!” Ya din dauki ba, balaia sa; ya brin dauki ba, raya kaia laya ba mana luha dibia.