Jan 5:46 - DAWAN BÎLA AISKA

⁴⁶ Bamna man nani lika Moses dîa aisin ba ra kasak lukras kapram, yang ra sin kasak ai luki banhwaia apia kapram, kan Moses mita yang dukira ulban sa.

Jan 5:46 ပူးပေါင်းရင်းမြစ်များ

Blasi Sturka 12:3

Yamni mai bribia uplika nani ra yamni munamni, saura mai wibia uplika nani ra saura munamni; bara upla kiamka nani sut tasba aiska ra ba man ra praki yamni pali munamni.”

Blasi Sturka 18:18

kan witin sika nisan tara karna kum aisika takaia sa, witin ra praki nisan nani sut tasba ra ba, yamniki yabaia wîri bamna.

Blasi Sturka 22:18

bara man kiamkam ra praki nisan wala nani sut tasba aiska ra bâra ba sin yamnika yan kabia, man bui yang bîli wali daukram ba mita.’

Blasi Sturka 28:14

Man kiamkam nani ba auhya ailal ba baku ailal kabia. Bara yahbra ra, waupasa ra, lalma ra, muna ra sin kiamkam nani ba bâra kabia. Bara tasba aiska ba man kiamkam ra praki yamnika ailal yabamni.

Blasi Sturka 3:15

Bara man mairin wal waihlam kaia daukamni. Man kiamkam ba mairin kiamka ba wal sin ai waihla kabia; witin bui man lamla ra insauhkbia, bara man pana witin ai mina plakura ra sami kama.

Blasi Sturka 49:10

Juda karnika bri ba, upla kumi sin baha karnika ba witin wina dakbia apia. Baha karnika dusa ai mihta ra ba sin, upla wala witin wina dakbia apia. Baha karnika dusa dawanka ba balbia kat, bara upla sut ba witin ai bîla wali daukbia.

Luk 24:27

Bamna mahka Ulbanka nani witin ai tânka aisi nani ba saki tânka smalkan, Moses wauhkataya nani wina ban prapit nani ulbanka nani ba kat.

Jan 1:45

Bamna Pilip lika wan Natanael pliki, bara naku win: —Yang nani waitna kum kaikri, witinka dukiara Moses bara prapit nani mita ulban kan ba. Baha ba lika Jisas Nasaret wina, Josep luhpia ba.

Jan 5:47

Moses ulban ba ra kasak lukras sma kaka, ¿nahki kasak lukma yang dîa aisisna ba ra?”

Apastil Nani Sturka 26:22

Sakuna Dawan hilpka ba mita, ban nanara kat bapi buisna, bara sip sna upla sut ra Dawan sturka yamni ba wiaia. Moses bara prapit nani mita dîa takbia aisin ba, diara sât wala kumi sin yang aisaras.

Roman 10:4

Bamna Kraist ra sika Moses lâka aiska daukisa, bara ya witin ra kasak luki ba Gâd mita yamni kulkan sa.

Galesha 2:19

Kan yang lika lâ mapara pat pruri sa; baha sim lâka ba mita ai munan pruri, baha mita Gâd ra raya kamna wisi.

Galesha 3:10

Bamna ya nani Moses lâka bîla wali daukaia luki ba lika, saura pali kulkan lâka mununhtara sa. Kan Ulbanka wisa: “Lâ wauhkataya ra dîa ulban ba aiska daukras uplika nani ba lika, saura pali kulkan lâka mununhtara sa.”

Galesha 3:13

Lâ mita saura pali wan kulkan ba wina Kraist mita pri wan sakan sa, kan yawan wan tâwan witin lika upla saura kum baku takan; Ulbanka ba wisa: “Saura pali sa baha nani dus ra paman prui ba.”

Galesha 3:24

Lâ ba tuktan main kakaira baku kan; bahamna tuktan baku wan tapahki kan Kraist balan ba kat, bara baku mika yawan bui witin kat kasak lukbia kaka, Gâd mita kasakkira wan kulkbia.

Kli Smalkanka 18:15

“Dawan Gâdkam mita prapit kum yang baku man nani tilam wina maikbia, bara man nani lika witin ra bîla walma.