Jan 5:42 - DAWAN BÎLA AISKA

⁴² Baha purkara, yang lika man nani tânkam ba pain kaikisna, man nani bui Gâd ra latwan kaikras sma ba.

Jan 5:42 ပူးပေါင်းရင်းမြစ်များ

Luk 16:15

Bara Jisas baha nani ra win: “Man nani sika upla nani mawanra wînam kasakkira sakaia lihki banhwisma ba, sakuna Gâd lika upla nani kupia ba kaikisa; bamna upla bui tara kulki nani ba, Gâd mita lika baha nani ba bahki kulkisa.

Jan 2:25

Baha mita Jisas ra sip upla kum mita wiaia âpu kan, witin pali mita pat kaiki kan upla kupia ra dîa bâra ba sut.

Jan 21:17

Jisas aima yumhpa ra kli makabi walan: —Saiman, Jan luhpia, ¿man latwan ai kaikisma ki? Pita naha kat sari takan, kan Jisas naha kat aima yumhpa witin ra latwan kaiki sapa makabi walan bamna. Baku mika Saiman win: —Dawan, man diara nani sut ba kaikisma, bamna man kaikisma yang bui man ra latwan sna ba. Jisas bila: —Baku sa kaka, sîpki nani ba plun dakaks.

Jan 5:41

“Upla wina mayunra ba plikras sni.

Jan 5:43

Yang na Aisa mita ai blikan, man nani ai briras sma; sakuna upla kum yakan ai karnika ra balbia kaka lika man nani brima.

Jan 5:44

¿Nahki man nani kasak lukma, kan man nani ba kumi mita wala ra tawi pana pana mayunra ba brisma, bara Gâd kumi baman ba wina mayunra aula ba lika pliki banhras sma?

Jan 8:42

Bamna Jisas pana win: —Gâd ba kasak man nani aisikam kata kaka, latwan ai kaikaia katma, kan yang lika Gâd wina ai blikan nahara sni. Yang yakan balras, sakuna Gâd mita ai blikan.

Jan 8:47

Ya Gâd wina sa kaka, Gâd bîla nani ba aman walisa; sakuna man nani na Gâd wina apia sma ba mita, walaia want apia sma.

Jan 8:55

Ban sakuna, man nani bui witin ba kakaira apia sma. Yang lika witin ra kakaira sni; bara witinka ba kaikras wimna kaka, yang sin man nani wal baku kuninkira sna. Sakuna kasak pali mai wisna, witin ba yang kakaira sna, bara ai bîla sin wali daukisni.

Roman 8:7

Bamna upla lâka kat baman luki tauki nani ba lika Gâd wal waihla takisa, kan Gâd lâka ba brin daukras bara baha ra sip bawras sa.

1 Jan 2:15

Tasba na bara diara nani bilara ba, latwan kaikpara. Ani uplika tasba ra latwan kaiki ba, Gâd Aisa ra sip latwan kaikbia apia;

1 Jan 3:17

Yuya bri uplika kum kra ai muihni kum diara want pali kan kaikisa, sakuna witin baha dukiara sari lukras kaka, ¿nahki sip kabia witin ai kupia ra Gâd ra latwan kaikan lâka ba bri kaia?

1 Jan 4:20

Upla kum wibia kaka: “Yang lika Gâd ra latwan kaikisni”, kuna ai muihni ra misbara kaikisa kaka, witin lika kuninkira pali sa. Kan ani uplika ai muihni ra ai nakra ni kaiki kuna sip latwan kaikras ba, witin sip Gâd ra latwan kaikbia apia, witinka ra ai nakra ni kaikras ba.

Param Marikanka 2:23

pât tara witin nani wahwaia blikamna. Baku serts nani sut ba ai dara walbia, yang lika upla lukanka bara kupia munhta ba sut kaikisna; bara man nani kumi bani ra dîa daukram ba kat maikamna.