Jan 5:40 - DAWAN BÎLA AISKA

⁴⁰ sakuna man nani lika yang ra balaia want apia sma, baha rayaka ba briaia.

Jan 5:40 ပူးပေါင်းရင်းမြစ်များ

Lawana Nani 81:11

“Sakuna upliki ba walan daukras kan; ¡Israel ba bîli walan daukras sa!

Aiseya 49:7

Dawan, Israel Gâdka holikira, pri sasakra ba wisa tawan nani aiska pali lulki swin ba ra upla wala nani bri misbara kaiki ba, upla tataibra nani albika nani takan ba: “King nani ba bara king luhpia nani sin mai kaikbia ba ra, witin nani ba bal mamwanra bawbia, kan yang, Dawan, Israel Gâdka Holikira, bâk mai sakri yang dîa daukaia ba sut man ra aimakbia.”

Aiseya 50:2

Yang balri piua, ¿dîa muni upla kumi sin âpu kan ba? ¿Yang bal winri bara dîa muni upla kum sin uni kahbras kan ba? ¿Dîa witin nani lukan yang na sip apia sna witin nani pât ra ba wina pri sakaia? ¿Dîa witin nani lukan yang na witin nani ra pri sakaia sip apia sna? Aitani sa yang aisinki kumi ni, kabu ba lâwaia bara awala nani ba tasba lâwan takaia; bara inska nani ba diran bla pruaia bara lî âpu ba mita sukwaia.

Matiu 22:3

Ai albika nani blikan, paiwan uplika nani ba marit pata ra balbia wiaia, sakuna witin nani balaia apia win.

Matiu 23:37

“¡Jerusalem, Jerusalem, man sika prapit nani ba ikisma, bara Gâd bîla twatwilkra mai bliki nani ra walpa ni sabisma ba! ¡Aima ailal luhpiam nani asla dauki brin ai daukan, sim kalila ai luhpia nani ai tnawa munhtara asla dauki ba baku, sakuna man apia wiram!

Jan 1:11

Balan ai tasbaya pali ra, sakuna ai uplika nani mita witin ba briras kan.

Jan 10:10

“Bamna âimplikra ba lika aula, implikaia bara iki âpu daukaia baman; sakuna yang balri na lika, witin nani raya kaia lâka bribia ba dukiara, bara baha sin manis pali bribia mata.

Jan 3:19

Kasak lukras nani ba pat pât ra lakan sa; kan ingnika naha tasba ra balan ba ra, witin nani tihmia ba ra kau brin daukan, ingni ra lika baku apia, kan diara saura nani baman daukisa.

Jan 5:39

Man nani naha Ulbanka nani na, aman kaiki tânka laki kaikma kaka, baha ba wina raya ban kaia ba briaia lukma; ban sakuna, Ulbanka nani na sika, yang dukira aisisa,

Jan 5:41

“Upla wina mayunra ba plikras sni.

Jan 5:44

¿Nahki man nani kasak lukma, kan man nani ba kumi mita wala ra tawi pana pana mayunra ba brisma, bara Gâd kumi baman ba wina mayunra aula ba lika pliki banhras sma?

Jan 6:27

Wark taki banhpara, baha pata isti aisawi ba dukiara; sakuna wark taki banhs, ban kaia ra pata ba dukiara, rayaka ban kaia lâka yabi ba dukiara sin. Naha pata ba sika Upla Luhpia Waitna bui maikbia, kan Gâd Aisa mita witin ra bâk sakan sa.

Jan 6:37

Diara sut Aisa aiki ba, yang ra aula; baha nani yang ra aula ba, yang sip kangbi sakamna apia pali.

Jan 6:40

Naha sika witinka ai blikan kupia lâka ba: Upla sut mita Gâd Luhpia ra kaiki kasak lukbia, bara baku mika raya ban kaia ba bribia; bara tnata piua ra, yang mita pruan wina kli bukamna.

Roman 6:23

Saurka ba mita mana baku wanki ba lika prura, sakuna Gâd wina prisantka ba lika, raya ban kaia lâka Kraist Jisas wan Dawan wal asla.

Param Marikanka 22:17

Spirit Holikira ba bara Sîp Luhpia maya mairin ba naku wisa: “¡Bal!” Bara wali uplika ba wiaia sa: “¡Bal!” Ya din dauki ba, balaia sa; ya brin dauki ba, raya kaia laya ba mana luha dibia.